Header Ads

ເຈົ້າ​ແຂວງ​ຄໍາ​ມ່ວນ ​ຫາລືກັບທີ່ປຶກສາ​ສະຖານທູດ​ຝຣັ່ງ ປະ​ຈໍາ​ລາວ ເລື່ອງ: ”ພູຫີນ ໜາມໜໍ່” ກຽມເຂົ້າເປັນມໍລະດົກໂລກ


ຕາມການລາຍງານຂອງ ໜັງສຶພິມ ເສດຖະກິດ-ການຄ້າ ໃນວັນທີ 30 ຕຸລາ ນີ້ ວ່າ :   ເຈົ້າ​ແຂວງ​ຄໍາ​ມ່ວນ ​ຫາລືກັບທີ່ປຶກສາ​ສະຖານທູດ​ຝຣັ່ງ ປະ​ຈໍາ​ລາວ ເລື່ອງ: ”ພູຫີນ ໜາມໜໍ່” ກຽມເຂົ້າເປັນມໍລະດົກໂລກ ທ່ານ ອາ​ແລັງ ​ແວກ​ນີນາສ ( Mr.Alain VERNINAS ) ທີ່​ປຶກສາ​ສະຖານທູດ​ຝຣັ່ງປະ​ຈໍາ ສປປ ລາວ ​ໄດ້​ລົງ​ມາ​ຮ່ວມ​ພິທີ​ມອບ – ຮັບ ​ນາມມະຍົດ​ມາດຕະຖານ​ອາ​ຊຽນ ດ້ານ​ການທ່ອງທ່ຽວ​ແບບ​ປະຊາຊົນ​ມີ​ສ່ວນ​ຮ່ວມ ​ໃຫ້​ບ້ານ​ກອງ​ລໍ – ນາ​ຕານ ​ເມືອງ​ຄູນ​ຄໍາ ​ແຂວງ​ຄໍາ​ມ່ວນ ກ່ອນ​ມື້​ມອບ – ຮັບ​ນາມມະຍົດ​ດັ່ງກ່າວທ່ານ ອາ​ແລັງ​ພ້ອມ​ດ້ວຍ​ຄະນະ​ກໍ່​ໄດ້​ຖື​ໂອກາດ​ເຂົ້າ​ຢ້ຽມ​ຂໍ່ານັບ​ທ່ານ ​ໂອ​ໄດ ສຸດາ​ພອນ, ​ເຈົ້າ​ແຂວງໆ​ຄໍາ​ມ່ວນ​ໃນ​ຕອນ​ບ່າຍ​ຂອງ​ວັນ​ທີ 28 ກັນຍາ 2017 ຢູ່​ທີ່​ຫ້ອງ​ຮັບຮອງ​ແຂກ VIP ສໍານັກງານຫ້ອງ​ວ່າການ​ປົກຄອງ​ແຂວງ​​.





​ໃນ​​ໂອກາດ​ພົບ​ປະ​ສົນທະນາທ່ານ ອາ​ແລັງ ​ແວກ​ນີນາສ ​ແມ່ນ​ໄດ້ລາຍ​ງານ​ສະພາບ​ການ​ເຄື່ອນ​ໄຫວ​ວຽກ​ງານ​ທີ່​ຕິດ​ພັນ​ກັບ​ການ​ພົວພັນ​ຮ່ວມ​ມື​ລະຫວ່າງ​ເຂດ​ໂອ​ແວັກ​ເຢີ ​​ໂຣນອານ​ເປີ ​ແຫ່ງ​ປະ​ເທດ​ຝຣັ່ງໃນໄລຍະຜ່ານມາໂດຍ ສະເພາະໃນຂົງເຂດສາທາລະນະສຸກ , ສຶກສາທິການ – ກິລາ , ກະສິກໍາ – ປ່າໄມ້ ແລະ ທ່ອງທ່ຽວ.


​ໃນ​​ໂອກາດ​ພົບ​ປະ​ສົນທະນາທ່ານ ອາ​ແລັງ ​ແວກ​ນີນາສ ​ແມ່ນ​ໄດ້ລາຍ​ງານ​ສະພາບ​ການ​ເຄື່ອນ​ໄຫວ​ວຽກ​ງານ​ທີ່​ຕິດ​ພັນ​ກັບ​ການ​ພົວພັນ​ຮ່ວມ​ມື​ລະຫວ່າງ​ເຂດ​ໂອ​ແວັກ​ເຢີ ​​ໂຣນອານ​ເປີ ​ແຫ່ງ​ປະ​ເທດ​ຝຣັ່ງໃນໄລຍະຜ່ານມາໂດຍ ສະເພາະໃນຂົງເຂດສາທາລະນະສຸກ , ສຶກສາທິການ – ກິລາ , ກະສິກໍາ – ປ່າໄມ້ ແລະ ທ່ອງທ່ຽວ.



ພ້ອມນັ້ນທ່ານເຈົ້າແຂວງ ໄດ້ເນັ້ນເຖິງຂອບການຮ່ວມມືທີ່ເປັນຮູບປະທໍາໃນໄລຍະຜ່ານມາເປັນຕົ້ນດ້ານອຸປະກອນການແພດ , ການຊ່ວຍສ້າງບຸກຄະລາກອນ ຫຼື ວິຊາການແພດສະໄໝໃໝ່, ການຊ່ວຍເຫຼືອສ້າງຕືກອາຄານເພື່ອຮອງຮັບ ແລະ ປິ່ນປົວຄົນຄົນໄຂ້, ການຮຽນ – ການສອນພາສາຝຣັ່ງໃຫ້ກັບພະນັກງານກໍ່ຄືນັກຮຽນຢູ່ໂຮງຮຽນມໍປາຍທ່າແຂກ, ການພັດທະນາສະຖານທີ່ທ່ອງທ່ຽວທີ່ເປັນຕົວແບບຂອງແຂວງທີ່ປະຊາຊົນມີສ່ວນຮ່ວມ ( ສ້າງວຽກເຮັດງານທໍາ ).

ນອກຈາກນັ້ນ, ທ່ານເຈົ້າແຂວງຍັງໄດ້ຍົກໃຫ້ເຫັນແຫຼ່ງທ່ອງທ່ຽວພູຫີນໜາມໜໍ່ ທີ່ແຂວງໄດ້ນໍາສະເໜີຕໍ່ອົງການທີ່ກ່ຽວຂ້ອງເພື່ອໃຫ້ໄດ້ເຂົ້າເປັນມໍລະດົກແຫຼ່ງທ່ອງທ່ຽວທາງທໍາມະຊາດຂອງໂລກທັດຈາກທົ່ງໄຫຫີນ ແຂວງຊຽງຂວາງ. ພ້ອມນັ້ນ ກໍ່ຍັງມີວຽກງານຊົນລະປະທານນ້ຳກະຕະ ເຊິ່ງເປັນວຽກງານທີ່ມີຄວາມຈໍາເປັນຕໍ່ການພັດທະນາຊີວິດການເປັນຢູ່ຂອງປະຊາຊົນເມືອງບົວລະພາ ເນື່ອງຈາກວ່າເຂດດັ່ງກ່າວແມ່ນຢູ່ຫ່າງໄກສອກຫຼີກປະຊາຊົນສ່ວນຫຼາຍຍັງອີງໃສ່ເງື່ອນໄຂທາງທໍາມະຊາດ.

ທີ່ມາ: ເສດຖະກິດ-ການຄ້າ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.