Header Ads

ການຖ່າຍຮູບກ່ອນກິນດອງ ໃນວັດວາອາຮາມ ຕ້ອງສັງລວມ


ການຖ່າຍຮູບກ່ອນກິນດອງ ໃນວັດວາອາຮາມ ຕ້ອງສັງລວມ

ໃນໄລຍະຫລັງໆ ມານີ້ ບັນດາຮ້ານຖ່າຍຮູບ ທີ່ມັກມາຖ່າຍຮູບກ່ອນກິນດອງ ໃນວັດວາອາຮາມ ຫລືສະຖານທີ່ ເຄົາລົບບູຊາ ຕ້ອງວາງກິຣິຍາ ທັງກາຍ ວາຈາ ແລະໃຈ ໃຫ້ສັງລວມ ຮຽບຮ້ອຍ ແລະເຄົາລົບສະຖານທີ່ດ້ວຍ

ແຕ່ບັນດາຮູບພາບທີ່ຖ່າຍອອກມາ ເບິ່ງແລ້ວ ຄືກັບວ່າມາລັກກອດ ລັກຈູບກັນ ຢູ່ໃນວັດໃນວາ ໃຫ້ພຣະພຸທທະຮູບເປັນສາກໃຫ້ ເພາະມັນບໍ່ຖືກບໍ່ຕ້ອງ ແລະເປັນຄ່ານິຍົມທີ່ຜິດທຳນຽມຂອງເມືອງພຸທ ຂອງຄົນພຸທ ໃນສະຖານທີ່ແຫ່ງນີ້.

ການຖ່າຍຮູບໃນສະຖານທີ່ ທີ່ເປັນວັດອາຮາມ ແລະສະຖານທີ່ສັກສິດນັ້ນ ແມ່ນສາມາດຖ່າຍໄດ້ ແຕ່ກໍ່ຕ້ອງມີທ່າທາງທີ່ສຸພາບຮຽບຮ້ອຍ ບໍ່ແມ່ນຖ່າຍຮູບແບບກ້ຽວພາລາສີກັນແບບນີ້

ດັ່ງນັ້ນ ຈຶ່ງຂໍຮຽກຮ້ອງມາເຖິງບັນດາຜູ້ທີ່ຖ່າຍຮູບດອງ ແລະຄູ່ຮັກທີ່ຈະແຕ່ງດອງ ຄວນລະມັດລະວັງ ສັງລວມການຖ່າຍຮູບຢູ່ບັນດາວັດວາອາຮາມ ແລະສະຖານທີ່ສັກສິດ ທີ່ເປັນບ່ອນເຄົາລົບບູຊາ ທັງຫລາຍ ໃຫ້ຈັດທ່າທາງທີ່ສຸພາບ ອ່ອນນອມ ເປັນເຄົາລົບສະຖານທີ່ຕ່າງໆດ້ວຍເທີດ.


ດ້ວຍຄວາມຮັກແພງ
ຈາກ: ເພຈ ວັດຊຽງທອງ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com






No comments

Powered by Blogger.