Header Ads

ກອງປະຊຸມໃຫຍ່ ຂອງສະຫະພັນແມ່ຍິງ ຮາກຖານບ້ານເພຍງາມ ຄັ້ງທີ 7


ໄດ້ຈັດຂື້ນ ໃນຕອນເຊົ້າຂອງວັນທີ 16 ຕຸລາ 2017 ນີ້. ຢູ່ທີ່ຫໍປະຊຸມບ້ານເພຍງາມ ເມືອງເງິນ ແຂວງໄຊຍະບູລີ ພາຍໃຕ້ການເປັນປະທານ ຂອງສຫ ນາງ ຄຳໄຫມ ເທບມຸງຄຸນ  ປະທານສະຫະພັນແມ່ຍິງຮາກຖານບ້ານ. ເຂົ້າຮ່ວມເປັນກຽດ ມີ ສຫ ນາງ ບົວຄຳ ຈັນທະວິໄລ ສະມາຊິກສະພາປະຊາຊົນຂັ້ນແຂວງ, ຄະນະບໍລິຫານງານ ສະຫະພັນ ແມ່ຍິງແຂວງ ກຳມະການພັກເມືອງ ປະທານ ສະຫະພັນແມ່ຍິງເມືອງ, ມີເລຂາໜ່ວຍພັກ,ນາຍບ້ານ, ອົງການຈັດຕັ້ງມະຫາຊົນ, ແຂກຖືກເຊີນ ຕະຫຼອດຮອດ ສະມາຊິກສະຫະພັນແມ່ຍິງພາຍໃນບ້ານເຂົ້າຮ່ວມ 163 ສຫ ໃນນີ້ມີຜູ້ແທນສົມບູນ 143 ສຫ.  


ກອງປະຊຸມ ໄດ້ຄົ້ນຄວ້າ ແລະ ຮັບຮອງເອົາເນື້ອໃນຕໍ່ຮ່າງລາຍງານການເມືອງທັງ 2 ພາກ ເຊີ່ງໄດ້ຍົກໃຫ້ເຫັນຜົນງານການເຄື່ອນໄຫວ ແລະ ຊີ້ນຳໆພາ ຕະຫຼອດໄລຍະ 5 ທີ່ຜ່ານມາ. ເປັນຕົ້ນແມ່ນໄດ້ເຊື່ອມຊືມເອກະສານ ກໍ່ຄື ມະຕິຄໍາສັ່ງ ໃຫ້ສະມາຊິກ ສະຫະພັນແມ່ຍິງ ຜ່ານການເຊື່ອມຊຶມໄດ້ເຮັດໃຫ້ເອື້ອຍນ້ອງແມ່ຍິງ ມີຄວາມຫ້າວຫັນຕໍ່ໜ້າທີ່ວຽກງານ ສະແດງອອກການປະກອນສ່ວນ ເຂົ້າໃນການສ້າງສາພັດທະນາບ້ານເມືອງ ຢ່າງຕັ້ງໜ້າ ແລະ ແຂງແຮງ

       ທິດທາງແຜນການ 5ປີ ຕໍ່ໜ້າ ສືບຕໍ່ສຶກສາອົບຮົມການເມືອງແນວຄິດ ໃຫ້ສະມາຊິກໃຫ້ທົ່ວເຖີງ ຂະຫຍາຍສະມາຊິກແມ່ຍິງໃຫ້ໄດ້ 15 ສະຫາຍຂື້ນໄປ, ສ້າງສະມາຊິກສະຫະພັນແມ່ຍິງໃຫ້ເປັນສະມາຊິກພັກ 2 ສະຫາຍຂື້ນໄປ, ກວດກາການຈັດຕັ້ງປະຕິບັດ ຂໍ້ແຂ່ງຂັນ 3 ດີ ໃຫ້ໄດ້ 1 ຄັ້ງຕໍ່ງວດ, ສ້າງສະມາຊິກໃຫ້ກາຍເປັນສະມາຊິກ 3 ດີ ປະເພດ 1 ໃຫ້ໄດ້ 90% ຂື້ນໄປ.

           


 ກອງປະຊຸມ  ໄດ້ໃຊ້ສິດປະຊາທິປະໄຕ ປ່ອນບັດຄັດເລືອກເອົາ ຄະນະສະຫະພັນແມ່ຍິງຮາກຖານບ້ານຊຸດໃໝ່: ເຊີ່ງມີຜູ້ສະມັກ 7 ສຫ ເລືອກເອົາ 5 ສຫ. ໄດ້ສຫ ຄຳໄຫມ ເທບມຸງຄຸນ ເປັນປະທານສະຫະພັນແມ່ຍິງຮາກຖານບ້ານເພຍງາມຊຸດໃໜ່, ສຫ ແສງເດືອນ ເທບປັນຍາ  ເປັນຮອງ, ສຫ ສີຈົມ ໃຈແກ້ວ ເປັນຮອງ, ສຫ ຈັນສຸກ ເທບປັນຍາ ເປັນຄະນະ,  ສຫ ບົວຈັນ ຄໍາເຄື່ອງ ເປັນຄະນະ.

ໂດຍ: ອິນແປງ ແຫວນຄຳ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.