Header Ads

ເຕືອນໄພ ພາຍຸລະດູຮ້ອນ ຄືນວັນທີ 9 ຕຸລາ ຫາ 10 ຕຸລາ 2017! ໂດຍສະເພາະ ພາກເໜືອເດີ!



ແຈ້ງເຖິງ ປະຊາຊົນທົ່ວປະເທດຈົ່ງເຝົ້າລະວັງພະຍຸເຂດຮ້ອນກຳລັງພັດເຂົ້າລາວແລ້ວນັບແຕ່ກາງຄືນຂອງມື້ນີຄີ ວັນທີ 9/10/2017 ຫາ 10/10/2017. ຕາມແຈ້ງການເຕືອນໄພຂອງກົມອຸຕຸນິຍົມ ແລະອຸທົກກະສາດ ພະຍຸຫົວນີ້ຊື່ວ່າ ພະຍຸດີເປຼເຊີນ ໃນເວລາ 13:00 ຂອງມື້ນີ້ມີຈຸດທີ່ຕັ້ງຢູ່ເສັ້ນຂະໜານທີ່ 16,4 ອົງສາເໜືອ ແລະເສັ້ນແວງທີ 110,7 ອົງສາຕາເວັນອອກ ພວມເຄື່ອນທີ່ມາທາງຕິດຕາເວັນຕົກສຽງເໜືອດ້ວຍຄວາມໄວ 25 ກິໂລແມັດຕໍ່ຊົ່ວໂມງ.

ສະນັ້ນໃນຕອນກາງຄືນຂອງວັນທີ 9/10/2017 ຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອທມໃນລະດັບປານກາງຫາຕົກໜັກທີ່ແຂວງຫົວພັນ, ຊຽງຂວາງ, ແຂວງວຽງຈັນ, ຄຳມ່ວນ, ສະຫວັນນະເຂດ, ນະຄອນຫຼວງວຽງຈັນ ແລະພາກໃຕ້ຂອງລາວ. ຈາກນັ້ນວັນທີ 10/10/2017 ປະມານຕອນບ່າຍຈະເຄື່ອນທີ່ໄປຍັງພາກເໜືອຂອງລາວທີ່ແຂວງຊຽງຂວາງ, ຫົວພັນ, ຫຼວງພະບາງ, ອຸດົມໄຊ, ຫຼວງນ້ຳທາ, ບໍ່ແກ້ວ, ໄຊຍະບູລີ ແລະນະຄອນຫຼວງວຽງຈັນ.

ດັ່ງນັ້ນ, ຂໍໃຫ້ປະຊາຊົນໃນບັນດາແຂວງທີ່ວ່ານີ້ຈົ່ງມີສະຕິ ແລະກຽມພ້ອມຮັບມືກັບສະພາບຝົນຕົກໜັກ ແລະລົມພັດແຮງຄັ້ງນີ້ ອາດເປັນອັນຕະລາຍຕໍ່ຊີວິດ ແລະຊັບສິນຂອງປະຊາຊົນໄດ້ ແລະໃຫ້ຕິດຕາມສະພາບອາກາດຢ່າງໃກ້ສິດຈາກ ກົມອຸຕຸນິຍົມ ແລະອຸທົກກະສາດ ໃນ 1 ຫາ 2 ວັນຂ້າງໜ້ານີ້.





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.