Header Ads

ສະຫຼຸບຜົນການແຂ່ງຂັນຊ່ວງເຮືອເມືອງປາກເຊ ແຂວງຈຳປາສັກປີ 2017



ການແຂ່ງຊ່ວງເຮືອທີ່ ເມືອງປາກເຊ ແຂວງຈຳປາສັກໃນງານບຸນອອກພັນສາປະວໍລະນາ-ຊ່ວງເຮືອປະຈຳປີ 2017 ໄດ້ດຳເນີນໄປດ້ວຍບັນຍາກາດເບີກບານມ່ວນຊື່ນ ແລະ ຄືກຄື້ນກວ່າທຸກປີ ເພາະການແ່ຂ່ງຂັນໄດ້ຈັດໃຫ້ມີ 2 ວັນຄືວັນທີ5 ແລະ ທີ 6 ຕຸລາ,ມີເຮືອເຂົ້າຮ່ວມແຂ່ງຂັນທັງໝົດ 53 ລຳ .ມີ 72 ຄະນະທີ່ມາຈາກບັນດາເມືອງ,ເມືອງພາຍໃນແຂວງຈຳປາສັກ ແລະ ສາລະວັນເຂົ້າຮ່ວມແຂ່ງຂັນ.


ສຳລັບຜົນການແຂ່ງຂັນເຮືອແຕ່ລະປະເພດມີດັ່ງນີ້: ປະເພດເຮືອຊາຍ 55 ສີພາຍທີໜື່ງແມ່ນເຮືອ ປກສ ແຂວງຈຳປາສັກ,ທີ 2 ເຮືອຈາກເມືອງໂພນທອງ,ສ່ວນເຮືອປະພນີ 33​ ສີພາຍຊາຍທີ 1 ແມ່ນເຮືອບ້ານແກ. ທີ 2 ເຮືອບ້ານເວີນໄຊໃຫຍ່(ກຸ່ມບໍລິສັດ ໄຊຊນະ ຈຳກັດ),ທີ 3 ເຮືອຈາກບ້ານພະພີນ,ປະເພດເຮືອຊາຍສູດ(ເຮືອດັດແປງ)ທີ 1 ແມ່ນເຮືອຈາກ ປກສ ແຂວງຈຳປາສັກ,ທີ 2​ເຮືອຈາກທະຫານແຂວງສາລະວັນ ແລະ ທີ 3 ແມ່ນເຮືອຈາກທະຫານແຂວງຈຳປາສັກ,ສ່ວນປະເພດເຮືອປະເພນີ 33​ ສີພາຍຍິງທີ 1 ແມ່ນເຮືອຈາກບ້ານດອນເຂາະ,ທີ 2 ເຮືອຈາກບ້ານສຸວັນນະຄີລີ ແລະ ທີ​3 ແມ່ນເຮືອຈາກບ້ານ ແກ,ສ່ວນປະເພດເຮືອສູດ (ເຮືອດັດແປງ) ຍິງ 33 ສີພາຍທີ 1 ແມ່ນເຮືອຈາກບ້ານດົງເກາະໂລງ,ທີ 2 ແມ່ນເຮືອຈາກບ້ານສີມຸງຄຸນ ແລະ ທີ 3 ແມ່ນເຮືອຈາກບ້ານ ແກ.



ສຳລັບປະເພດເຮືອຊາຍ 24 ສີພາຍທີ 1 ແມ່ນເຮືອຈາກບ້ານດົງເກາະໂລງ,ທີ 2 ແມ່ນເຮືອຈາກບ້ານ ແກ ແລະ ທີ 3 ແມ່ນເຮືອຈາກບ້ານທ່າພ້າວ,ສ່ວນປະເພດຍິງ 24​ສີພາຍທີ 1 ກໍ່ເປັນເຮືອຈາກບ້ານດົງເກາະໂລງ,ທີ​2 ແມ່ນເຮືອຈາກບ້ານ ແກ ແລະ ທີ 3 ແມ່ນເຮືອຈາກບ້ານເວີນໄຊນ້ອຍ.ສ່ວນປະເພດ 12 ສີພາຍທີ 1​ເປັນຂອງທະຫານແຂວງສາລະວັນ,ທີ 2 ແມ່ນເຮືອຈາກທະຫານເມືອງຊະນະສົມບູນ ແລະ ທີ 3 ແມ່ນເຮືອຈາກບ້ານວັດຫຼວງເກົ່າ.ສ່ວນປະເພດລາງວັນຕີຊ້າງນ້ຳນອງທີ 1 ແມ່ນບ້ານສຸວັນນະຄີລີ,ທີ 2​ແມ່ນບ້ານສະໝໍລຽບ ແລະ ທີ 3 ແມ່ນບ້ານໂຊ້ງໃຫຍ່.



ພາບ ແລະ ຂ່າວ: ວິທະຍຸກະຈາຍສຽງຈໍາປາສັກ  
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.