Header Ads

ແຂວງອັດຕະປື ທຳລາຍຢາເສບຕິດ ປະເພດເຣໂລອິນ 1 ແທ່ງ, ນໍ້າໜັກ 360 ກຣາມ, ຢາບ້າຈຳນວນ 144.819 ເມັດ, ນໍ້າໜັກ 13,250 ກິໂລກຣາມ



ອີງຕາມການລາຍງານຂອງ ນັກຂ່າວແຂວງອັດຕະປື   ວ່າ : ຕອນເຊົ້າມື້ນີ້ (12 ຕຸລາ ) ແຂວງອັດຕະປື ທຳລາຍຢາເສບຕິດ ປະເພດເຣໂລອິນ 1 ແທ່ງ, ນໍ້າໜັກ 360 ກຣາມ, ຢາບ້າຈຳນວນ 144.819 ເມັດ, ນໍ້າໜັກ 13,250 ກິໂລກຣາມ ໂດຍມີ ທ່ານ ອຸ່ນຫຼ້າ ໄຊຍະສິດ ຮອງເຈົ້າແຂວງ ພ້ອມດ້ວຍຄະນະນຳແຂວງ ແລະ ພະນັກງານອອ້ມຂ້າງເຂົ້າຮ່ວມ. ແຂວງອັດຕະປື ເປັນອີກແຂວງໜື່ງ ທີ່ສະພາບ ເສບ ແລະ ຄ້າຂາຍຢາເສບຕິດມີລັກສະນະພົ້ນເດັ່ນ ແລະ ແຜ່ລາມຢ່າງໄວວາ ນັບທັງຕົວເມືອງຮອດຊົນນະບົດ ເຂດຫ່າງໄກສອກຫຼີກ ສ່ວນຫຼາຍແມ່ນ ຢາບ້າ 97% ແລະ ອີີກ 3% ແມ່ນຢາໄອສ ແລະ ເຮໂຣອິນ ເຊິ່ງທຽບໃສ່ປີຜ່ານມາ ແມ່ນມີລັກສະນະເພີ່ມຂື້ນ.











ໃນ 1 ປີ ທີ່ຜ່ານມາ ເຈົ້າໜ້າທີ່ສາມາດທັບມ້າງ ຄະດີຢາເສບຕິດໄດ້ທັງໝົດ 81 ເລື່ອງ, ກັກຕົວຜູ້ຕ້ອງຫາໄດ້ 148 ຄົນ, ຍິງ 43 ຄົນ, ຄົນສັນຊາດຫວຽດນາມ 5 ຄົນ, ຍິງ 3, ຄົນສັນຊາດຈີນ 1 ຄົນ. ຢືດຢາບ້າໄດ້ 144.819 ເມັດ, ເຮໂຣອິນ 1 ແທ່ງ, ຮີບພາຫານະໄດ້ 31 ຄັນ, ລົດໃຫຍ່ 5 ຄັນ, ລົດຈັກ 26 ຄັນ, ໂທລະສັບ 64 ເຄື່ອງ, ສາຍຄໍຄ້າຍຄືຄຳ 14 ເສັ້ນ, ແຫວນ 10 ວົງ ແລະ ອື່ນໆ ຮີບເງິນກີບໄດ້ 294 ລ້ານ 3 ແສນກວ່າກີບ, ເງິນບາດ 5 ມື່ນ 4ພັນ 4 ຮ້ອຍກວ່າບາດ, ເງິນໂດລາ ແລະ ເງິນດົ້ງອີກຈໍານວນໜື່ງ.

 




ຂ່າວ: ແຂວງອັດຕະປື 

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.