Header Ads

ຮັບໂທດ 5 ປີ ປັບໃໝ 10 ລ້ານກີບ ຖານຄ້າຂາຍຢາເສບຕິດ



ໃນວັນທີ 3 ຕຸລາ 2017 ຄະນະສານອາຍາ ສານປະຊາຊົນຂັ້ນຕົ້ນ ນະຄອນຫຼວງວຽງຈັນ ພິຈາລະນາຄະດີ ຂອງນາງ ຕາ ອາຍຸ 20 ປີ ຢູ່ບ້ານ ແກງປາຢ້າງ ເມືອງ ຫາດຊາຍຟອງ ນະຄອນຫຼວງວຽງຈັນ ໃນສະຖານຄ້າຂາຍຢາເສບຕິດ ປະເພດຢາບ້າ ໂດຍຕັດອິດສະລະພາບ 5 ປີ ພ້ອມທັງປັບໃໝ 10.000.000 ກີບ.

ຈຳເລີຍໄດ້ສາລະພາບຕໍ່ຄະນະສານວ່າ: ພາຍຫຼັງສ້າງຄອບຄົວກັບທ້າວ ວິໄລວອນ ໃນປີ 2014 ຮອດເດືອນ ມັງກອນ 2016 ຜົວໄດ້ເອົາຢາບ້າມາໃຫ້ເສບ 2 ເມັດ, ນັບແຕ່ນັ້ນມາກໍໄດ້ພົວພັນກັບຢາເສບຕິດປະເພດຢາບ້າ ມາຕະຫຼອດ ພ້ອມທັງເອົາຢາບ້ານຳຜົວໄປຂາຍໃຫ້ກັບໄວລຸ້ນຢູ່ພາຍໃນບ້ານ ສວນເງິນທີ່ໄດ້ຈາກການຂາຍຢາເສບ ຕິກນັ້ນ ແມ່ນໄດ້ເອົາໄປໃຊ້ຈ່າຍພາຍໃນຄອບຄົວ. ມາໄລຍະເດືອນກໍລະກົດ 2016 ຜົວໄດ້ເອົາຢາບ້າມາໃຫ້ຈຳນວນ 20 ເມັດ ແຕ່ຍັງບໍ່ທັນໄດ້ຂາຍ ຈຶງຖືກເຈົ້າໜ້າທີ່ກັກຕົວພ້ອມຂອງກາງຈຳນວນດັ່ງກ່າວ; ນອກນີ້, ຜູ້ກ່ຽວຍັງສາ ລະພາບອີກວ່າ: ຜ່ານມາເຄີຍຖືກອຳນາດການປົກຄອງບ້ານສຶກສາອົບຮົມ 1 ຄັ້ງ ຍ້ອນພົວພັນກັບຢາເສບຕິດ ,ແຕ່ກະບໍ່ປຽນແປງພຶດຕິກຳ ແລະ ຍັງເຄີຍເຄື່ອນໄຫວຊື້ຢາບ້ານຳພັກພວກທີ່ຮ່ວມຂະບວນການດຽວກັນ ຊື່ທ້າວ ໄຊ ແລະ ທ້າວ ຈອນນີ້ ປະມານ 2-3 ເທື່ອລະ 10-20 ເມັດ, ສ່ວນທ້າວ ວິໄລວອນ ປັດຈຸບັນແມ່ນຖືກດຳເນີນຄະດີຢູ່ ປກສ ເມືອງຫາດຊາຍຟອງ ນະຄອນຫຼວງວຽງຈັນ.

ຜ່ານການສັງລວມຂໍ້ມູນຫຼັກຖານ ແລະ ເອກະສານຕ່າງໆ ທີ່ປະກອບເຂົ້າໃນສຳນວນຄະດີ ຢ່າງລະອຽດແລ້ວ ເຫັນວ່າ ນາງ ຕາ ມີເຈນຕະນາ ເຄືອນໄຫວລັກລອບຊື້ຂາຍຢາເສບຕິດ ປະເພດຢາບ້າແທ້ ທັງທີ່ຮູ້ວ່າຜິດຕໍ່ລະບຽບ ກົດໝາຍ ແລະ ຍັງເຄີຍຖືກອຳນາດການປົກຄອງບ້ານ ສຶກສາອົບຮົມ ກ່ຽວກັບພຶດຕິກຳເສບຢາເສບຕິດ, ສະນັ້ນ ສານຈຶ່ງເຫັນຄວນຕັດອິດສາລະພາບຈຳເລີຍ 5 ປີ ປັບໃໝ 10.000.000 ກີບ
ພາບ ແລະ ຂ່າວ: ປກສ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.