Header Ads

ກອງປະຊຸມເຊື່ອມຊຶມນິຕິກຳກ່ຽວກັບວຽກງານກວດກາພັກ ແລະ ກວດກາລັດ ການແຈ້ງຊັບສິນ-ລາຍຮັບຂອງພະນັກງານລັດຖະກອນທົ່ວເມືອງ


ໄດ້ຈັດຂຶ້ນໃນຕອນເຊົ້າຂອງວັນທີ 21 ກັນຍາ 2017ນີ້ ຢູ່ທີ່ສະໂມສອນເມືອງເງິນ ແຂວງໄຊຍະບູລີ, ມີຄະນະປະຈຳພັກເມືອງ, ກຳມະການພັກເມືອງ, ເລຂາໜ່ວຍພັກ, ຫົວໜ້າຫ້ອງການ, ຫົວໜ້າດ່ານສາກົນນໍ້າເງິນ, ກົມກອງ, ພະນັກງານລັດຖະກອນເຂົ້າຮ່ວມ 99 ຄົນ, ຍິງ 11 ຄົນ.


          ກອງປະຊຸມເຊື່ອມຊຶມນິຕິກຳກ່ຽວກັບວຽກງານກວດກາພັກ ແລະ ກວດກາລັດ ການແຈ້ງຊັບສິນ-ລາຍຮັບຂອງພະນັກງານລັດຖະກອນຄັ້ງນີ້ ທ່ານສອນສຸກ ພວງແກ້ວ ຮອງເລຂາພັກເມືອງ. ຮອງເຈົ້າເມືອງໄດ້ຂຶ້ນຜ່ານຂໍ້ຕົກລົງຂອງຄະນະປະຈຳພັກແຂວງ ສະບັບເລກທີ 236/ຄພຂ.ຊຍ ລົງວັນທີ 22 ພືດສະພາ 2017 ວ່າດ້ວຍການຈັດຕັ້ງ ແລະ ເຄື່ອນໄຫວຂອງຄະນະກວດກາພັກແຂວງ ແລະ ກວດກາລັດແຂວງ. ໂດຍຕິດພັນກັບຂໍ້ຕົກລົງຂອງທ່ານ ເຈົ້າເມືອງສະບັບເລກທີ 247 ລົງວັນທີ 31 ສິງຫາ 2017ວ່າດ້ວຍການຈັດຕັ້ງ ແລະ ການເຄື່ອນໄຫວຂອງຄະນະກວດກາພັກ ແລະ ກວດກາລັດເມືອງ.


          ຈາກນັ້ນ ທ່ານ ບຸນຈັນ ແສນສະຫວັດ ຄະນະປະຈຳພັກເມືອງ ປະທານກວດກາພັກ-ລັດເມືອງໄດ້ຂຶ້ນແນະນຳກ່ຽວກັບການແຈ້ງຊັບສິນ ແລະ ລາຍຮັບຂອງພະນັກງານລັດຖະກອນຮອບທີ 2 ເພື່ອເປັນການກວດກາຕີລາຄາຄືນຜົນຂອງການຈັດຕັ້ງປະຕິບັດວຽກງານກວດກາພັກ-ກວດກາລັດໃນໄລຍະຜ່ານມານັບແຕ່ຂັ້ນແຂວງ ລົງຮອດຂັ້ນເມືອງ, ທັງເປັນການຕ້ານ ແລະ ສະກັດກັ້ນການສໍ້ລາດບັງຫຼວງຂອງພະນັກງານລັດຖະກອນທຸກຄົນ ມີສະຕິຕໍ່ການເຄົາລົບລະບຽບກົດໝາຍ ເຮັດໃຫ້ອຳນາດຂອງພັກ-ລັດ ມີບົດບາດສູງເດັ່ນຂຶ້ນ.
ພາບ+ໂດຍ: ສຸລິຍາ ແສງເດືອນ




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




loading...

No comments

Powered by Blogger.