Header Ads

ລົດຈັກເກາະສາຍໄຟຟ້າ ລົ້ມເຈັບ 1 ຄົນທາງຫົວຂົວ, ນະຄອນຫຼວງວຽງຈັນ.


ນະຄອນຫຼວງວຽງຈັນ: ລາຍງານຈາກ  1623 ໃຫ້ຮູ້ວ່າ ໃນວັນທີ 03/10/2017 ເວລາ:21:54 ໂມງ ຫນ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປລາວ ໄດ້ຮັບແຈ້ງເຫດ ຜ່ານເບີ1623 ວ່າ ມີລົດຈັກລົ້ມເກາະເອົາສາຍໄຟຟ້າຍ້ອນຫລັກເສົາໄຟຟ້າຫັກ ຫນ້າເອັມພອຍຫົວຂົວ, ເມືອງໄຊເສດຖາ, ນະຄອນຫຼວງວຽງຈັນ.



ທີ່ເກີດເຫດພົບເຫັນ ມີຄົນເຈັບ 1 ຄົນ ເພດຍິງ ອາຍຸ 22 ປີ ປະຊາຊົນ ບ້ານຄຳສະຫວາດ ເມືອງໄຊເສດຖາ ນະຄອນຫຼວງວຽງຈັນ . ອາການເບື້ອງຕົ້ນແມ່ນເຈັບແຂນຂວາມີບາດແຜຕາມຕົນໂຕ
ດັ່ງນັ້ນຫນ່ວຍກູ້ໄພມູນນິທິຈື່ງປະຖົມພະຍາບານຂັ້ນຕົ້ນແລ້ວນຳສົ່ງໂຮງຫມໍ 103.

ລົດຈັກເກີດເຫດແມ່ນທະບຽນ ກຳແພງນະຄອນ ຍມ 7892. 

ອຸບັດຕິເຫດ ເກີດຍ້ອນ ສາຍໄຟທີ່ຢ່ອນລົງມາ ເນື່ອງຈາກ ເສົາໄຟຟ້າ ລົ້ມລົງ,​ ເຊິ່ງກ່ອນໜ້ານີ້  ສາມສີ່ວັນ ກໍ່ເກີດເຫດການເສົາໄຟຟ້າລົ້ມ ໃນເຂດທາງດັ່ງກ່າວ ເຮັດໃຫ້ເສັ້ນທາງດັ່ງກ່າວ ຕິດຄັດ ດົນ.



ຮຽກຮ້ອງໃຫ້ພາກສ່ວນກ່ຽວຂ້ອງໄດ້ເລັ່ງກວດກາ ບັນດາເສົາໄຟຟ້າ ທີ່ອາດຈະສົ່ງຜົນຄ້າຍຄືກໍລະນີນີ້,​ ແລະ ບັນດາສາຍເຄເບີ້ນ ສາຍໂທລະຄົມ ອື່ນໆ​ ທີ່ເກາະຫ້ອຍໄປຕາມເສົາໄຟຟ້າ. ເພື່ອປ້ອງກັນບໍ່ໃຫ້ບັນຫານີ້ເກີດຂຶ້ນອີກ.

ພາບແລະຂ່າວ:​1623






------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




loading...

No comments

Powered by Blogger.