Header Ads

ມາແລ້ວ! 3 ວິທີງ່າຍໆ ທີ່ຈະເຮັດໃຫ້ໜ້າເອີກສາວໆ ເຊັກຊີ ເບັ່ງບານດັ່ງ ດອກບົວ!



ມື້ນີ້ ອີ່ຮູ້ ໂທລະໂຄ່ງ ຈະນຳເອົາ ເລື່ອງລາວ ທີ່ສາວໆ ທີ່ມີໜ້າເອີກ ຫຼື ນົມແບນ ນົມແປ ມາຍົກລະດັບ ໃຫ້ມັນ ເຊັກຊີ ງົດງາມ. ເຕັກນິກນີ້ ສາວໆ ແມ່ຄ້າຄົນງາມ ເປັນຄົນເປີດເຜີຍ ສູ່ອີ່ຮູ້ ຟັງເອງ.

ແນ່ນອນວ່າ,​ ສາວໆ ໃດທີ່ມີຮູບຊົງຊວງເອີກ ທີ່ ເບັ່ງບານາ ດັ່ງດອກບົວ ກໍ່ຈະກາຍເປັນສະເໜ່ ແບບວ່າ ບໍ່ທັນແນມເບິ່ງໜ້າ ກໍ່ສະທ້ານໂລກາ ພຽງແຕ່ເຫັນຄວາມງົດງາມ ເຕັ່ງຕຶງຂອງໜ້າເອີກ ທີ່ເປັນສ່ວນສຳຄັນຂອງສາວໆ ຜູ່ທີຮັກ ໃນຄວາມສວາຍຄວາມງາມ. ຄົງອົດໃຈບໍ່ໄຫວ ທີ່ຢາກຈະຮູ້ແລ້ວແມ່ນບໍ່ວ່າ ຊິເຮັດຈັ່ງໃດນໍ້! ໜ້າເອີກຈັ່ງຊິແຊັກຊີ... ດຽວຮູ້ກັນແນ່ນອນ. ແຕ່ກ່ອນອື່ນ ຈະຂໍຂອບໃຈພາບ ປະກອບບົດຄວາມນີ້ ຈາກເພຈ ນາງຟ້າ Angels ກ່ອນເດີ....


ມາເລີ່ມເຂົ້າຂໍ້ທີ 1 ກັນເລີຍວ່າ ເຮັດຈັ່ງໃດ ຈິ່ງຈະຍົກລະດັບມາດຕະຖານຈາກໜ້າເອີກແບນ ປານແປ້ນກະດານ ໃຫ້ຟູຂຶ້ນມາ. ແນ່ນອນ, ເຮົາຕ້ອງ ຮູ້ຈັກກິນ ແລະດຶ່ມໃຫ້ຖືກຕ້ອງ ກໍ່ຄື ການກິນຜັກ ແລະ ໝາກໄມ້ ໃຫ້ຫຼາຍ ເພາະສານອາຫານຈາກ ຜັກ ແລະ ໝາກໄມ້ນີ້ ຈະຊ່ວຍສົ່ງແຮ່ທາດສຳຄັນ ແກ່ການຈະເລີນເຕີບໂຕຂອງຮ່າງກາຍ. ຍິ່ງເປັນຜູ່ສາວຂຶ້ນໃໝ່ແລ້ວ ຍິ່ງຕ້ອງກິນຜັກ ແລະ ໝາກໄມ້ໃຫ້ຫຼາຍໆ.

ພວກເຮົາຈະສັງເກີດງ່າຍ,​ ສາວໆໃດ ມັກກິນຜັກເກັ່ງໆ ໜ້າເອີກ ຈະເປັ່ງປະກາຍ ແລະ ໃຫຍ່ ກວ່າຜູ່ສາວ ທີ່ບໍ່ມັກກິນຜັກ, ກິນແຕ່ຊີ້ນ ຫຼື ທາດແປ້ງຫຼາຍເກີນໄປ. ສະນັ້ນ,​ການກິນອາຫານຜັກ ພືດໃບຂຽວນັ້ນ ຄືອົງປະກອບສຳຄັນ ທີ່ຈະເຮັດໃຫ້ສຸຂະພາບແຂງແຮງ ແລະ ທີ່ດີໄປກວ່ານັ້ນ ຈະຊ່ວຍປ້ອງກັນ ມະເຮັງເຕົ້ານົມໄດ້ດີເລີຍເດີ. ແພດເພິ່ນຍັງໃຫ້ຂໍ້ມູນວ່າ ສາວໆ ທີ່ມັກກິນຊີ້ນຫຼາຍ ຄວາມສ່ຽງ ເລື່ອງມະເຮັງເຕົ້ານົມ ກໍ່ຂ້ອນຂ້າງສູງໄດ໋. ໂດຍສະເພາະ ກິນແປ້ງ ຫຼື ອາຫານແບບມັນໆ ຫຼາຍ.

