Header Ads

ກອງປະຊຸມໃຫຍ່ ຂອງສະຫະພັນແມ່ຍິງ ຮາກຖານບ້ານແກ້ວດອນຄູນ ຄັ້ງທີ່ 6


ໄດ້ຈັດຂື້ນ ໃນຕອນເຊົ້າຂອງວັນທີ່ 27 ກັນຍາ 2017 ນີ້. ຢູ່ທີ່ຫໍປະຊຸມບ້ານແກ້ວດອນຄູນ ເມືອງເງິນ ແຂວງໄຊຍະບູລີ ພາຍໃຕ້ການເປັນປະທານ ຂອງສຫ ນາງ ສີໄທ ບຸນມານະທຳ  ປະທານສະຫະພັນແມ່ຍິງຮາກຖານບ້ານ. ເຂົ້າຮ່ວມເປັນກຽດ ມີ ສຫ ນາງ ບົວຄຳ ຈັນທະວິໄລ ສະມາຊິກສະພາປະຊາຊົນຂັ້ນແຂວງ, ຄະນະບໍລິຫານງານ ສະຫະພັນ ແມ່ຍິງແຂວງ ກຳມະການພັກເມືອງ ປະທານ ສະຫະພັນແມ່ຍິງເມືອງ, ມີເລຂາໜ່ວຍພັກ,ນາຍບ້ານ, ອົງການຈັດຕັ້ງມະຫາຊົນ, ແຂກຖືກເຊີນ ຕະຫຼອດຮອດ ສະມາຊິກສະຫະພັນແມ່ຍິງພາຍໃນບ້ານເຂົ້າຮ່ວມ 100 ສຫ ໃນນີ້ມີຜູ້ແທນສົມບູນ 93 ສຫ.  

           ກອງປະຊຸມ ໄດ້ຄົ້ນຄວ້າ ແລະ ຮັບຮອງເອົາເນື້ອໃນຕໍ່ຮ່າງລາຍງານການເມືອງທັງ 2 ພາກ ເຊີ່ງໄດ້ຍົກໃຫ້ເຫັນຜົນງານການເຄື່ອນໄຫວ ແລະ ຊີ້ນຳໆພາ ຕະຫຼອດໄລຍະ 5 ທີ່ຜ່ານມາ. ເປັນຕົ້ນແມ່ນໄດ້ເຊື່ອມຊືມເອກະສານ ກໍ່ຄື ມະຕິຄໍາສັ່ງ ໃຫ້ສະມາຊິກ ສະຫະພັນແມ່ຍິງ ຜ່ານການເຊື່ອມຊຶມໄດ້ເຮັດໃຫ້ເອື້ອຍນ້ອງແມ່ຍິງ ມີຄວາມຫ້າວຫັນຕໍ່ໜ້າທີ່ວຽກງານ ສະແດງອອກການປະກອນສ່ວນ ເຂົ້າໃນການສ້າງສາພັດທະນາບ້ານເມືອງ ຢ່າງຕັ້ງໜ້າ ແລະ ແຂງແຮງ ການຕີລາຄາ ແບ່ງປະເພດ ໄດ້ປະເພດແຂງ 90  ສຫ ກາງ 3 ສຫສ້າງເງິນຄັງລວມໄດ້ 5.000.000ກີບ ແລະ ປະຕິບັດຂໍ້ແຂ່ງຂັນ 3 ດີຂອງແມ່ຍິງ ລາວວາງອອກໄດ້ດີ.ສາມາດຄັດເລືອກໄດ້ບຸກຄົນພົນລະເມືອງດີ 93 ສຫ ພັດທະນາດີ 93 ສຫ ສ້າງຄອບຄົວດີມີ 93 ຄອບຄົວ ທິດທາງແຕ່ປີ 2017-2022 ສືບຕໍ່ໂຄສະນາ ສຶກສາອົບຮົບການເມືອງແນວຄິດໃຫ້ສະມາຊິກແມ່ຍິງ ໃຫ້ກວ້າງຂວາງເລິກເຊີ່ງ, ຕັ້ງໜ້າແຂ່ງຂັນກັນຈັດຕັ້ງປະຕິບັດຂໍ້ແຂ່ງຂັນຮັກຊາດ ແລະ ພັດທະນາ ພ້ອມກັນສຸມໃສ່ກວດກາ ຂໍ້ແຂ່ງຂັນ 3 ດີຂອງແມ່ຍິງ ໃຫ້ໄດ້ 1 ຄັ້ງຕໍ່ 3 ເດືອນ ຮັກສາສະມາຊິກ 3 ດີປະເພດ 1 ໃຫ້ໄດ້ 100%ເອົາໃຈໃສ່ສ້າງເສດຖະກິດແກ້ໄຂຊີວິດການເປັນຢູ່ຂອງເອື້ຍນ້ອງແມ່ຍິງໃຫ້ນັບມື້ນັບດີຂື້ນເປັນກ້າວໆ. ສູ້ຊົນສ້າງຄອບຄົວຕົວແບບຕໍ່າຫູກທໍ້ໄໜໃຫ້ 1-2 ຄອບຄົວ ລ້ຽງສັໃຫ້ໄດ້ 1-3 ຄອບຄົວ ປູກຝັງໃຫ້ໄດ້ 1 ຄອບຄົວ  ຂະຫຍາຍສະມຊິກ ສະຫະພັນແມ່ຍິງ ໃຫ້ໄດ້ເຂົ້າເປັນສະມາຊິກພັກ 3 ສຫ .


         
 ກອງປະຊຸມ  ໄດ້ໃຊ້ສິດປະຊາທິປະໄຕ ປ່ອນບັດຄັດເລືອກເອົາ ຄະນະສະຫະພັນແມ່ຍິງຮາກຖານບ້ານຊຸດໃໝ່: ເຊີ່ງມີຜູ້ສະມັກ 7 ສຫ ເລືອກເອົາ 5 ສຫ. ໄດ້ສຫ ນາງ ສີໄທ ບຸນມານະທຳ ເປັນປະທານສະຫະພັນແມ່ຍິງຮາກຖານບ້ານແກ້ວດອນຄູນຊຸດໃໜ່, ສຫ ນາງ ຂັນຟອງ ສຸທິໂວຫານ  ເປັນຮອງ, ສຫ ນາງ  ແສງຫຼ້າ ຄຳເຄື່ອງ ເປັນຮອງ, ສຫ ນາງ ຄຳກອງ ລືໄຊ ເປັນຄະນະ,  ສຫ ນາງ ດາວວອນ ມິດຕະຜົນ ເປັນຄະນະ.

ໂດຍ: ສຸລິຍາ ແສງເດືອນ




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




loading...

No comments

Powered by Blogger.