Header Ads

ແມ່ນແທ້ບໍ່ ທີ່ທາງການລາວ ຈະສົ່ງ ພຣະສົງ 108 ອົງທີ່ເດີນທາງຜ່ານລາວກັບປະເທດ!​ ຍ້ອນເປັນຫ່ວງຄວາມປອດໄພ



ຂໍ້ມູນຈາກເວບໄຊ ລາວພັດທະນາ ໄດ້ອ້າງອີງ ຂໍ້ມູນ ຈາກກົມສາສະໜາ, ສູນກາງແນວລາວສ້າງຊາດ. ໂດຍທ່ານ ບຸນທະວີ ໄດ້ບອກວ່າ: ປະຈຸບັນທາງການລາວ ໄດ້ແຈ້ງໃຫ້ຄະນະສົງ 108 ທີ່ເດີນທາງຈາກ ຈີນຜ່ານລາວ ເພື່ອການສະແຫວງບຸນ ແລະ ເຜີຍແຜ່ ພຸດທະສາສະໜາ ນັ້ນ ໃຫ້ຢຸດການເຄື່ອນໄຫວ ແລະ ໃຫ້ພັກເຊົາທີ່ ຫຼວງພະບາງ. 

ເນື່ອງຈາກວ່າ ການເດີນທາງຂອງ ຄະນະສົງຄັ້ງນີ້ ທາງການລາວ ແມ່ນບໍ່ໄດ້ຮັບແຈ້ງການ ແລະ ປະສານງານ. ເຊິ່ງທາງການລາວແມ່ນເປັນຫ່ວງເລື່ອງຄວາມປອດໄພ, ແລະ ຍັງຄັດກັບດຳລັດ 315/ນຍ ວ່າດ້ວຍການຄຸ້ມຄອງ ແລະ ເຄື່ອນໄຫວສາສະໜາ ທີ່ບໍ່ຖືກຕ້ອງ.

ສະນັ້ນ, ທາງການລາວຈິ່ງຈະເຮັດການປະສານງານກັບທາງການຈີນ ແລະ ຈັດສົ່ງພຣະທັງ 108 ອົງກັບປະເທດ. 

ຂໍ້ມູນຈາກ: ລາວພັດທະນາ


ພຣະສະແຫວງບຸນ 108 ອົງ ເດີນທາງມາຮອດຕົວເມືອງຫຼວງພະບາງແລ້ວ! ໃນຕອນເຊົ້າມື້ນີ້ 11/10/2017



ການລໍຄອຍຂອງ ຊາວພຸດ ທີ່ຈະໄດ້ຕອນຮັບ ຄະນະພຣະສົງ ຈາກຈີນ ທີ່ໄດ້ເດີນທຸດົງ ຕາມຮອຍພຸດທະສາສະໜາ. ເພື່ອເປັນການໄປຮຽນຮູ້ ແລະ ຢຽມຢາມ ດິນແດນ ທີ່ເຕັມໄປດ້ວຍຄວາມເຫຼື້ອມໃສສັດທາ ຕໍ່ອົງສຳມາສຳພຸດທະເຈົ້າ ຜູ່ຊົງຕັດສະຮູ້ ແລະ ໄດ້ບຳເພັນກຸສົນ ສອນສັງ ຄົນທົ່ວໂລກ ມາເປັນເວລາ 2560 ກວ່າປີ.


ການເດີນທາງແຕ່ ວັນທີ 9 ກັນຍາ 2017 ຈາກເມືອງຈີນ, ຄະນະສົງທັງ 108 ອົງໄດ້ເຂົ້າເຂດຊາຍແດນ ເມືອງຫຼວງພະບາງ ແລະ ໄດ້ນອນພັກແຮມ ທີ່ບ້ານຫາດປາງ ເມືອງປາກອູ, ແຂວງຫຼວງພະບາງ ຄືນວັນອັງຄານ ທີ 10 ຕຸລາ 2017


ການເດີນທາງສືບຕໍ່ ໃນຮຸ່ງເຊົ້າ ວັນທີ 11 ຕຸລາ 2017, ຄະນະສົງກໍ່ສາມາດເດີນເຂົ້າມາຕົວເມືອງຫຼວງພະບາງ ແລະ ໄດ້ໄປແວະເຊົາ ທີ່ ສາລາ ວັດຜາໂອ ທີ່ຄະນະສົງລາວ ກຽມຕ້ອນຮັບ ຢ່າງສົມກຽດ.

ເຊິ່ງບັນດາພີ່ນ້ອງຊາວພຸດ ທັງພາຍໃນແລະຕ່າງປະເທດ ຕ່າງກໍ່ໄດ້ພາກັນມາກ່າວທັກທາຍສະບາຍດີ ແລະ ໃຫ້ການໂມທະນາ ຖວາຍເຂົ້າປາອາຫານ ຢ່າງອີ່ມອົກອີ່ມໃຈ.

video


ຄວາມເປັນມິດ ຈິດດີງາມ ຂອງຊາວລາວ ພ້ອມທີ່ຈະຕ້ອນຮັບ ໂດຍບໍ່ຈຳແນກ ວ່າພຣະສົງຈະມາຈາກດິນແດນໃດ, ການໄດ້ມີໂອກາດຮ່ວມບຸນກຸສົນ ອັນແຮງກ້າ ຄືສິ່ງທີ່ຊາວລາວເຮົານັບຖືປະຕິບັດ ດ້ວຍຄວາມຈິງໃຈ ແລະ ຈາກໃຈແທ້ໆ.

ທ່າ່ນໃດ ຢາກຈະໄປຮ່ວມ ແລະ ຖາມໄຖ່ ຄະນະສົງ ກໍ່ຢ່າລືມໄປທີ່ວັດຜາໂອເດີ!


ພາຍຫຼັງທີ່ພັກທີ່ຫຼວງພະບາງ ແລ້ວ ຄະນະສົງກໍ່ຈະສືບຕໍ່ຍ່າງເດີນທາງລົງພາກໃຕ້ຂອງລາວ. ເຊິ່ງຈະຜ່ານຫຼາຍເຂດແຂວງ. ແນ່ນອນວ່າຫຼາຍໆທ່ານກໍ່ຄົງຈະຈົດຈໍ່ລໍຖ້າ.

ພາບແລະຂ່າວ: ໂດຍ Vongsuckda Vses . ແສງນາລີ ໜໍ່ປະເສີດ , Note Psk ແລະ  ຕຸ້ຍທິດໂມະ ຂາຍສົ້ມໝູຫຼວງພະບາງ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com








loading...

No comments

Powered by Blogger.