ການດຶ່ມກໍ່ສຳຄັນ, ພວກເຮົາຈະສັງເກີດເຫັນວ່າ ທາດມືນເມົາ ຈະເປັນອັນຕະລາຍ ຕໍ່ຄວາມງາມທີ່ສຸດ, ສາວໃດ ທີ່ມັກເມົາ ຕ້ອງໃຫ້ພາກັນຫຼຸດຜ່ອນ ແດ່ເດີ. ເພາະຈາກການຄົ້ນຄວ້າ ຂໍ້ມູນ ບອກໄດ້ເລີຍວ່າ ນໍ້າເມົານີ້ ສົ່ງຜົນໃຫ້ ນົມນ້ອຍ. ແລະ ຫ່ຽວແຫ້ງ, ຈັບບາຍກະຍານ ບໍ່ເດັ້ງດັນ ເພາະ ທາດເຫຼົ້າ ຈະໄປທຳລາຍ ຮໍໂມນສຳຄັນ ທີ່ຈະເຮັດໃຫ້ຜິວພັນ ເຮົາສວຍງາມ.

ເອົາສັ້ນໆສຳລັບຂໍ້ທຳອິດ ກໍ່ແມ່ນ ກິນອາຫານຜັກໝາກໄມ້ ແລະ ງົດເຫຼົ້າເບຍເດີ ສາວໆ ທີ່ໜ້າຮັກ. ຄັນໄປກິນເຫຼົ້າຫຼາຍ ອີ່ຮູ້ ກະບໍ່ຊ່າງຊິວ່າເດີ!




ຂໍ້ທີສອງນີ້ສຳຄັນຫຼາຍ, ບາງຄົນນີ້ອາດຈະມີໜ້າເອີກໃຫຍ່ ແຕ່ມັນແຫຼວ ຫຼື ບໍ່ເດັ້ງບໍ່ຕຶ່ງ, ອາໄສແຕ່ການເອົາເສື້ອຊ້ອນໃນຫັດ ໃຫ້ມັນເຄັ່ງ ເຊິ່ງຖ້າເປັນແບບນີ້ ກໍ່ຈະເຮັດໃຫ້ສຸຂະພາບຂອງສາວໆມ່ີຄວາມສ່ຽງເດີ. ເພາະສະນັ້ນ, ຕ້ອງອອກກຳລັງກາຍເປັນປະຈຳ, ຢ່າຂີ້ຄ້ານ. ຜົນການວິໄຈ ຈາກນັກກາຍະບຳບັດ ຢືນຢັນວ່າ ການອອກກຳລັງກາຍທີ່ເຮັດໃຫ້ກ່້າມເນື້ອໜ້າເອີກ ແຂງແຮງ ຈະເຮັດໃຫ້ ສາວໆ ເຊັກຊີ ແບບບໍ່ໜ້າເບື່ອ ແລະ ມີຄວາມໝັ້ນໃຈ.​ຖ້າອອກ ກຳລັງກາຍເປັນປະຈຳ ໜ້າເອີກ ຫຼື ນົມທີ່ແຂງແຮງ ບາງຄັ້ງບໍ່ຖ້າໃສ່ ເສື້ອຊ້ອນ ຊວງເອີກ ກໍ່ຈະຍັງຕັ້ງ ຢ່າງສະຫງ່າຜ່າເຜີຍ, ບໍ່ຢ່ອນ ບໍ່ຍານ. ຮູ້ແບບນີ້ແລ້ວ, ຮີບຟ້າວພາກັນອອກກຳລັງກາຍເດີ.​ບໍ່ວ່າຈະເປັນການຍ່າງແກວ່າງແຂນໄປມາ ໃຫ້ໄດ້ມື້ລະ 30​ ນາທີ. ການຍົກນໍ້າໜັກ ແບບເບົາໆ, ການຟິດພື້ນ ແລະ ທ່ານອອກກຳລັງກາຍອື່ນໆ.

