Header Ads

ເຕືອນໄພການຕົ້ມຕຸນອ່ອນລາຍ


ສະບາຍດີໂທລະໂຄ່ງ,

ນ້ອງຂໍລົບກວນທາງໂທລະໂຄ່ງປະກາດແຈ້ງໃຫ້ປະຊາຊົນລາວ ຫລື ອ້າຍນ້ອງຊາວລາວຮັບຮູ້ນຳກັນ ແລະ ເຕືອນໄພຕໍ່ໆກັນເພື່ອບໍ່ໃຫ້ເປັນເຫຍື່ອຂອງຄົນບໍ່ດີ:


ເລື່ອງມີຢູ່ວ່າມີຄົນຕ່າງປະເທດມາແອັດນ້ອງທາງເຟດບຸກນ້ອງກໍ່ຮັບ. ເອົາຫລັງຈາກຮັບເອົາແລ້ວເຂົາເຈົ້າກໍ່ສົ່ງຂໍ້ຄວາມມາລົມໃນລັກສະນະບ່າວສາວລົມໄດ້ໄລຍະຫນື່ງເຂົາເຈົ້າບອກວ່າຊິມາຢູ່ລາວໃຫ້ຊອກເຮືອນໃຫ້ແດ່ຊິຊື້. ນ້ອງກໍ່ຊອກໃຫ້ໃນລາຄາ 200.000$ ເຂົາເຈົ້າກໍ່ຕົກລົງຈະຊື້ໂດຍການຊິໂອນເງິນມາໃຫ້ 500.000$ ໃຫ້ນ້ອງນຳນ້ອງບອກວ່າບໍ່ເອົາ. ເອົາແຕ່200.000$ ກໍ່ພໍແລ້ວ.


ເຂົາເຈົ້າກໍ່ຕົກລົງວ່າຊີໂອນໃຫ້ແຕ່ຕ້ອງໃຫ້ໄປເອົາຢູ່ປະເທດໄທເຊິ່ງເຂົາອ້າງວ່າມີສາຂາຢູ່ນັ້ນດ ຊິໂອນເຂົ້າບໍລິສັດໃຫ້ວ່າສັນແຕ່ກ່ອນຈະໄປເອົາເງິນໂອນແມ່ນໃຫ້ເສຍພາສີໃຫ້ບໍລິສັດກ່ອນຈຳນວນ1.500$ ແລ້ວເຂົາເຈົ້າຊິເອົາເງິນມາ ສົ່ງຮອດເຮືອນໂລດນ້ອງເລີຍຄິດໄດ້ວ່າຕ້ອງແມ່ນພວກຕົ້ມຕຸນແນ່ນອນ ເພາະເຄີຍອ່ານຂ່າວມາກ່ອນ ແລະ ຊີມາໂອນເງິນໃຫ້ເຮົາຫລາຍແທ້ທັ້ງໆທີ່ບໍ່ເຄີຍເຫັນກນ້າກັນ.




ນ້ອງບອກເຂົາໄປວ່ານ້ອງຊິໂອນເງິນເຂົາເອງໂດຍບໍ່ຕ້ອງໄປຈ່າຍຢູ່ບໍລິສັດເພື່ອຢາກໄດ້ທີ່ຢູ່ເຂົາເຈົ້າໄວ້ເປັນຫລັກຖານນ້ອງຊິສົ່ງທີ່ຢູ່ຂອງເຂົາໃຫ້ຖ້າໂທລະໂຄ່ງ ຢາກໄດ້ຂໍ້ຄວາມທາງເຂົາສົ່ງມານ້ອງກໍ່ມີຫນົດຝາກເຕືອນທຸກຄົນແດ່ເດີຢ່າຫລົງເຊື່ອໃຜງ່າຍໆ.


ນອກຈາກກໍລະນີ້ ການຊື້ເຮືອນແລ້ວ, ບາງການຕົ້ມຕຸນແມ່ນການຝາກສິ່ງຂອງລາຄາແພງມາໃຫ້ ແລະ ຕ້ອງໄດ້ຈ່າຍຄ່າຝາກ ເຊິ່ງຈະໃຫ້ໂອນເງິນໃນລັກສະນະດຽວກັນ. ໂດຍການໂອນແມ່ນຈະໃຫ້ໂອນຜ່ານ Western Union ຫຼື Money Gram .


ຂໍ້ສັງເກດ ວິທີການໂອ້ລົມຂອງ ພວກນັກຕົ້ມຕຸນ ແມ່ນ ຈະບໍ່ຈື່ຊື່ ຄົນທີ່ພວກມັນລົມນຳ ເພາະມັນຕົ້ມຕຸນຫຼາຍຄົນ, ສະນັ້ນ ມັກຈະໃຊ້ຄຳແທນນຳ ຮຽກເຊັ່ນ: Darling, Honey, Babe Sweetheart . ຖ້າມາໃນລັກສະນະນີ້ ໃຫ້ເຊົ່າລົມເລີຍ.


ບໍ່ມີໃຜດອກທີ່ບໍ່ເຄີຍພົບກັນ ແລ້ວຈະຮັກກັນ ໄດ້ລົງ ທາງໂລກອ່ອນລ່າຍ. ຫຼື ຈະຍອມ ສົ່ງເງິນ ຫຼື ວັດຖຸມີຄ່າມາໃຫ້. ສະນັ້ນ, ຈົ່ງລະວັງໃຫ້ດີເດີ, ເພາະມີຄົນລາວຫຼາຍຄົນ ຖືກຕົ້ມໄປຫຼາຍຄົນແລ້ວ.
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.