Header Ads

ມາຮູ້ຈັກເນັດໄອດໍ້ "ຄຳແສງ ຄຳພູວັນ" ສາຍຂ່າວບັນເທິງຈາກພາກໃຕ້ !!!



ພາຍຫຼັງທີ່ເນັດໄອດໍ້ລຸ້ນອ້າຍ "ບຸນໄລ" ກາຍເປັນກະແສ ແລະ ໂດ່ງດັງຂ້າມຝັ່ງຮອດເທດໄທ ດ້ວຍລີລາການນໍາສະເໜີວິຖີຊີວິດແບບພື້ນບ້ານຜ່ານການຊວນກິນອາຫານພື້ນບ້ານແບບ "ຕໍາໝານຫຸ່ງ" ຈົນເຮັດໃຫ້ມີຜູ້ຕິດຕາມນັບແສນກວ່າຄົນ ແລະ ກາຍເປັນເນັດໄອດໍ້ແດນໃຕ້ຮຽບຮ້ອຍ.


ແຕ່ມື້ນີ້ ບັນເທິງແບບໂທລະໂຄ່ງ (ເລື່ອງເບົາໆສໍາລັບມື້ນີ້ 22 ຕຸລາ) ຂໍແນະນໍາເນັດໄອດໍ້ອີກໜຶ່ງຄົນຊື່  "ຄຳແສງ ຄຳພູວັນ" ແຕ່ມາໃນສາຍຂ່າວບັນເທິງສຸດຮ່າດ້ວຍນໍາສຽງ,ເນື້ອຫາ ແລະ ລີລາສຸດຈີດຈາດໃນແບບສະເພາະຂອງ ຄຳແສງ ຄຳພູວັນ  ແຕ່ກໍ່ສາມາດສ້າງສຽງຫົວ ແລະ ຮອຍຍີ້ມໃຫ້ກັບຜູ້ຕິດຕາມ ແຖມລິລາຕອນທ້າຍຍັງຖີ້ມມຸກດ້ວຍການຕົກ (Falling down) ຄ້າຍກັບເນັດໄອດໍ້ລຸ້ນອ້າຍ "ບຸນໄລ"
ເນັດໄອດໍ້ລຸ້ນອ້າຍ "ບຸນໄລ"


ຢ່າງໃດກໍຕາມ ການເປັນເນັດໄອດໍ້ເພື່ອສ້າງສຽງຫົວ ແລະ ຮອຍຍີ້ມ ໃຫ້ກັບຜູ້ຄົນ ບໍ່ໄດ້ສ້າງຄວາມເດືອດຮ້ອນ, ບໍ່ສຽດສີຜູ້ອື່ນ , ບໍ່ເຮັດໃນສິ່ງລາມົກອານາຈານ ແລະ ເຮັດໃຫ້ວັດທະນາທໍາລາວ-ຄົນລາວຕ້ອງເຊື່ອມເສຍ ກໍຂໍຊົມເຊີຍ ແລະ  ສົ່ງເສີມຄົນທີ່ກ້າສະແດງອອກ ແລະ ມີຄວາມສາມາດເພື່ອສ້າງສັງຄົມໃຫ້ໜ້າຢູ່ ແລະ ເຕັມດ້ວຍຮອຍຍີ້ມຢ່າງມີຄວາມສຸກ.










ຂໍ້ມູນ:  ຄຳແສງ ຄຳພູວັນ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com





No comments

Powered by Blogger.