Header Ads

3 ເມືອງຊາຍແດນ ພົບປະແລກປ່ຽນບົດຮຽນປ້ອງກັນຄວາມສະຫງົບ ແລະແກ້ໄຂປະກົດການຫຍໍ້ທໍ້ຕ່າງໆຕາມຊາຍແດນ



ປກສ ເມືອງສະໜ້ວຍ, ແຂວງສາລະວັນ, ປກສ ເມືອງເຊໂປນ, ປກສ ເມືອງນອງ ແຂວງສະຫວັນນະເຂດ ໃດ້ຈັດພິທີພົບປະແລກປ່ຽນບົດຮຽນໃນການເກັບກໍາສະພາບການ ກັບ ຕໍາຫຼວດ ເມືອງ ອາເລຶອຍ ແຂວງເທືອທຽນເຫວ້, ຕໍາຫຼວດເມືອງເຮືອງຮ້ວາ, ຕໍາຫຼວດເມືອງດາກາດົງ, ແຂວງກວາງຈີ ສສ ຫວຽດນາມ ທີ່ມີຊາຍແດນຕິດຈອດກັນ ປະຈໍາງວດທີ 3 ຂື້ນໃນວັນທີ 28 ກັນຍາ 2017 ນີ້. ຢູ່ທີ່ສະໂມສອນເມືອງສະໜ້ວຍ. ຝ່າຍລາວນໍາໂດຍທ່ານ ພັທ ໄງຄໍາ ພູມີສິດ ຫົວໜ້າກອງບັນຊາການ ປກສ ເມືອງໜ້ວຍ ແຂວງສາລະວັນ, ຝ່າຍຫວຽດນາມນໍາຄະນະໂດຍທ່ານ ພັທ ເຈີນ ງອກທຸ້ຍ ຫົວໜ້າກອງບັນຊາການຕໍາຫຼວດເມືອງດາກາດົງ ແຂວງກວາງຈີ ສສ ຫວຽດນາມ. ມີທ່ານ ວິໄລສັກ ພົມພັກດີ ຮອງເຈົ້າເມືອງສະໜ້ວຍ ແລະ ຄະນະພັກກອງບັນຊາການ ປກສ ແຂວງສາລະວັນ, ຄະນະພັກກອງບັນຊາການຕໍາຫຼວດແຂວງກວາງຈິ, ຄະນະພັກກອງບັນຊາການຕໍາຫຼວດແຂວງເທືອທຽນເຫວ້ ແລະ ພະນັກງານ-ນັກຮົບທັງ 6 ເມືອງເຂົ້າຮ່ວມ

ໃນກອງປະຊຸມດັ່ງກ່າວຄະນະຜູ້ແທນທັງ 2 ຝ່າຍ ລາວ-ຫວຽດນາມ, ຫວຽດນາມ-ລາວ ໄດ້ຜັດປ່ຽນກັນລາຍງານສະພາບ ການຈັດຕັ້ງປະຕິບັດວຽກງານວິຊາສະເພາະໃນໄລຍະຜ່ານມາໃຫ້ແຕ່ລະຝ່າຍຮູ້ ເປັນຕົ້ນແມ່ນການກວດກາຄົນເຂົ້າ-ອອກເມືອງ, ສະກັດກັ້ນການຄ້າຂາຍເຖືອນ ແລະ ຄ້າຂາຍຢາເສບຕິດ, ຜ່ານມາມີຄົນເຂົ້າ-ອອກເມືອງ 707 ຄົນ, ຍີງ 53 ຄົນ, ຄ້າຂາຍຍາເສບຕິດມີ 11 ລາຍ, ກັກຕົວຜູ້ຕ້ອງຫາໃດ້ 11 ຄົນ, ຍຶດຂອງກາງໄດ້ຍາບ້າ43.286 ເມັດ, ລົດໃຫຍ່ 1 ຄັນ, ລົດຈັກ 6 ຄັນ, ປືນ 3 ກະບອກ, ການສວຍໃຊ້ສາດສະໜາສ້າງຂໍ້ຂັດແຍ່ງຂອງກຸມຄົນບໍ່ຫວັງດີເພື່ອກໍ່ຄວາມວຸ້ນວາຍໃນສັງຄົມ, ສືກສາອົບຮົມການເຂົ້າ-ອອກເມືອງ, ການໄປມາຂອງປະຊາຊົນຕາມຊາຍແດນ, ການຍົກຍ້າຍພູມລໍາເນົາໂດຍບໍ່ຖືກຕ້ອງຂອງປະຊາຊົນສອງປະເທດທີ່ອາໃສ່ຢູ່ລະຫວ່າງຊາຍແດນເມືອງສະໜ້ວຍ, ແຂວງສາລະວັນ ເມືອງເຊໂປນ, ເມືອງນອງ, ແຂວງສະຫວັນນະເຂດ ສປປ ລາວ - ເມືອງອາເລືອຍ, ແຂວງເທືອທຽນເຫວ້, ເມືອງເຮືອງຮ້ວາ, ເມືອງດາກາດົງ, ແຂວງກວາງຈິ ສສ ຫວຽດນາມ ໃຫ້ຖືກຕ້ອງຕາມລະບຽບກົດໝາຍຢ່າງເຂັ້ມງວດ ແລະ ເປັນການພັດທະນາ ເສດຖະກິດ-ສັງຄົມ
 

ໂດຍ:ຮຕ ໜອກໄຊ ຄຸນຕາບຸງ/ໜັງສຶພິມ ສາລະວັນ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.