Header Ads

ປະຊາຊົນຫຼາຍພັນຄົນຈາກ ທົ່ວປະເທດ! ມານັ່ງຖ້າຄໍາຕອບຈາກ ປະທານພີເອັສ!



ປະຊາຊົນຫຼາຍພັນຄົນຈາກ ທົ່ວປະເທດ! ມານັ່ງຖ້າຄໍາຕອບຈາກ ປະທານພີເອັສ! ຕັ້ງແຕ່ເຊົ້າ! ບໍລິສັດ ກໍ່ປິດປະຕູ ແບບບໍ່ມີຫຍັງເກີດຂຶ້ນ. ປະຊາຊົນ ກະໄດ້ແຕ່ຈົ່ມ ແລະ ລໍຖ້າ. ແມ່ນໃຜຈະເປັນພະເອກຂີ່ມ້າຂາວ ມາຊ່ວຍແກ້ໄຂບັນຫານີ້, ຫຼື ປະຊາຊົນ ຈຳນວນຫຼາຍນີ້ ຈະຖ້າແບບລົມໆ ແລ້ງໆ....

ໜ້າສົງສານແທ້ໆ...

ຜູ່ເສຍຫາຍ ຄົນໜື່ງສົ່ງຂໍ້ຄວາມ ມາຫາ ໂທລະໂຄ່ງວ່າ: ດຽວນີ້ ພາກັນ ກິນເຂົ້າຈໍ້າແຈ່ວ ມານັ່ງຖ້າຄຳຕອບ ເພາະ ເອົາເງິນມາຮ່ວມທຶນ ເກືອບ ຮ້ອຍລ້ານ. ຊິໄດ້ຫຼືບໍ່ນັ້ນ ຍັງບໍ່ຮູ້. ແຕ່ຕ້ອງໄດ້ ສູ້ບໍ່ຖອຍ ເພາະນັ້ນແມ່ນເງິນທັງໝົດ ທີ່ຄອບຄົວ ໄດ້ນຳມາລົງທຶນ.. ແລະ ຍັງຫຼາຍຄອບຄົວ ທີ່ຫອບລູກ ຈູງຫຼານ ມາແຕ່ຕ່າງແຂວງ.








ຂ່າວກ່ອນໜ້ານີ້


ປໍເຮີ ແລະ ສຸກນາລີ ລີ້ ບໍ່ກ້າມາພົບ ສະມາຊິກ ປານນີ້! ຄລິບສົດໆ ຈາກ ບໍລິສັດ PS






ຂ່າວກ່ອນໜ້ານີ້

ເພຈ ທວງໜີີຄືນຈາກ PS ໄດ້ແຈ້ງຂ່າວ ໃນວັນທີ 9 ກັນຍາ 2017 ວ່າ ຈະເດີນໜ້າ ຮວມຕົວສະມາຊິກ ທີ່ອັບປະໂຫຍດ ຈາກບໍລິສັດ ພີເອັສ ເພື່ອຮັບຄໍາຊື້ແຈງ ຈາກປະທານ ບໍລິສັດ ພີເອັສທັງສອງ ຄືນາງສຸກນາລີ ເທບສີເມືອງ ແລະ ທ້າວ ປໍເຮີ. 

ເຖິງແມ່ນວ່າບໍລິສັດ ຈະແຈ້ງປະກາດປິດບໍລິສັດ ແຕ່ວັນທີ 8-15 ກັນຍາ 2017 ຈະດ້ວຍເຫດຜົນໃດກໍ່ຕາມທີ່ບໍລິສັດອ້າງມາ, ທາງສະມາຊິກ ກໍ່ຈະຍັງໄປພົບ ຕາມນັດໝາຍທີ່ໄດ້ສົ່ງໃຫ້ກັບມືຶປະທານ ໃນວັນທີ 6 ກັນຍາ 2017 ຜ່ານມາ. ເຊິ່ງ ທາງປະທານ ບໍລິສັດ ກໍ່ຕອບຮັບນັດໝາຍເປັນທີ່ຮຽບຮ້ອຍ.

ສະມາຊິກ ຍໍ້າບອກອີກ ວ່າ ຢາກໃຫ້ປະທານທັງສອງ ພົບ ແລະ ຕັດສິນເດັດຂາດ ໃນການສົ່ງເງິນຄືນ, ຢ່າເຮັດຄືເດັກນ້ອຍ ທີ່ຫຼົບໜ້າ ແລະ ທ່ວງດຶງເວລາ. ເພາະບັນຫາແກ່ຍາວມາຫຼາຍ. 








ຂ່າວກ່ອນໜ້ານີ້


ພາຍຫຼັງທີ່ມີຂ່າວ ທີ່ບັນດາສະມາຊິກ ທີ່ອັບປະໂຫຍດ ຈາກບໍລິສັດ ພີເອັສ ໄດ້ຮຽກເຕົ້າໂຮມ ເພື່ອໄປພົບກັບປະທານ ຂອງບໍລິສັດ ຄື ທ້າວປໍເຮີ ແລະ ນາງສຸກນາລີ ເທບສີເມືອງ ຜ່ານເພຈ 
ກຸ່ມທວງເງີນຄືນຈາກ PS  

ການຮວມຕົວຄັ້ງນີ້ ກໍ່ເນື່ອງຈາກ ຄຳສັ່ງຂອງທະນາຄານ ທີ່ໄດ້ແຈ້ງໃຫ້ ພີເອັສ ສົ່ງເງິນຄື່ນ ໃນແຈ້ງການ ເດືອນ ມິຖຸນາຜ່ານມາ ແຕ່ປະກົດວ່າ ຍັງບໍ່ທັນມີໃຜໄດ້ເງິນ, ເຊິ່ງທາງ ພີເອັສ ກໍ່ໃຫ້ເຫດຜົນ ກຳລັງດຳເນີນການ ກັບໜ່ວຍງານສະເພາະກິດ ແລະ ໄດ້ມີການລາຍງານ ໃຫ້ຊາບ ເຊິ່ງຢູ່ໃນການລໍ້ຖ້າ ຄຳແນະນຳ.

