Header Ads

ເມືອງເງິນ ກະກຽມຈັດງານແຂ່ງຂັນເຮືອຊ່ວງປະຈຳປີ ແລະ ສະເຫຼີມສະຫຼອງວັນສ້າງຕັ້ງເມືອງເງິນ ຄົບຮອບ 25 ປີ



ເພື່ອເປັນການຫ້າງຫາກະກຽມງານແຂ່ງຂັນເຮືອຊ່ວງປະຈຳປີ ທັງເປັນການ ສະເຫຼີມສະຫຼອງວັນສ້າງຕັ້ງເມືອງເງິນ ຄົບຮອບ 25 ປີ ໃຫ້ມີບັນຍາກາດ ເບີກບານມ່ວນຊື່ນ.

ມາໃນຕອນເຊົ້າຂອງວັນທີ່ 17 ຕຸລາ 2017 ນີ້ ຢູ່ທີ່ສະໂມສອນ ເມືອງເງິນ ແຂວງ ໄຊຍະບູລີ ໄດ້ຈັດກອງປະຊຸມຜ່ານຂໍ້ຕົກລົງຂອງທ່ານເຈົ້າເມືອງ ສະບັບ ເລກທີ 390/ຈມ ມງ ວ່າດ້ວຍການແຕ່ງຕັ້ງຄະນະຮັບຜິດຊອບ ຈັດງານແຂ່ງຂັນເຮືອຊ່ວງປະຈຳປີ.ເຂົ້າຮ່ວມເປັນກຽດ ມີ ທ່ານ ສອນສຸກ ພວງແກ້ວ ຮອງເລຂາພັກເມືອງ ຮອງເຈົ້າເມືອງ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ,ກົມກອງ, ລັດວິສາຫະກິດ, ເລຂາໜ່ວຍພັກນາຍບ້ານ ແລະ ພະນັກງານວິຊາການເຂົ້າຮ່ວມ.

ກອງປະຊຸມ ທ່ານ ສີສະຫວັດ ພົມມະເສນ ຮັກການຫົວໜ້າຫ້ອງການສຶກສາທິການ ແລະ ກິລາເມືອງ ກໍ່ໄດ້ຂື້ນຜ່ານຂໍ້ຕົກລົງຂອງທ່ານເຈົ້າເມືອງ ສະບັບ ເລກທີ 390/ຈມ ມງ ວ່າດ້ວຍການແຕ່ງຕັ້ງຄະນະຮັບຜິດຊອບ ຈັດງານແຂ່ງຂັນເຮືອຊ່ວງປະຈຳປີໂດຍຕິດພັນກັບການ ສະເຫຼີມສະຫຼອງວັນສ້າງຕັ້ງເມືອງເງິນ ຄົບຮອບ 25 ປີ ເຊີ່ງມີຢູ່ 14 ອານຸກຳມະການ. ເພື່ອເຮັດໃຫ້ບັນດາອານຸກຳມະການຕ່າງໆ ໄດ້ຮັບຮູ້ ແລະ ພ້ອມກັນຈັດຕັ້ງປະຕິບັດໃຫ້ມີຜົນສຳເລັດຕາມລະດັບຄາດໜາຍທີ່ວາງໄວ້.


ສຳລັບງານແຂ່ງຂັນເຮືອຊ່ວງປີນີ້ ມີເຮືອເຂົ້າແຂ່ງຂັນທັງໝົດ 21 ລຳ ໃນນີ້ ເພດຊາຍ 11 ລຳ, ເພດຍິງ 10 ລຳ, ແຕ່ລະລຳບັນຈຸ ສີພາຍ 15 ສີພາຍ. ພາຍໃນງານຈະມີການປະກວດອາຫານພື້ນບ້ານ, ປະກວດເຮືອງາມ, ນາງທິດາເຮືອງາມ, ມີຕະຫຼາດນັດວາສີ້ນຄ້າພາຍໃນ-ຕ່າງປະເທດ ແລະ ພິເສດຍັງມີ ສີ້ນຄ້າຫັດຖະກຳທີ່ຜະລິດຢູ່ພາຍໃນເມືອງ

ງານແຂ່ງຂັນເຮືອຊວງປະຈຳປີ ແລະ ງານສະເຫຼີມສະຫຼອງວັນສ້າງຕັ້ງເມືອງເງິນ ຄົບຮອບ 25 ປີ ແມ່ນຈະໄດ້ຈັດຂື້້ນໃນວັນທີ່ 18 ພະຈິກ 2017 ທີ່ຈະມາເຖີງນີ້ ຢູ່ທີ ອ່າງເກັບນ້ຳຫ້ວຍ ນານ້ອຍ.

 ໂດຍ: ສຸລິຍາ ແສງເດືອນ






------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.