Header Ads

ກອງປະຊຸມໃຫຍ່ຮາກຖານກຳມະບານ ມໍສ ນໍ້າເງິນຄັ້ງທີ 4



ກອງປະຊຸມດັງກ່າວໄດ້ຈັດຂຶ້ນໃນຕອນບ່າຍຂອງວັນທີ 25 ຕຸລາ 2017 ຢູ່ໂຮງຮຽນ ມໍສນໍ້າເງິນ, ເມືອງເງິນ ແຂວງໄຊຍະບູລີ ພາຍໃຕ້ການເປັນປະທານຂອງສະຫາຍ ນາງ ທອງມາ ໄຊຊະນະ ປະທານຮາກຖານກຳມະບານ ມໍສ ນໍ້າເງິນ ເຂົ້ນຮ່ວມເປັນກຽດມີສະຫາຍ ສົມພົງ ປ່ອງຄຳ ຄະນະບໍລິຫານງານສະຫະພັນກຳມະບານແຂວງ, ປະທານສະຫະພັນກຳມະບານເມືອງ. ມີແຂກຖືກເຊີນ ແລະ ສຳມາຊິກກຳມະບານເຂົ້າຮ່ວມ 46 ສະຫາຍ, ຍິງ 24 ສະຫາຍ ໃນນັ້ນມີຜູ້ແທນສົມບູນ 35 ສະຫາຍ, ຍິງ 22 ສະຫາຍ.


        ກອງປະຊຸມໄດ້ຄົ້ນຄວ້າປະກອບຄຳຄິດ ຄຳເຫັນ  ແລະ ເປັນເອກະສັນຮັບຮອງເອົາບົດລາຍງານການເມືອງປີ 2014-2017 ແລະ ທິດທາງແຜນການເຄື່ອນໄຫວແຕ່ປີ 2017-2021 ເຊີ່ງສະເໜີຜ່ານໂດຍແມ່ນສະຫາຍ ນາງ ທອງມາ ໄຊຊະນະ ຈາກນັ້ນຄະນະກຳມະບານຊຸດເກົ່າ ກໍ່ໄດ້ຂື້ຜ່ານບົດສໍາຫຼວດການນຳພາລວມ ຕະຫຼອດໄລຍະ 5 ປີຜ່ານມາ ທີ່ໄດ້ອອກແຮງເຄື່ອນໄຫວຊີ້ນຳໆພາ ແລະ ກ່າວລາໜ້າທີ່.

        ກອງປະຊຸມກໍ່ໄດ້ໃຊ້ສິດປະຊາທິປະໄຕເລືອກເອົາຄະນະ ຮາກຖານກຳມະບານຊຸດໃໝ່ເຊີ່ງມີຜູ້ສະໜັກ 7 ສະຫາຍ ເລືອກເອົາ 5 ສະຫາຍ ໄດ້ສະຫາຍ ນາງ ທອງມາ ໄຊຊະນະເປັນປະທານຮາກຖານກຳມະບານ ມໍສ ນໍ້າເງິນ, ສະຫາຍ ໄຊພອນ ສຸລິຍາ ເປັນຮອງປະທານ, ສະຫາຍ ສີໄວ ບຸນມາກ ເປັນຄະນະ, ສະຫາຍ ສີທົນ ສຸດທິໂວຫານ ເປັນຄະນະ, ສະຫາຍ ເພັດໄຊ ປ່ອງຄຳ ເປັນຄະນະ ຈາກນັ້ນກໍ່ບ່ອນບັດ ຄັດເລືອກເອົາຜູ້ແທນສົມບູນໄປຮ່ວມກອງປະຊຸມໃຫຍ່ສະຫະພັນກຳມະບານເມືອງ ຈຳນວນ 3 ສະຫາຍ ໄດ້ສະຫາຍ ນາງ ທອງມາ ໄຊຊະນະ, ສະຫາຍ ໄຊພອນ ສຸລິຍາ, ສະຫາຍ ສີໄວ ບຸນມາກ ເປັນຜູ້ແທນສຳຮອງ.

        ຕອນທ້າຍກໍ່ໄດ້ຜ່ານຂໍ້ແຂ່ງຂັນ 5 ເປັນເຈົ້າຂອງສະຫາຍສະຫະພັນກຳມະບານລາວ ເພື່ອພ້ອມກັນຈັດຕັ້ງປະຕິບັດໃຫ້ໄດ້ຕາມລະດັບຄາດໝາຍ, ພ້ອມກັນນຳເອົາເນື້ອໃນຈິດໃຈມະຕິຂອງກອງປະຊຸມໃຫ່ຍຄັ້ງນີ້ໄປຜັນຂະຫຍາຍໃຫ້ມັນເກີດດອກອອກຜົນຢ່າງແທ້ຈີງ.

ພາບ ແລະ ສຽງ ໂດຍ: ສຸລິຍາ ແສງເດືອນ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.