Header Ads

ຜູ້ເສຍຫາຍໂພສຂໍ້ຄວາມ “ໄດ້ລົດຄືນຍ້ອນ Facebook” ຈາກກໍລະນີເຫດໂຈນຂື້ນເຮືອນ !!!



ຜູ້ເສຍຫາຍຊື່ Tanktank Aidsaliyaphone  ໂພສຂໍ້ຄວາມວ່າ “ໄດ້ລົດຄືນຍ້ອນFacebook” ຈາກກໍລະນີເຫດໂຈນຂື້ນເຮືອນທີ່ທີມງານລາຍງານໃນຕອນເຊົ້ານີ້  ເຊິ່ງຂໍ້ຄວາມ ແລະ ເລື່ອງລາວຈາກຜູ້ເສຍຫາຍໂດຍກົງມີປະມານນີ້:



ຫລັງຈາກທີ່ຫລາຍໆຄົນshares ຊ່ວຍກັນ ໄດ້ມີພົນລະເມືອງດີໂທມາບອກວ່າເຫັນລົດຢູ່ແຖວອິນແປງແລະເຂົາກຳລັງຂີ່ລົດນໍາໃຫ້ຢູ່ ນໍາຈົນຮອດ4ແຍກໄຟແດງຫນອງໄຮ ຫລັງຈາກນັ້ນຜົວNgaopaserth Somsanith ແລະ ນ້ອງຊາຍ Joey Poseidonໄດ້ນໍາໄປເຫັນມັນຈອດລົດຂ້າງທາງແລ້ວນັ່ງສູບຢາຢູ່ ພໍດີມັນເຫັນລົດມັນຮີບຂຶ້ນລົດຊິຂັບຫນີ ຜົວຂ້ອຍໂດດຂຶ້ນຫລັງລົດທັນທີແລ້ວເຄາະໃຫ້ມັນຈອດ ມັນຕົກໃຈຢ່າງແຮງຮີບຂີ່ລົດສ່າຍໄປມາ(ປານໃນຫນັງ)ນ້ອງຂ້ອຍຂີ່ລົດນໍາຕິດໆ ຈົນມັນຂັບເຈືອກໄປຕໍາກອງຂີ້ດິນແລ້ວຕໍາກຳແພງບ້ານຂະເຈົ້າ ເກືອບຢຽບເດັກນ້ອຍ2ຄົນ ຈາກນັ້ນມັນລ໋ອກລົດລະບໍ່ຍອມລົງຈາກລົດ ນ້ອງຊາຍເອົາກ້ອນຫີນທຸບແວ່ນລົດແລ້ວລາກມັນລົງລົດ ຈາກນັ້ນຈຶ່ງເອີ້ນຊາວບ້ານມາຊ່ວຍກັນຈັບມັນແລ້ວຈຶ່ງສົ່ງໃຫ້ເຈົ້າຫນ້າທີ່ຕໍາຫລວດ.

ຍ້ອນຜົນບຸນທີ່ເຄີຍເຮັດມາ ບໍ່ຄິດວ່າຊິໄດ້ໄວປານນີ້ ໂຊກດີທີ່ບໍ່ມີໃຜເປັນຫຍັງ ໂຊກດີທີ່ໄດ້ລົດຄືນ ຈັ່ງໃດກະຂອບໃຈທຸກໆຄົນຫລາຍໆເດີ້ທີ່ຊ່ວຍກັນ.

ຂ່າວທີ່ກ່ຽວຂ້ອງ ເຫດໂຈນຂຶ້ນເຮືອນ ແລ້ວລັກເອົາກະແຈລົດໃຫຍ່ໄປ 2 ຄັນ ລົດຈັກ 2 ຄັນ ກະແຈເຮືອນໄປນໍາ ແລ້ວຂັບລົດດີແມັກໜີໄປ ແຕ່ສຸດທ້າຍໄປບໍ່ລອດ !!!













ທີ່ມາ: Tanktank Aidsaliyaphone
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com







No comments

Powered by Blogger.