ໃນວັນທີ 8 ກັນຍາ 2017 ຜ່ານມາ ບໍລິສັດ ພີເອັສ ກໍ່ແຈ້ງການປິດບໍລິສັດ ກະທັນຫັນ ເປັນເວລາ 7 ວັນທີ ແຕ່ວັນທີ 8-15 ກັນຍາ 2017 ຕາມແຈ້ງການຂອງຂ້າງລຸ່ມ.



ນີ້ເປັນ ການທ່ວງດຶງ ຫຼື ການລົບໜ້າ ສະມາຊິກ ຂອງ ພີເອັສບໍ່? ຫຼືແນວໃດ ກໍ່ໃຫ້ທາງພາກສ່ວນກ່ຽວຂ້ອງໄດ້ກວດສອບ ແລະ ດຳເນີນການຢ່າງເລັ່ງດ່ວນເພື່ອແກ້ໄຂບັນຫານີ້. ເພາະປະຈຸບັນ ພີເອັສ ເອງກໍ່ ບອກວ່າ ເອກະສານສົ່ງໃຫ້ ພາກສ່ວນ ໜ່ວຍງານສະເພາະກິດຂອງທະນາຄານ ແລ້ວ ແລະ ຢູ່ໃນການລໍຖ້າ. 

ສ່ວນບັນດາສະມາຊິກ ທີ່ອັບປະໂຫຍດ ກໍ່ຄົງຕ້ອງເດີນໜ້າທວງເອົາເງິນຂອງຕົນເອງຄື ແລະ ວັນທີ 11 ກັນຍາ ຄົງຈະພາກັນໄປ ຖ້າທີ່ ບໍລິສັດ ແລະ ຄົງຫວັງວ່າ ປະທານ ຈະມີຈິດໃຈ ນັກກິລາພຽງພໍ ຈະມາຮັບສະມາຊິກ ແລະ ອະທິບາຍ ພ້ອມ ໃຫ້ຂີດໝາຍ ຊັດເຈນ ຕໍ່ກັບ ການຄືນເງິນຄືນ.

ບໍລິສັດ ພີເອັສ ຍັງອ້າງຂໍ້ມູນວ່າ ມີສະມາຊິກພຽງ 15% ທີ່ຢາກຖອນເງິນຄືນ ສ່ວນ 85% ແມ່ນຢາກຢູ່ຕໍ່, ກໍ່ໃຫ້ ພີ່ເອັສຈົ່ງ ຄືນເງິນ ໃຫ້ຈຳນວນ 15% ໃຫ້ໝົດກ່ອນ ເພື່ອສະແດງ ຄວາມຮັບຜິດ ຊອບ ດັ່ງທີ່ເຄີຍອ້າງມາຫຼາຍໆຄັ້ງ.




ຄລິບສະມາຊິກຮຽກເຕົ້າໂຮມໄປທວງເອົາເງິນ



ຂ່າວກ່ອນໜ້ານີ້




ນັບແຕ່ແຈ້ງການຂອງ ທະນາຄານແຫ່ງ ສປປລາວ ຄັ້ງທີ່ 2 ຮອດປະຈຸບັນ ບັນຫາ ຂອງບໍລິສັດ ພີເອັສ ຍັງບໍ່ໄປບໍ່ມາ ແລະ ປະຊາຊົນ ຜູ່ໄດ້ຮັບຜົນກະທົບ ຍັງບໍ່ທັນໄດ້ຮັບການແກ້ໄຂ. ຂໍ້ມູນຈາກສະມາຊິກ ສົ່ງມາໃຫ້ຮູ້ວ່າ ປະຈຸບັນໄດ້ພາກັນຂຽນຈົດໝາຍຮ້ອງທຸກ ໄປແລ້ວ ປະມານ 3 ພັນກວ່າຄົນ ແຕ່ທາງການກໍ່ຍັງບໍ່ທັນມີການ ດຳເນີນການ ຫຼື ຄວາມຄືບໜ້າໃດໆ.

ດັ່ງນັ້ນ, ໃນວັນທີ 11 ກັນຍາ 2017 ນີ້ ທາງຜູ້ເສຍຫາຍ ຈິ່ງໄດ້ປະກາດຫາ ສະມາຊິກ ພີເອັສ ທັງໝົດທີ່ເສຍຫາຍ ໃຫ້ເຂົ້າໄປພົບກັບ ທາງນາງ ສຸກນາລີ ເທບສີເມືອງ ແລະ ຮຽກຮ້ອງ ໃຫ້ເຈົ້າໜ້າທີ່ກ່ຽວຂ້ອງ ໄດ້ເຂົ້າໄປ ໃຫ້ການຊ່ວຍເຫຼືອແດ.

ກົດຟັງຄລິບ ຈາກຜູ້ເສຍຫາຍ ທີ່ເປັນແກນນໍາ ເພື່ອທວງເງິນຄືນຈາກ ພີເອັສ



ທ່ານສາມາດຕິດຕາມການເຄື່ອນໄຫວຂອງສະມາຊິກ ພີເອັດ ທີ່ທວງໜີ້ຄືນໄດ້ທີ່ເພຈຂ້າງລຸ່ມ







ຄລິບແຈ້ງການຂອງ ທະນາຄານແຫ່ງ ສປປລາວ






------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.