Header Ads

ສາລະວັນ ເລີ່ມສ້າງເຂື່ອນໄຟຟ້າ ຫ້ວຍອາວຽນ ຄາດວ່າຈະສໍາເລັດປີ 2020



ອໍານາດການປົກຄອງແຂວງສາລະວັນຈັບມືກັບເອກະຊົນຈະສ້າງເຂື່ອນໄຟຟ້າຂະໜາດນ້ອຍກັບກໍາລັງ 5 ເມກາວັດ ຢູ່ບ້ານອາຕຸກ ເມືອງສະໝ້ວຍ ແຂວງສາລະວັນ ແລະ ຄາດວ່າຈະສໍາເລັດພາຍໃນປີ 2020.

ພິທີເຊັນສັນຍາໂຄງການກໍ່ສ້າງເຂື່ອນໄຟຟ້ານໍ້າຕົກຫ້ວຍອາວຽນໄດ້ຈັດຂຶ້ນໃນວັນທີ 28 ກັນຍາ 2017 ນີ້ ຢູ່ແຂວງສາລະວັນ, ເຊັນຕາງໜ້າແຂວງສາລະວັນໂດຍ ທ່ານ ໄຊຍະເດດ ວົງສາລະວັນ ຫົວໜ້າພະແນກແຜນການ ແລະ ການລົງທຶນແຂວງສາລະວັນ, ຕາງໜ້າພະແນກພະລັງງານ ແລະ ບໍ່ແຮ່ໂດຍ ທ່ານ ທົງໄຊ ບຸນທິສະຫວັດ ຮອງຫົວໜ້າພະແນກພະລັງງານ ແລະ ບໍ່ແຮ່ແຂວງສາລະວັນ ແລະ ທ່ານ ບົວທອງ ໄຊປັນຍາສິດ ປະທານຜູ້ອຳນວຍການໃຫ່ຍບໍລິສັດລຸນນະພານ້ຳອາວຽນພາວເວີຈຳກັດຜູ້ດຽວ.

ໂຄງການດັ່ງກ່າວມີຂີດຄວາມສາມາດໃນການຜະລິດກະແສໄຟຟ້າ 5 ເມກາວັດ,ມູນຄ່າເກືອບ 16 ລ້ານໂດລາສະຫະລັດ ພາຍຫລັງເຊັນສັນຍາສໍາເລັດຄັ້ງນີ້ຈະເລີ່ມລົງມືກໍ່ສ້າງທັນທີ. ອີງຕາມແຫລ່ງຂ່າວຂອງພະແນກພະລັງງານ ແລະ ບໍ່ແຮ່ໄດ້ເປີດເຜີຍວ່າ: ຈຸດປະສົງຂອງການກໍ່ສ້າງເຂື່ອນດັ່ງກ່າວເພື່ອຜະລິດພະລັງງານໄຟຟ້າ ໃຫ້ພຽງພໍກັບຄວາມຕ້ອງການຂອງປະຊາຊົນບັນດາເຜົ່າ ໂດຍສະເພາະເຂື່ອນໄຟຟ້າແຫ່ງນີ້ຍັງເປັນທ່າແຮງໜຶ່ງທີ່ບົ່ມຊ້ອນທາງດ້ານເສດຖະກິດເຊັ່ນວ່າ: ປະຊາຊົນມີວຽກເຮັດງານທໍາ, ປູຝັງ-ລ້ຽງສັດ ພອ້ມນີ້ແຂວງຍັງຢືນຢັນວ່າຈະສືບຕໍ່ພື້ນພູເນື້ອທີ່ປ່າໄມ້, ເພື່ອຮັບປະກັນໃຫ້ນ້ຳໄຫລເຂົ້າອ່າງເກັບນໍ້າຂອງໂຄງການ, ອະນຸລັກຊີວະນາໆຕິດພັນກັບການພັດທະນາແຫລ່ງທ່ອງທ່ຽວທາງທຳມະຊາດເພື່ອເຮັດຊີວິດການເປັນຢູ່ຂອງປະຊາຊົນດີຂຶ້ນ.

ທີ່ມາ: ຂປລ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.