Header Ads

ກອງປະຊຸມ ປະຊາສຳພັນວຽກງານການຂື້ນທະບຽນອອກໃບຕາດີນ ທີ່ເມືອງເງິນ


ໄດ້ຈັດຂື້ນໃນວັນທີ 13 ກັນຍາ 2017 ນີ້ຢູ່ທີ ຫໍປະຊຸມບ້ານກາງ ເມືອງເງິນ ແຂວງ ໄຊຍະບູລີ. ເຂົ້າຮ່ວມເປັນກຽດມີ ທ່ານ ບຸນສົດ ອິນທະປັນຍາ ຮອງເລຂາພັກເມືອງ ຮອງເຈົ້າເມືອງ, ມີ ທ່ານ ບຸນຄົງ ທຳມະລັດ ຮອງຫົວໜ້າຫ້ອງການຊັບພະຍາກອນ ທຳມະຊາດ ແລະ ສິ່ງແວດລ້ອມ, ມີຕ່າງໜ້າຫ້ອງການທີ່ກ່ຽວຂ້ອງ, ອົງການຈັດຕັ້ງບ້ານ ແລະ ປະຊາຊົນພາຍໃນບ້ານເຂົ້າຮ່ວມ.


ທ່ານ ບຸນຄົງ ທຳມະລັດ ຮອງຫົວໜ້າຫ້ອງການຊັບພະຍາກອນ ທຳມະຊາດ ແລະ ສິ່ງແວດລ້ອມ ໄດ້ຜ່ານດຳລັດ ເລກທີ 88 ຂອງນາຍົກລັດມົນຕີ ວ່າດ້ວຍການຈັດຕັ້ງປະຕິບັດກົດໝາຍທີ່ດີນ ແລະ ຄຳແນະນໍາກ່ຽວກັບການຂື້ນທະບຽນອອກໃບຕາດີນແບບເປັນລະບົບ ໃນການພິສູດຫຼັກຖານ ການລົງວັດແທກຕົວຈິງຂອງດີນແຕ່ລະຕອນ, ນັບທັງດີນປຸກສ້າງ, ດີນສວນ,ດີນລວມໝູ່ ແລະ ດີນລັດ ຢູ່ໃນຂອບເຂດບ້ານດັ່ງກ່າວ. ທັງເປັນການເກັບກຳຂໍ້ມູນ ແລະ ສະຖິຕິ ທີດີນແຕ່ລະປະເພດ ໃຫ້ມີຄວາມລະອຽດ ຊັດເຈນຂື້ນກວ່າເກົ່າ ເພື່ອລີກລ້ຽງບັນຫາຂໍ້ຄັດແຍ່ງຕ່າງໆ. ທັງເປັນການມອບສິດໃຫ້ປະຊາຊົນ ຄຸ້ມຄອງ-ນຳໃຊ້ ແລະ ປົກປັກຮັກສາທີດີນ ໃຫ້ມີປະສິດທິພາບ.

ຂ່າວ+ໂດຍ: ສຸລິຍາ ແສງເດືອນ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.