Header Ads

ສະຫຼົດໃຈ! ລົດຈັກຕຳລົດເມຂຽວ ເສຍຊີວິດຄາທີ 1 ເຈັບສາຫັດ 1 ທາງໂພນຕ້ອງ !



ນະຄອນຫຼວງວຽງຈັນ: ລາຍງານຈາກ 1624 ໃຫ້ຮູ້ວ່າ ໃນວັນທີ 12/10/2017 ເວລາປະມານ 13:05 ນາທີໜ່ວຍກູ້ໄພນະຄອນຫຼວງໄດ້ຮັບແຈ້ງເຫດເຂົ້າໝາຍເລກສຸກເສີນ 1624 ວ່າມີ ລົດເມຕໍາລົດຈັກ ຢູ່ເຂດບ້ານຄຳຮຸ່ງ ເມືອງໄຊທານີ ນະຄອນຫຼວງວຽງຈັນ.



ດັ່ງນັ້ນໜ່ວຍກູ້ໄພນະຄອນຫຼວງຈຶ່ງອອກກວດສອບເຫດ ພ້ອມປະສານຫາເຈົ້າໜ້າທີ່ຕຳຫຼວດ ພົບຜູ້ບາດເຈັບ 1 ຄົນ ແລະ ເສຍຊິວິດ 1 ຄົນ.  ຜູ້ບາດເຈັບເພດຍິງ ມີອາການບາດແຜຖະຫຼອກເຈັບແຂນ. ຜູ້ເສຍຊິວິດແມ່ນເພດຍິງ ອາການແມ່ນ ກະດູກຄໍຫັກ ກະດູກຫົວຫຼຸບ ເສຍເລືອດຫຼາຍ.

ລົດຈັກບໍ່ມີເລກທະບຽນ ຕຳກັບລົດເມສີຂຽວ ທະບຽນ ກຳແພງນະຄອນ ບຂ 0797


ໜ່ວຍກູ້ໄພນະຄອນຫຼວງຈຶ່ງນຳສົ່ງຜູ້ບາດເຈັບໄປໂຮງໝໍມິດຕະພາບ ແລະ ນຳສົ່ງຜູ້ເສຍຊິວິດກັບບ້ານເພື່ອໃຫ້ຍາດພີ່ນ້ອງເຮັດພິທີທາງສາດສະໜາ.

ຂັບຂີ່ລົດໃຫ້ລະມັດລະວັງ ແລະ ມີສະຕິທຸກຄັ້ງ ເພື່ອປ້ອງກັນ ອຸບັດຕິເຫດ.

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.