Header Ads

ພົບເຫັນເຮືອແພທີ່ຈົມແລ້ວ ແຕ່ຜູ່ສູນຫາຍ 2​ ຄົນ ຍັງໄຮ້ວີ່ແວວ...


ນະຄອນຫຼວງວຽງຈັນ: ລາຍງານຈາກ ອາສາກູ້ໄພ 1624  ເວລາ 13:00 ວັນທີ 1 ຕຸລາ 2017 ເຊິ່ງເປັນວັນທີ່ 2 ທີ່ກູ້ໄພ 1624, ກູ້ໄພ ປະສານໃຈ, ພ້ອມກັບອຳນາດການປົກຄອງ ແລະ ປະຊາຊົນ ໄດ້ເລັ່ງຄົ້ນຫາ ຜູ່ສູນຫາຍ ຈາກເຫດເຮືອແພຈົມ ໃນຕອນຄ້າຍແລງ ວັນທີ 30 ກັນຍາ 2017 ທີ່ຜ່ານມາ ເຂດລ້ອງນໍ້າງື່ມ, ບ້ານໄຮ່, ເມືອງໄຊທານີ ນະຄອນຫຼວງວຽງຈັນ.

ລາຍງານໃຫ້ຮູ້ວ່າ ປະຈຸບັນແມ່ນສາມາດພົບເຫັນຕຳແໜ່ງ ເຮືອແພ ທີ່ຈົມແລ້ວ, ແຕ່ຍັງບໍ່ທັນສາມາດດຶງເອົາເຮືອຂຶ້ນມາໄດ້. ສ່ວນຜູ່ສູນຫາຍ ສອງຄົນ (ຍິງ 1 ຊາຍ 1 ) ແມ່ນຫຍັງໄຮ້ວີ່ແວວ. ເຊິ່ງທາງກູ້ໄພ ແລະ ປະຊາຊົນ ແມ່ນຍັງຄົງສືບຕໍ່ຄົ້ນຫາ ຕໍ່ໄປ.

ເຮືອແພ ທີ່ຈົມ ແມ່ນເຮືອແພ ຂອງສ່ວນບຸກຄົນ ມີຜູ່ໂດຍສານທັງໝົດ 6 ຄົນ (ຍິງ 3 ຊາຍ 3) ພາຍຫຼັງເກີດເຫດ, 4 ຄົນສາມາດ ລອຍຂຶ້ນຝັ່ງໄດ້, ແຕ່ສອງຄົນ (ຍິງ 1 ຊາຍ 1) ແມ່ນບໍ່ເຫັນ.

ເປັນກຳລັງໃຈໃຫ້ທາງກູ້ໄພ ແລະ ທຸກພາກສ່ວນທີ່ຄົ້ນຫາຜູ່ສູນຫາຍ ຂໍໃຫ້ພົບໄວໆ







ຂ່າວກ່ອນໜ້ານີ້


ນະຄອນຫຼວງວຽງຈັນ: ລາຍງານຄວາມຄືບໜ້າ ເວລາ 23:00​ ວັນທີ 30 ກັນຍາ 2017 ການຄົ້ນຫາ ຜູ່ສູນຫາຍ ຈາກເຫດການ ເຮືອແພ ຈົມ ທີ່ນໍ້າງຶ່ມ ເຂດ ບ້ານໄຮ່ ເມືອງໄຊທານີ ນະຄອນຫຼວງວຽງຈັນ ຈາກ ອາສາກູ້ໄພ 1624​ ໃຫ້ວ່າ.  ເຮືອແພ ທີ່ຈົມ ມີຄົນທັງໝົດ 6 ຄົນ.  ເຊິ່ງລອດມາ 4 ຄົນ. ສູນຫາຍ 2 ຄົນ (ຍິງ 1 ຊາຍ 1).




ທາງອາສາກູ້ໄພ ແລະ ປະຊາຊົນ ພ້ອມອຳນາດການປົກຄອງ ແມ່ນຍັງຄົງຕິດຕາມ ແລະ ຄົ້ນຫາ ທ່າມກາງ ສະພາບຄວາມມືດ ໃນຍາມຄໍ່າຄືນ ແລະ ກະແສນໍ້າ ທີໄຫຼແຮງ. 

ສ່ວນສາເຫດ ການຈົມຂອງເຮືອແພ, ທາງເຈົ້າໜ້າທີ່ຍັງບໍ່ທັນເປີດເຜີຍ, ເຊິ່ງຈະໄດ້ມີການສອບຖາມຜູ່ລອດ ທັງ 4 ຄົນ ຕໍ່ໄປ.

ພາບແລະຂ່າວ:​1624


ຂ່າວກ່ອນໜ້ານີ້



ນະຄອນຫຼວງວຽງຈັນ: ລາຍງານຈາກ 1624 ໃຫ້ຮູ້ວ່າ ໄດ້ຮັບແຈ້ງ ຈາກປະຊາຊົນ ວ່າ ເວລາປະມານ 18:36 ວັນທີ 30 ກັນຍາ 2017 ວ່າມີເຫດເຮືອແພຈົມ ທີ່ ບ້ານໄຮ່ ເມືອງໄຊທານີ, ນະຄອນຫຼວງວຽງຈັນ.

ພໍຮູ້ຂ່າວທາງກູ້ໄພ ກໍ່ຟ້າວໄປທີ່ເກີດເຫດ, ຟ້າກໍ່ມືດ . ແຕ່ທາງອາສາກູ້ໄພ ກໍ່ໄດ້ສົມທົບກັບທາງບ້ານແລະ ພາກສ່ວນກ່ຽວຂ້ອງ ເພື່ອເລັ່ງຄົ້ນຫາ ເຮືອແພ ແລະ ຜູ່ສູນຫາຍ.

ຍັງບໍ່ທັນມີຂໍ້ມູນຊັດເຈນ ກັບເຫດການຄັ້ງນີ້ ວ່າມີຄົນຢູ່ເຮືອແພ ດັ່ງກ່າວຈັກຄົນ.

ຂໍໃຫ້ທຸກຄົນປອດໄພ ແລະ ເປັນກຳລັງໃຈໃຫ້ທີມກູ້ໄພ ສາມາດ ຊ່ວຍຄົ້ນຫາເຮືອແພ ແລະ ຄົນໃຫ້ພົບ ແລະ ປອດໄພ.

ລາຍງານໂດຍ: 1624



ສະພາບທີ່ເກີດເຫດ ລາຍງານຕອນເວລາ 22:00 ວັນທີ 30 ກັນຍາ 2017



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com








loading...

No comments

Powered by Blogger.