Header Ads

ເມືອງເລົ່າງາມ ເກັບລາຍຮັບເຂົ້າງົບປະມານໄດ້ 21 ຕື້ກວ່າກີບ




ທ່ານ ແສງດາວ ຕົນນະລາດ ຫົວໜ້າຫ້ອງການການເງິນເມືອງເລົ່າງາມ ແຂວງ ສາລາວັນ ໄດ້ລາຍງານໃນການຈັດຕັ້ງປະຕິບັດແຜນງົບປະມານແຫ່ງລັດ. 9 ເດືອນຜ່ານມາວ່າ: ສາມາດຈັດເກັບລາຍຮັບໄດ້ 21 ຕື້ກວ່າກີບ ເທົ່າກັບ 75,47% ຂອງແຜນການທັງໝົດ 28 ຕື້ກວ່າກີບ, ທຽບໃສ່ໄລຍະດຽວເທົ່າກັບ 116,36% ລາຍຮັບຕາມແຜນປົກກະຕິ 6.788ລ້ານກວ່າກີບ ປະຕິບັດໄດ້ຕົວຈິງ 5.749ລ້ານກ່ວາກີບ ທຽບໃສ່ແຜນການປີ 84,70%, ໃນນັ້ນສ່ວຍສາອາການ 6ຕື້ກວ່າກີບ,


ປະຕິບັດໄດ້ 5.038ລ້ານກວ່າກີບ, ລາຍຮັບອາກອນປົກກະຕິປະຕິບັດໄດ້ 3ຕື້ກວ່າກີບ, ລາຍຮັບຄ່າທໍານຽມປະຕິບັດໄດ້ 156ລ້ານກວ່າກີບ ລາຍຮັບຄ່າບໍລິການ ປະຕິບັດໄດ້ 763ລ້ານກວ່າກີບ, ລາຍຮັບທີ່ດິນ 842ລ້ານກວ່າກີບ, ລາຍຮັບຊັບສິນປົກກະຕິ ປະຕິບັດໄດ້ 565,800,000 ກວ່າກີບ, ເຊີ່ງສາມາດປະຕິບັດໄດ້ລື່ນຄາດໝາຍ.

ຈາກນັ້ນຜູ້ເຂົ້າຮ່ວມກອງປະຊຸມ ໄດ້ປະກອບຄຳຄິດເຫັນໃສ່ບົດລາຍງານ, ເພື່ອແລກປ່ຽນຖອດຖອນບົດຮຽນ ໃນການຊອກແຫຼ່ງລາຍຮັບເຂົ້າງົບປະມານຫ້ອງການ-ການເງິນເມືອງເລົ່າງາມຕ້ອງໄດ້ສູ້ຊົນເກັບລາຍຮັບໃຫ້ໄດ້ຕາມແຜນທີ່ສະພາຮັບຮອງ ແລະພະແນກການເງິນແຂວງສາລະວັນ ໃຫ້ບັນລຸຕາມເປົ້າໝາຍທີ່ວາງໄວ້.

ແຫຼ່ງຂ່າວ: ພອນໄຊ ແກ້ວມະນີ (ຂ່າວເສດຖະກິດ-ການຄ້າ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.