Header Ads

ກະບະ ປະທະ ຕ໋ອກໆ ກາງເດີກ ທີ່ທາງບ້ານຈັນສະຫວ່າງ ເຈັບ 2 ຄົນ!


ນະຄອນຫຼວງວຽງຈັນ: ລາຍງານຈາກ ໜ່ວຍກູ້ໄພມູນນິທິຈີນໃຫ້ຮູ້ວ່າ ໃນວັນອາທິດວັນທີ 15/10/2017 ເວລາ 00:50 ນາທີ ໄດ້ຮັບແຈ້ງຈາກປະຊາຊົນເຂົ້າເບີສຸກເສີນ 1628 ວ່າມີລົດກະບະ ຕຳກັບ ລົດໄຖນາເດີນຕາມ (ລົດຕ໋ອກໆ) ທີ່ເຂດ ບ້ານຈັນສະຫວ່າງ ເມືອງສີໂຄດຕະບອງ ນະຄອນຫລວງວຽງຈັນ.



ທາງໜ່ວຍກູ້ໄພມູນນິທິຈີນໄດ້ອອກກວດສອບເຫດພົບເຫັນຜູ້ບາດເຈັບ 2 ຄົນເປັນເພດຊາຍທັງ 2 ອາການເບື້ອງຕົ້ນແມ່ນ ຜູ້ທີ 1 ແມ່ນມີແຜ ແລະ ຫົວແຕກ, ແລະ  ຜູ້ທີ 2 ແຜຈີກບໍລິເວນໜ້າແຄ່ງ, ແໜ້ນໜ້າເອີກ, ກະທົບກ້ານຄໍ.



ສະພາບລົດກະບະ ແລະ ລົດຕ໋ອກໆ ແມ່ນໄດ້ຮັບຄວາມເສຍຫາຍສົມຄວນ.

ດັ່ງນັ້ນໜ່ວຍກູ້ໄພເຮົາຈື່ງໄດ້ປະຖົມພະຍາບານຂັ້ນຕົ້ນແລ້ວນຳສົ່ງໂຮງໝໍມິດຕະພາບ 150 ຕຽງ. ສ່ວນສາເຫດການເກີດອຸບັດຕິເຫດ ເຈົ້າໜ້າທີ່ຈະກວດສອບຕໍ່ໄປ.


ພົບຜູ້ບາດເຈັບຕາມທ້ອງຖະໜົນແລະຜູ້ປ່ວຍສຸກເສີນໂທແຈ້ງ 1628 ໄດ້ 24 ຊົ່ວໂມງ
ຂ່າວສານຈາກອາສາ: ກະຕູນ 1628






------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.