Header Ads

ຄລິບ ການຈັບຕົວ ປໍເຮີ ແລະ ສຸກນາລີ ພ້ອມກັບລູກມື ເພື່ອໄປດຳເນີນການສອບສວນ ຕາມກົດໝາຍ!


ນະຄອນຫຼວງວຽງຈັນ: ການດຳເນີນການເຈລະຈາ ວັນທີ 2 ຂອງສະມາຊິກ ພີເອັສ ເພື່ອທວງ ເອົາເງິນຄືນ ຈາກ ນາງ ສຸກນາລີ ແລະ ທ້າວ ປໍເຮີ ປະທານ ຂອງບໍລິສັດ ພີເອັສ. ຈາກຄວາມອັບປະໂຫຍດ, ການຮ້ອງທຸກ ຂອງສະມາຊິກ ຫຼາຍພັນຄົນ ທີ່ມາເຕົ້າໂຮມ ແຕ່ວັນທີ 11 ກັນຍາ 2017. 

ໄດ້ມີ ການເປີດເຜີຍຂໍ້ມູນ, ກົນໂກງ ແລະ ການຕົ້ມຕຸນ ຮູບແບບຕ່າງໆ ທີ່ ບໍລິສັດ ພີເອັສ ໄດ້ວາງອຸບາຍ ເພື່ອລະດົມເອົາເງິນປະຊາຊົນ.

ໃນທີ່ສຸດ ເວລາປະມານ 15:00 ທາງເຈົ້າໜ້າທີ ປກສ ກໍ່ໄດ້ ສົ່ງເຈົ້າໜ້າທີ່ ສະເພາະກິດ ໄປກັກຕົວ ທ້າວປໍເຮີ ແລະ ນາງສຸກນາລີ ພ້ອມດ້ວຍ ລູກມື ທີ່ສຳຄັນ ທີ່ຮ່ວມໃນຂະບວນການດັ່ງກ່າວ. ແລະ ເວລາ 18:00 ທາງເຈົ້າ ໜ້າທີ່ໄດ້ນໍາຕົວ ປໍເຮີ ແລະ ສຸກນາລີ ເຂົ້າຝາກຂັງ ເພື່ອການສືບສວນ ແລະ ດຳເນີນຄະດີຕໍ່ໄປ.

ທາງສະມາຊິກພີເອັສ ທັງໝົດ ສະແດງຄວາມຂອບໃຈ ເປັນຢ່າງສູງ ມາຍັງ ທາງພາກລັດຖະບານ ທີ່ໄດ້ມາຊ່ວຍແກ້ໄຂ ບັນຫານີ້ ທີ່ແກ່ຍາວມາເປັນເວລາຫຼາຍປີ. ແລະ ທຸກຄົນ ໂດຍສະເພາະ ສະມາຊິກ ທີ່ອັບປະໂຫຍດ ກໍ່ຫວັງຈະໃຫ້ກົດໝາຍ ລົງໂທດຄົນທີ່ກະທຳຜິດ ແລະ ໃຫ້ການຊ່ວຍເຫຼືອແກ່ປະຊາຊົນຜູ່ອັບປະໂຫຍດ.



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.