Header Ads

ພິທີເຊັນບົດບັນທຶກຄວາມເຂົ້າໃຈກ່ຽວກັບໂຄງການສ້າງຕັ້ງສູນຜູ້ປະກອບການຍິງ ລະຫວ່າງສະພາການຄ້າ ແລະອຸດສະຫະກຳແຫ່ງຊາດລາວ ແລະ ອົງການການສຶກສາໂລກປະຈຳລາວ




ພິທີເຊັນບົດບັນທຶກຄວາມເຂົ້າໃຈກ່ຽວກັບໂຄງການສ້າງຕັ້ງສູນຜູ້ປະກອບການຍິງ ລະຫວ່າງສະພາການຄ້າ ແລະອຸດສະຫະກຳແຫ່ງຊາດລາວ ແລະ ອົງການການສຶກສາໂລກປະຈຳລາວ ໄດ້ຈັດຂື້ນໃນວັນທີ 29.09.17  ຜ່ານມານີ້ ທີ່ໂຮງແຮມຄຣາວພາຊາ ນະຄອນຫລວງວຽງຈັນ ໂດຍການເຂົ້າຮ່ວມຂອງທ່ານ ສົມຈິດ ອິນທະມິດ, ຮອງລັດຖະມົນຕີກະຊວງອຸດສະຫະກຳ ແລະການຄ້າ, ທ່ານ ວິວເບີ ຣອດສ໌, ລັດຖະມົນຕີກະຊວງການຄ້າຂອງສະຫະລັດອາເມລິກາ ພ້ອມດ້ວຍທ່ານ ນາງ ຣິນາ ບິດເຕີ,ເອກອັກຄະລັດສະທູດສະຫະລັດອາເມລິກາປະຈຳລາວ ແລະ ພາກສ່ວນກ່ຽວຂ້ອງເຂົ້າຮ່ວມ.





ໂອກາດນີ້ທ່ານ ນາງ ວາລີ ເວດສະພົງ, ຮອງປະທານສະພາການຄ້າ ແລະອຸດສະຫະກຳແຫ່ງຊາດລາວ ມີຄຳເຫັນວ່າ: ການສ້າງຕັ້ງສູນໃຫ້ຄຳປຶກສາແກ່ຜູ້ປະກອບການຍິງເປັນວຽກງານສຳຄັນ ເພື່ອຊ່ວຍໃຫ້ຜູ້ປະກອບການຍິງໄດ້ແລກປ່ຽນຂໍ້ມູນຂ່າວສານດ້ານທຸລະກິດ ແລະການບໍລິການໃຫ້ຄຳປຶກສາ, ຝຶກອົບຮົມທັກສະດ້ານຕ່າງໆທີ່ສຳຄັນ ແລະຈຳເປັນ ເພື່ອພັດທະນາທຸລະກິດຂອງຕົນ ແນໃສ່ຍົກລະດັບຄວາມຮູ້ຄວາມສາມາດໃນການດຳເນີນທຸລະກິດໃຫ້ຜູ້ປະກອບການແມ່ຍິງພາຍໃນປະເທດສາມາດແຂ່ງຂັນໃນເວທີພາກພື້ນ ແລະສາກົນໄດ້.



ໂຄງການສ້າງຕັ້ງສູນຜູ້ປະກອບການຍິງ ໄດ້ຮັບການສະໜັບສະໜູນດ້ານງົບປະມານຈາກ ອົງການການສຶກສາໂລກປະຈຳລາວ ໄລຍະຜ່ານມາອົງການນີ້ໄດ້ໃຫ້ການຊ່ວຍເຫລືອປະຊາຊົນຜ່ານການຈັດຕັ້ງປະຕິບັດໂຄງການຕ່າງໆຫລາຍກວ່າ 3ແສນຄົນໃນຈຳນວນ 9 ແຂວງ.




 ທີ່ມາ: ວິທະຍຸກະຈານສຽງແຫຼ່ງຊາດ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




loading...

No comments

Powered by Blogger.