Header Ads

ໄຊຍະບູລີ ເລັ່ງສ້າງຄວາມເຂົ້າໃຈ ຕໍ່ໂຄງການສໍາຫຼວດຂອບເຂບສວນອຸທິຍານພຶກສາສາດຜາຊ້າງ-ຜາຂີ້ໝີ້ນ

ພະແນກວິທະຍາສາດ ແລະ ເຕັກໂນໂລຊີແຂວງໄຊຍະບູລີ ລົງເຜີຍແຜ່ເຊື່ອມຊຶມ ແລະ ສ້າງຈິດສໍານຶກຮ່ວມກັນໃນການຈັດຕັ້ງປະຕິບັດໂຄງການສໍາຫຼວດຂອບເຂບສວນອຸທິຍານພຶກສາສາດຜາຊ້າງ-ຜາຂີ້ໝີ້ນຢູ່ບ້ານນາຫຼາ ເມືອງໄຊຍະບູລີ ແຂວງໄຊຍະບູລີ  ຂຶ້ນເມື່ອບໍ່ດົນມານີ້ຢູ່ທີ່ຫ້ອງປະຊຸມຄຸ້ມນາແລ້ງນ້ອຍ. 

ໂດຍການໃຫ້ກຽດເຂົ້າຮ່ວມຂອງທ່ານ ບຸນຄົງ ພົງສະຫວັນ, ຮອງເລຂາພັກເມືອງ, ຮອງເຈົ້າເມືອງໄຊຍະບູລີ, ມີທ່ານ ສົມສະໜຸກ ໄຊຄໍາມູນ, ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງໄຊຍະບູລີ, ມີຫົວໜ້າ, ຮອງຫົວໜ້າຫ້ອງການ, ພະນັກງານທີ່ກ່ຽວຂ້ອງ, ອໍານາດການປົກຄອງບ້ານ ແລະ ພໍ່ແມ່ປະຊາຊົນເຂົ້າຮ່ວມ.

ໂດຍອີງຕາມຂໍ້ຕົກລົງຂອງທ່ານເຈົ້າແຂວງໄຊຍະບູລີ ວ່າດ້ວຍການມອບສິດການນໍາໃຊ້ທີ່ດິນໃຫ້ພະແນກວິທະຍາສາດ ແລະ ເຕັກໂນໂລຊີແຂວງ ແລະ ຂໍ້ຕົກລົງຂອງທ່ານເຈົ້າແຂວງ ວ່າດ້ວຍການແຕ່ງຕັ້ງຄະນະຮັບຜິດຊອບຈັດຕັ້ງປະຕິບັດໂຄງການສໍາຫຼວດຂອບເຂດສວນອຸທິຍານພຶກສາສາດ ແຂວງໄຊຍະບູລີ.

 ໃນພິທີໄດ້ນໍາສະເໜີເນື້ອໃນເປົ້າໝາຍ ແລະ ຈຸດປະສົງຂອງໂຄງການສ້າງສວນອຸທິຍານພຶກສາສາດ ຕັ້ງຢູ່ທາງພາກຕາເວັນອອກຂອງເມືອງໄຊຍະບູລີ, ທີ່ຕັ້ງຂອງໂຄງການກວມເອົາເຂດຜາຂີ້ໝີ້ນ ແລະ ຜາຊ້າງຕິດກັບ 19 ບ້ານພາຍໃນເມືອງ, ເນື່ອງຈາກວ່າໃນເມື່ອກ່ອນເຂດຜາຂີ້ໝີ້ນ ແລະ ຜາຊ້າງຂອງເມືອງ ແລະ ແຂວງໄຊຍະບູລີ ເປັນພູຜາປ່າໄມ້ທີ່ອຸດົມສົມບູນ ເຕັມໄປດ້ວຍສັດນໍ້າ-ສັດປ່າ, ພຶດພັນນາໆຊະນິດ, ມີຕົ້ນໄມ້ໃຫ່ຍມີອາຍຸຫຼາຍກ່ວາ 100 ປີ, ເປັນປ່າຕົ້ນນໍ້າທີ່ຂຽວງາມຕະຫຼອດປີ, ມີໄມ້ພຶດຫຼາຍຊະນິດທີ່ເປັນສະໜູນໄພ, ຢາພື້ນເມືອງ, ມີທີວທັດສວຍສົດງົດງາມ, ທັງເປັນບ່ອນຜະລິດອົກຊີແຊນຂອງເມືອງ ກໍ່ຄືແຂວງໄຊຍະບູລີ ໄດ້ມີອາກາດສົດ ໂດຍມີແມ່ນໍ້າຮຸ່ງທີ່ໄຫຼເຫຼາະລຽບຕາມຜາຂີ້ໝີ້ນ ແລະ ຜາຊ້າງ. 
ສະພາບດັ່ງກ່າວນີ້ ໄດ້ສ້າງຄຸນຄ່າທາງດ້ານທ່ອງທ່ຽວ, ການສຶກສາ, ສາທາລະນະສຸກ, ຊັບພະຍາກອນທໍາມະຊາດ ແລະ ສິ່ງແວດລ້ອມ ຢ່າງມະຫາສານ, ແຕ່ມາເຖິງປັດຈຸບັນ ເຂດຜາດັ່ງກ່າວໄດ້ຖືກກຸ່ມຄົນຈໍານວນໜື່ງເຂົ້າໄປທໍາລາຍຢ່າງໜັກໜ່ວງ, ຕົ້ນໄມ້ໃຫ່ຍຖືກຕັດລົງ ຈາກປ່າດົງທີ່ດົກໜາ ກາຍເປັນປ່າເລົ່າອ່ອນ, ສັດປ່າບາງຈໍາພວກສູນຫາຍ, ສັດນໍ້າ-ສັດປ່າ ແລະ ທີວທັດທໍາມະຊາດຖືກທໍາລາຍ ນັບມື້ນັບຫຼຸດລົງ.


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com





No comments

Powered by Blogger.