Header Ads

“ຢືມ” ເພງໃໝ່ລ່າສຸດຂອງ JoJo Miracle ທີ່ແຟນໆຫຼາຍຄົນກໍາລັງລໍຄອຍຟັງ !!!



ຂ່າວບັນເທິງມື້ນີ້ ຂໍເກັບ New Music Release ຜົນງານເພງໃໝ່ລ່າສຸດຂອງໜຸມ ໂຈໂຈ້  ທີ່ປ່ອຍອອກມາຢ່າງເປັນທາງການແລ້ວຜ່ານເພຈ JoJo Miracle ຕັ້ງແຕ່ຕອນເຊົ້າມື້ນີ້ (17 ຕຸລາ) ເຊິ່ງຍອດວີວທະຍານຂື້ນກວ່າ 5 ໜື່ນວີວ, ຍອດແຊຣກວ່າ 2 ລ້ານຄັ້ງ ພາຍໃນບໍ່ເທົ່າໃດຊົ່ວໂມງ  ແລະ ຍອດວິວໜ້າຈະທະຍານແຕະຫຼັກແສນໃນໄວໆນີ້ແນ່ນອນ.



ສໍາລັບຜົນງານເພງໃໝ່ລ່າສຸດ ໜຸ່ມໂຈໂຈ້ ບອກວ່າເປັນອີກໜຶ່ງປັນງານລະດັບ Mater Piece ທີ່ໜຸ່ມໂຈໂຈ້ຕັ້ງໃຈ, ທຸ້ມເທ ແລະ ກັ່ນມັນອອກມາເພື່ອເປັນໂຕແທນໃຫ້ກັບຄົນທີ່ຕົກຢູ່ໃນສະຖານະການ " ຢືມ "  ເຊິ່ງອ່ານທໍາອິດຄິດວ່າຕົກໃຈຢ່າງຮຸນແຮງ ໂດຍເຂົ້າໃຈຜິດຄິດວ່າ ໜຸ່ມໂຈໂຈ້ ໄປລືມເງິນໃຜມາ ແບບບໍ່ຍອມໃຊ້ໝີ້ ປ່ອຍໃຫ້ເຈົ້າໝີ້ຫຼາຍລໍລາຍເກີ້ ແຕ່ພໍ່ໄດ້ອ່ານຈົບຈິ່ງໄດ້ຮູ້ວ່າແມ່ນ "ຢືມຄວາມຮັກ" ... OMG !!  ຢາກຈະອຸທານເປັນພາສາຝຣັ່ງ ວ່າ "je comprends ! "



ພິເສດ ເພງໃໝ່ນີ້ມີສຽງ Saxophone  ຍິ່ງຕອກຢໍ້າໃຫ້ບົດເພງເຂົ້າເຖິງອາລົມຂອງຄວາມເສົ້າ, ຄວາມເສຍໃຈ, ອາລົມຄົນເປັນໝີ້ (ຄວາມຮັກ), ຄວາມເຫງົາ ແລະ ຄວາມຮັກທີ່ຕ້ອງແລກບາງຢ່າງ ຫຼື ຈໍາຍອມບາງສິ່ງ ທີ່ໝຸ່ມ ໂຈໂຈ້ ຖ່າຍຖ່າຍທອດໄດ້ບາດໃຈຫຼາຍຄົນທີ່ກໍາລັງເປັນໝີ້ນະຂະນະນີ້.



ພາຍຫຼັງທີ່ເພງໃໝ່ຂອງ ໝຸ່ມ ໂຈໂຈ້ ຖືກປ່ອຍອອກມາກໍໜ້າຈະຖືກອົກຖືກໃຈສາວໆ ແລະ ແຟນເພງຂອງ ໝຸ່ມ ໂຈໂຈ້ ທີ່ຕັ້ງໜ້າຕັ້ງຕາລໍຄອຍຜົນງານໃໝ່ຂອງໜຸ່ມຄົນນີ້ມາຫຼາຍເດືອນ ແລະ ອີກບໍ່ດົນໜ້າຈະປ່ອຍ  MV ອອກມາຢ່າງເປັນທາງການ ເພາະນີ້ເປັນພຽງນໍ້າຈີ້ມເທົ່ານັ້ນ  ແຕ່... !!! ນອກເໜືອຈາກຜົນງານເພງໃໝ່ແລ້ວ ມີອີກໜຶ່ງສິ່ງທີ່ແຟນຄລັບໜຸ່ມ ໂຈໂຈ້ ຢາກເຫັນ, ຢາກຮູ້ ແລະ ຢາກໄດ້ຍິນຈາກ ໜຸ່ມ ໂຈໂຈ້ ວ່າເມື່ອໃດຈະປະກາດ " ປ່ອຍຄົນຮູ້ໃຈ (ແຟນ) ອອກມາໃຫ້ແຟນຄລັບໄດ້ຮູ້ຈັກ "  ຫຼື ວ່າຍັງໃຊ້ໝີ້ຫົວໃຈແຟນເກົ່າຍັງບໍ່ທັນໝົດ  ຫຼື ແນວໃດກະບໍ່ຮູ້  ຖ້າໃຜຢາກຮູ້ກະຕິດຕາມຕອນຕໍ່ໄປທີ່ນີ້ ສ່ວນໃຜຢາກຟັງເພງກົດເລື່ອນລົງມາຂ້າງລຸ່ມ.





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com





No comments

Powered by Blogger.