Header Ads

ກວດລ້າງອາວຸດເສຶກ ແລະ ລ້າເນື້ອ ທີ່ບໍ່ຖືກຕ້ອງ 525 ກະບອກ ທີ່ເມືອງອາດສະພອນ



ຕາມການຂໍ້ມູນເປີດເຜີຍຂອງເຈົ້າໜ້າທີ່ກ່ຽວຂ້ອງໃນກອງປະຊຸມສະຫຼຸບວຽກງານອາຊີບ-ພາຫະນະພິເສດ ປະຈຳປີ 2017 ຂອງເມືອງອາດສະພອນ ທີ່ຈັດຂຶນໃນທ້າຍເດືອນກັນຍາຜ່ານມາໃຫ້ຮູ້ວ່າ: ໃນປີ 2017 ນີ້ທົ່ວເມືອງອາດສະພອນໄດ້ເກັບກຳຂຶ້ນບັນຊີອາຊີບ-ພາຫະນະພິເສດ ຊຶ່ງມີເຮືອນພັກມີ 6 ຫຼັງ ຂຶ້ນທະບຽນແລ້ວ 4 ຫຼັງ, ເຮືອນເຊົ່າ 5 ຫຼັງຍັງບໍ່ທັນຂຶ້ນທະບຽນ, ຮ້ານອັດເອກະສານມີ 4 ຮ້ານ ຂຶ້ນທະບຽນແລ້ວ 3 ຮ້ານ, ຮ້ານຖ່າຍຮູບ 5 ຮ້ານ ຂຶ້ນທະບຽນແລ້ວ 3 ຮ້ານ, ຮ້ານຂາຍໂທລະສັບ 16 ຮ້ານ ຂຶ້ນທະບຽນແລ້ວ 11 ຮ້ານ, ຮ້ານສ້ອມແປງລົດມີ 25 ຮ້ານ ຂຶ້ນທະບຽນແລ້ວ 13 ຮ້ານ, ປ້ຳນ້ຳມັນ 10 ປ້ຳຂຶ້ນທະບຽນສຳເລັດແລ້ວ 10 ປ້ຳ, ໂຮງງານເຟນີເຈີ້ 14 ໂຮງງານ ຂື້ນທະບຽນແລ້ວ 3 ໂຮງງານ ແລະເຕົາຕີເຫຼັກ 3 ເຕົາຍັງບໍ່ທັນຂຶ້ນທະບຽນ.


ນອກນີ້ ຍັງໄດ້ມີການເກັບກູ້ອາວຸດເສິກ, ອາວຸດລ່າເນື້ອ, ທາດແຕກ, ທາດລະເບີດ, ມີດ-ງ້າວ, ສະໜັບມື, ເຄື່ອງຊ໊ອດໄຟຟ້າ ແລະອາວຸດຍຸດໂທປະກອນອື່ນໆທີ່ເປັນອັນຕະລາຍຕໍ່ສັງຄົມ, ໃນສົກປີ 2016-2017 ນີ້ ຈຳນວນຫຼາຍ ເພາະອາວຸດລ່າເນື້ອໄດ້ 525 ກະບອກ ແລະໜໍ້ຊ໊ອດ 19 ໜ່ວຍ.

ເພື່ອເປັນການແກ້ໄຂບັນຫາດັ່ງກ່າວນີ້ ໃນປີ 2018 ທາງເຈົ້າໜ້າທີ່ກ່ຽວຂ້ອງຈະໄດ້ສືບຕໍ່ເຮັດວຽກໂຄສະນານຳເອົາເອກະສານຕ່າງໆ ທີ່ພົວພັນກັບວຽກງານອາຊີບພາຫະນະພິເສດ ລົງເຜີຍແຜ່ໃຫ້ພໍ່ແມ່ປະຊາຊົນໄດ້ຮັບຮູ້ເຊື່ອມຊຶມຢ່າງທົ່ວເຖິງ, ເອົາໃຈໃສ່ກວດກາ, ຄຸ້ມຄອງ, ຂຶ້ນບັນຊີວຽກງານດັ່ງກ່າວ ໃຫ້ລະອຽດເຂັ້ມງວດ ເພື່ອບໍ່ໃຫ້ກາຍເປັນຊ່ອງຫວ່າງຂອງບັນດາກຸ່ມຄົນບໍ່ດີ ນຳໄປກະທຳຜິດສ້າງຄວາມບໍ່ເປັນລະບຽບຮຽບຮ້ອຍຕໍ່ສັງຄົມ.


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com





loading...

No comments

Powered by Blogger.