Header Ads

ບໍລິສັດ ໄຟຟ້າ ຫົງສາມອບທືນສົ່ງເສີມນັກຮຽນທີຮຽນເກັ່ງ ແລະ ຄຸນສົມບັດດີ ຢູ່ໂຮງຮຽນ ມສ ນ້ຳເງິນ ເມືອງເງິນ ຈຳນວນ 8 ນ້ອງ ມູນຄ່າ 24.000.000 ກີບ.


ພິທີໄດ້ຈັດຂື້ນໃນວັນທີ່ 26 ກັນຍາ  2017 ນີ້ ຢູ່ທີ່ໂຮງຮຽນ ມັດທະຍົມສົມບູນ ນ້ຳເງິນ ເມືອງເງິນ ແຂວງໄຊຍະບູລີ ເຂົ້າຮ່ວມເປັນກຽດມີ ທ່ານ ສອນສຸກ ພວງແກ້ວ ຮອງເລຂາພັກເມືອງ ຮອງເຈົ້າເມືອງ, ມີທີມງານ ບໍລິສັດໄຟຟ້າຫົງສາ, ອຳນວຍການໂຮງຮຽນ, ນາຍບ້ານ, ຄູອາຈານ,ພໍ່ແມ່ນັກຮຽນ ແລະ ນ້ອງນັກຮຽນເຂົ້າຮ່ວມ.

 ທ່ານ ໄວພົດ ປັນຍາສອນ ຮອງຫົວຫນ້າຫ້ອງການສຶກສາ ທິການ ແລະ ກິລາ ໄດ້ຜ່ານຂໍ້ຕົກລົງຂອງທ່ານເຈົ້າເມືອງ ວ່າດ້ວຍການແຕ່ງຕັ້ງຄະນະກຳມະການຄົ້ນຄວ້າ, ຄັດເລືອກ ນັກຮຽນເກັ່ງ-ຄຸນສົມບັດດີ ເພື່ອຮັບທືນການສຶກສາ ຈາກບໍລິສັດໄຟຟ້າຫົງສາ ຈຳນວນ 8 ທືນ ມູນຄ່າ 24 ລ້ານກີບ . ໃຫ້ກຽດມອບໂດຍແມ່ນ ທ່ານ ຄົມເພັດ ແກ້ວພິລາ ຕາງໜ້າຈາກບໍລິສັດໄຟຟ້າຫົງສາ ໃຫ້ກຽດຮັບໂດຍແມ່ນ ນ້ອງນັກຮຽນເກັ່ງ ແລະ ຄຸນສົມບັດດີ ທີ່ໄດ້ຮັບທືນ ຈຳນວນ 8 ນ້ອງ.

ຕອນທ້າຍ ທ່ານ ສອນສຸກ ພວງແກ້ວ ຮອງເລຂາພັກເມືອງ ຮອງເຈົ້າເມືອງ ກໍ່ໄດ້ຕາງໜ້າອົງການປົກຄອງເມືອງ ແລະ ຊາວເມືອງເງິນ ສະແດງຄວາມຍ້ອງຍໍຊົມເຊີຍ ຕໍ່ທາງບໍລິສັດໄຟຟ້າຫົງສາ ທີ່ໄດ້ຊຸກຍູ້ສົ່ງເສີມວຽກງານການສຶກສາ ກໍ່ຄືການສົງເສີມນັກຮຽນ ໃຫ້ຮຽນດີ-ຮຽນເກັ່ງ ມີຄຸນສົມບັດດີ ແລະ ເປັນແບບຢ່າງທີ່ດີ ໃຫ້ໝູ່ເພື່ອນ ເຮັດໃຫ້ເຂົາເຈົ້າມີຄວາມບຸກບືນ-ຫ້າວຫັນຕໍ່ການຮ່ຳຮຽນຂື້ນໄປເລື້ອຍໆ.
ໂດຍ: ສຸລິຍາ ແສງເດືອນ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com





loading...

No comments

Powered by Blogger.