Header Ads

ຈັບແມ່ຍິງລາວ 31 ຄົນ ຂາຍບໍລິການຢູ່ໄທ ອ້າງບໍ່ມີວຽກເຮັດ



ສໍານັກຂ່າວທ້ອງຖິ່ນຂອງໄທລາຍງານວ່າ : ວັນທີ 3 ຕຸລາ 2017 ທີ່ຜ່ານມາ ເວລາ 22:30 ນາທີ  ທ່ານ ນິຕິ ວິວັດວານິດ ເຈົ້າເມືອງສີຣາຊາ ພ້ອມດ້ວຍທ່ານ ນາງ ນະຣິສະຍາ ທິບພະຍາງກູນ ຮອງເຈົ້າເມືອງຝ່າຍຄວາມໝັ້ນຄົງ ແລະ ຕຳຫຼວດ 50 ຄົນ ໄດ້ລົງກວດກາພື້ນທີ່ຂອບເຂດຕະຫຼາດເມືອງທອງແລນ ໝູ່ 3 ຕຳບົນບໍ່ວິນ ເມືອງສີຣາຊາ ພາຍຫຼັງທີ່ໄດ້ຮັບແຈ້ງຈາກປະຊາຊົນວ່າ ໄດ້ມີຍິງສາວຊາວລາວ ອອກມາຢືນຂາຍບໍລິການໃນເຂດດັ່ງກ່າວເຊິ່ງເປັນເຂດຊຸມຊົນໜາແໜ້ນ ໂດຍຈະມີຄົນນຳລົດກະບະມາສົ່ງໃນຊ່ວງຫົວຄໍ່າ ກ່ອນຕົກລົງລາຄາ ລະຫວ່າງ 1,000-1,200 ບາດໄທ (ປະມານ 250,000-300,000 ກີບ) ກ່ອນຈະອອກໄປຫຼັບນອນນຳກັນໃນເຮືອນພັກ ຫຼື ຣີສອດເຂດດັ່ງກ່າວ.




ຜ່ານການເຂົ້າກວດຄົ້ນຂອງເຈົ້າໜ້າທີ່ປະຕິບັດພາລະກິດປ້ອງກັນ ແລະ ປາບປາມການຄ້າມະນຸດ ພົບຍິງສາວຂາຍບໍລິການຈໍານວນ 32 ຄົນ (ສາວຊາວລາວ 31 ຄົນ ແລະ ສາວຊາວໄທ 1 ຄົນ), ເຊິ່ງມີອາຍຸລະຫວ່າງ 20-25 ປີ ຂະນະທີ່ມີຜູ້ຊາຍມາໃຊ້ບໍລິການ 8 ຄົນ.



ຈາກການສອບສວຍ ຍິງສາວລາຍໜຶ່ງໃຫ້ການວ່າ:  ຕົນເອງເດີນທາງມາຈາກນະຄອນຫຼວງວຽງຈັນ ດ້ວຍລົດເມ ໂດຍນໍາໃຊ້ພາສປອດທ່ອງທ່ຽວ ເພາະມີໝູ່ຢູ່ເຂດດັ່ງກ່າວຊັກຊວນ ແລະ ອ້າງວ່າຕົນເອງບໍ່ມີວຽກເຮັດ ຈຶ່ງໄດ້ເດີນທາງມາ ໂດຍມາເຊົ່າຫ້ອງ ຢູ່ກັບໝູ່ 2 ຄົນ, ເມື່ອຮອດຊ່ວງຫົວຄໍ່າກໍ່ຈະເດີນທາງມາເຂດຕະຫຼາດເມືອງທອງແລນ ໂດຍມີລົດກະບະໄປຮັບ, ເມື່ອແຂກຖືກໃຈພາຂຶ້ນຫ້ອງ ກໍ່ຈະໄດ້ຄ່າຕົວ 1,000 ບາດໄທຕໍ່ຄັ້ງ ໂດຍຈະແບ່ງໃຫ້ຜູ້ດູແລ (ແມ່ເລົ້) 300 ບາດໄທຕໍ່ຄັ້ງ ໂດຍຕົນເອງເຮັດມາແລ້ວ 4 ເດືອນ.




ເບື້ອງຕົ້ນທາງເຈົ້າໜ້າທີ່ໄທ ໄດ້ຕັ້ງຂໍ້ຫາ ແລະ ດຳເນີນຄະດີຕໍ່ຜູ້ກ່ຽວຂ້ອງ ໃນຂໍ້ຫາຄ້າປະເວນີ ແລະ ນໍາໂຕໄປດຳເນີນຄະດີຕາມຂັ້ນຕອນກົດໝາຍ, ສ່ວນຜູ້ປະກອບການຫ້ອງພັຫແມ່ນຖຶກດຳເນີນຄະດີໃນຂໍ້ຫາເປີດທຸລະກິດໂຮງແຮມ ໂດຍບໍ່ໄດ້ຮັບອະນຸຍາດຖຶກຕ້ອງຕາມກົດໝາຍ.

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.