ພາຍຫຼັງອອກກຳລັງກາຍແລ້ວ, ສິ່ງທີ່ຈະເພີ່ມໃຫ້ ການຍົກໜ້າເອີກ ໃຫ້ກະຊັບ ກໍ່ຕ້ອງມີການ ນວດໜ້າເອີກ ຫຼື ເວົ້າງ່າຍແມ່ນ ການອອກກຳລັງກາຍກ້າມຊີ້ນ ນົມ ເປັນປະຈຳ. ການນວດ ຫຼື ອອກກຳລັງກາຍນົມແມ່ນເປັນການຊ່ວຍໃຫ້ ການໄຫຼວຽນຂອງເລືອດ ທີ່ໄຫຼຜ່ານບໍລິເວນນົມ ໄດ້ສະດວກ. ຖ້າມີຄີມ ທີ່ຈະຊ່ວຍເຮັດໃຫ້ນົມສົດຊື່ນ ກະຊອກຈັດຫາມາທາຕື່ມ ແຕ່ຕ້ອງລະວັງ ຄີມທີ່ມີສານເຄມີຮູນແຮງ. ຕາມອີ່ຮູ້ ບອກແມ່ນໃຫ້ເລືອກ ຄີມທີ່ມີສ່ວນປະສົມຂອງທຳມະຊາດໃຫ້ຫຼາຍທີ່ສຸດຈະເປັນການດີ ແລະ ບໍ່ສົ່ງຜົນຂ້າງຄຽງໄລຍະຍາວ. ການໃຊ້ສິ່ງທີ່ເປັນທຳມະຊາດ ຍ່ອມດີສະເໝີ.




ຂໍ້ສຸດທ້າຍທີ່ສຳຄັນ ຄືການ ເລືອກນຸ່ງເຄື່ອງ ທີ່ແທດເໝາະກັບຮ່າງກາຍ, ໂດຍສະເພາະ ເລີ່ມຈາກ ເສື້ອຊ້ອນ ແມ່ນຢ່ານຸ່ງແບບຫັດເກີນໄປເພາະຈະເຮັດໃຫ້ ເຈັບນົມ ແລະ ເລືອດໄຫຼວຽນບໍ່ດີ, ຫຼື ນຸ່ງຫຼົມເກີນໄປ ກໍ່ຈະເຮັດໃຫ້ ນົມສັ່ນຄອນ ແລະ ຍານ. ສະນັ້ນ,​ຕ້ອງເລືອກ ໃຫ້ມັນພໍດີພໍງາມ ແບບວ່າ ເລືອກທາງສາຍກາງ ຫັ້ນນາ...


ຫວັງວ່າ ສາມຂໍ້ງ່າຍໆ ຄົງຈະເຮັດໃຫ້ສາວໆ ທີ່ຢາກອັບເກຣດ ໜ້າເອີກ ໃຫ້ງາມໆ ສາມາດເຮັດໄດ້ດ້ວຍຕົນເອງ ເພາະບໍ່ໄດ້ລົງທຶນຫຍັງຍາກ ພຽງແຕ່ ເຮັດເປັນປະຈຳ ແລະ ຕ້ອງຕັ້ງເປົ້າໝາຍວ່າ ຕ້ອງມີນົມທີ່ເຊັກຊີ ສາວໆກໍ່ຈະສົມຫວັງແນ່ນອນ.

ໝາຍເຫດ: ອີ່ຮູ້ບໍ່ແນະນຳ ທີ່ຈະໃຫ້ສາວໆ ໄປເຮັດໄສຍະກຳ ຜ່າຕັດ ເອົານົມປອມໃສ່ ເພາະມັນອັນຕະລາຍຕໍ່ສຸຂະພາບເດີ. ງາມແບບທຳມະຊາດ ນັ້ນດີແລ. ສ່ວນ ຜູ່ທີ່ເປັນແມ່ ມີລູກນ້ອຍ ກໍ່ຢ່າປະປ່ອຍ ໃຫ້ຕົນເອງນົມຍານ ແບບບໍ່ສົນໃນ ເຕັກນິກຂ້າງເທີງຊ່ວຍໄດ້ຄືກັນ, ນອກນີ້ ແພດໝໍຍັງແນະນຳວ່າ ແມ່ຍິງທີ່ມີລູກ ຄວນໃຫ້ລູກດູດກິນນໍ້ານົມແມ່ຫຼາຍໆ ເພາະຈະເຮັດໃຫ້ນົມງາມ. ອັນນີ້ແມ່ນຄວາມຈິງເດີ.

ເອົາລະນໍ້! ຄາວໜ້າ ອີ່ຮູ້ຈະນຳເອົາເລື່ອງລາວ ສຸຂະພາບຫຍັງມາເລົ່າສູ່ຟັງກະຕິດຕາມເດີ. ມີຄຳເຫັນຕິຊົມ ກໍ່ສົ່ງຂໍ້ຄວາມມາໄດ້ຫຼັງໄມ.

ສຸຂະພາບດີ ຄືໂຊກລາບອັນປະເສີດ

ຂອບໃຈພາບປະກອບຈາກ: ເພຈ ນາງຟ້າ Angels 
ຮຽບຮຽງໂດຍ: ອີ່ຮູ້ ໂທລະໂຄ່ງ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.