Header Ads

ປກສ ແຂວງ ບໍ່ແກ້ວໄດ້ເປີດກອງຊຸມສະຫຼຸບວຽກງານຈຸດສຸມແກ້ໄຂປະກົດການຍໍ້ທໍ້ 30 ວັນ




ປກສ ແຂວງ : ໃນວັນທີ 17 ຕຸລາ 2017 ນີ້ ຫ້ອງຕໍາຫຼວດ ກອງບັນຊາການ ປກສ ແຂວງ ບໍ່ແກ້ວໄດ້ເປີດກອງຊຸມສະຫຼຸບວຽກງານຈຸດສຸມແກ້ໄຂປະກົດການຍໍ້ທໍ້ 30 ວັນ ໂດຍອີງຕາມ: ທິດຊີ້ນໍາຂອງກອງັບັນຊາການ ປກສ ແຂວງ ໃນຄັ້ງວັນທີ 3 ພະຈິກ 2016 ໃຫ້ສືບຕໍ່ວຽກງານປ້ອງກັນສະກັດກັ້ນ ແລະ ແກ້ໄຂປະກົດການຫຍໍ້ທໍ້ໃນສັງຄົມ.



ໂດຍການເປັນປະທານຂອງທ່ານ ພັທ ສົມລອງ ພົມມະສັກ ຄະນະພັກ ຫົວໜ້າຫ້ອງຕໍາຫຼວດ ໂດຍໃຫ້ກຽດເຂົ້າຮ່ວມຂອງທ່ານ ພັທ ສະຫວາດ ວັນນະສິນ ຄະນະພັກ ຮອງກອງບັນຊາການ ຜູ້ຊີ້ນໍາວຽກງານຫ້ອງຕໍາຫຼວດ, ມີຄະນະພັກ ຄະນະບັນຊາ, ພະນັກງານ-ນັກຮົບຫ້ອງຕໍາຫຼວດອ້ອມຂ້າງກອງບັນຊາການ ປກສ ແຂວງ ເຂົ້າຮ່ວມໃນກອງປະຊຸມທ່ານ ພັທ ຫຸມແພງ ສີສະເກດ ຄະນະພັກຫ້ອງ, ຮອງຫ້ອງຕໍາຫຼວດກໍ່ໄດ້ຂຶ້ນລາຍງານສະພາບໃນໄລຍະຜ່ານມາ ເປັນຕົ້ນແມ່ນ ການມ້າງຄະດີຢາເສບຕິດລາຍໃຫຍ່-ລາຍຍ່ອຍ, ປຸ້ນຊັບ, ຄາດຕະກໍາ, ຄ້າຂາຍເຖື່ອນອັນດັບພົ້ນເດັ່ນ ແມ່ນລັກຊົບພົນລະເມືອງ (ລົດຈັກ) ມົ້ວສຸມຢາເສບຕິດ ແລະ ດື່ມເຫຼົ້າເມົາຂັບລົດໄວພາໃຫ້ເກີດອຸປະຕິເຫດ, ພາຍຫຼັງທີ່ພວກເຮົາເຮັດວຽກງານຈຸດສຸມເຫັນໄດ້ວ່າສະພາບການຄ້າຂາຍຍ່ອຍຫຼຸດລົງ, ພວກເຮົາສາມາດເກັບກໍາບັນດາເປົ້າໝາຍ,ປຸ້ນຊັບ, ຄາດຕະກໍາ ແລະ ສໍານວນສໍາເນົາບັນດາເປົ້າໝາຍລັກຊັບໄດ້ຈໍານວນໜຶ່ງອຸປະຕິເຫດໄດ້ຫຼຸດໜ່ອຍຖ່ອຍລົງ, ບັນຫາຫ້າງຮ້ານໄດ້ເປີດປິດຕາມກໍານົດເວລາ ບັນຫາຄ້າຂາຍເຖື່ອນເຫັນວ່າລຸດລົງ ແລະ ຍັງມີອີກຫຼາຍພະແນກການ ທີ່ຂຶ້ນແຜນ ການເຄື່ອນໄຫວວຽກງານວິຊາສະເພາະ ຕື່ມອີກ, ມີຜົນງານໃນຕົວຈິງກໍ່ຄື້: ການລົງຕິດຕາມເປົ້າໝາຍລັກຊັບພົນລະເມືອງ 10 ຄັ້ງ. ມີ 130 ແຮງງານ.



- ລົງເກັບກໍາຂໍ້ມູນຄະດີຄາດຕະກໍາຢູ່ເມືອງຕົ້ນເຜິ້ງ 2ຄັ້ງ ມີ 4ແຮງງານ.
- ລົງກວດກາບັນດາຫ້າງຮ້ານໃນເທດສະບານເມືອງຫ້ວຍຊາຍຈໍານວນ 6 ຄັ້ງ, ມີ 30 ແຮງງານ
- ໄດສຶກສາອົບຮົບຜູ້ຂັບຂີ່ 27ຄົນ, ຍິງ 8 ຄົນ
- ແກ້ໄຂຄະດີລັກລົດຈັກມີ 9 ຄັນໄດ້ຮັບການແກ້ໄຂ້ 8 ຄັນ, ຍັງ 1 ຄັນ.....




ທິດທາງແຜນການໃນຕໍ່ໜ້າ: ສືບຕໍ່ເຮັດວຽກງານສຶກສາອົບຮົບການເມືອງແນວຄິດໃຫ້ແກ່ອ້າຍນ້ອງປົກກະຕິ, ແຕ່ລະພະແນກສືບຕໍ່ຕາມແຜນຈຸດສຸມທີ່ຍັງບໍ່ທັນສໍາເລັດ, ຄ້າງຄາບັນຫາໃດທີ່ຍັງແກ້ໄຂບໍ່ທັນໄດ້ ແມ່ນໃຫ້ລາຍງານຂັ້ນເທິງຕາມຂັ້ນຕອນເພື່ອມີວິທີແກ້ໄຂ, ສືບຕໍ່ລົງເຮັດວຽກງານໂຄສະນາ ຕາມໂຮງຮຽນ, ຕາມບ້ານຈຸດສຸມຕ່າງໆ
ໃນຕອນທ້າຍ ທ່ານ ພັທ ສົມລອງ ພົມມະສັກ ກໍ່ໄດ້ໃຫ້ຄໍາຄິດເຫັນ ກ່ຽວກັບວຽກງານ ແລະ ຈຸດສຸມທີ່ລົງມືເຮັດຕົວຈິງ ແລະ ຊົມເຊີຍກັບບັນດາອ້າຍນ້ອງທີ່ມີຄວາມຕັ້ງໜ້າ ແກ້ໄຂປະກົດການຍໍ້ທໍ້ ໃຫ້ໝົດໄປເທື່ອລະກ້າວ ສ້າງແບບ ແຜນວິທີການເຮັດວຽກຢ່າງລະອຽດ ແລະ ໃຫ້ສືບຕໍ່ວຽກງານບັນຫານີ້ໃຫ້ສໍາເລັດເທື່ອລະກ້າວ.



ຂ່າວ: ຮທ ວິທູນ ແກ້ວກັນຍາ (ປກສ ແຂວງບໍ່ແກ້ວ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.