Header Ads

ປະທານປະເທດ ຊີ້ນຳ ແຂວງສາລະວັນ ຂຸດຄົ້ນທ່າແຮງຊຸກຍູ້ເສດຖະກິດໃຫ້ໝັ້ນຄົງ



ໃນ​ໂອກາດລົງ​ເຄື່ອນ​ໄຫວ​ຢ້ຽມຢາມ ​ແຂວງ​ສາລະ​ວັນ ​ໃນ​ວັນ​ທີ 18 ຕຸລາ ນີ້, ທ່ານ ບຸນ​ຍັງ ວໍລະ​ຈິດ ​ປະທານ​ປະ​ເທດ​​ ແຫ່ງ ສປປ ລາວ ​​ໄດ້​ໃຫ້​ທິດ​ຊີ້​ນຳ​ຄະນະ​ພັກ, ອຳນາດ​ການ​ປົກຄອງ ​ຕະຫລອດ​ຮອດ​ ພະນັກງານ​ຫລັກ​ແຫ​ລ່ງ ພາຍ​ໃນ​ແຂ​ວງສາລະ​ວັນ ເອົາ​ໃຈ​ໃສ່​ໃນການ​ຂຸດ​ຄົ້ນ​ທ່າ​​ແຮງຕ່າງໆ ​ທີ່​ເປັນ​ຈຸດ​ແຂງ​ໃນການ​ ຊຸກຍູ້​ພັດ​ທະນາເສ​ດຖະກິດ​ຂອງ​ແຂວງ​ ​ໃຫ້​ມີ​ຄວາມ​ໝັ້ນຄົງ ​ແລະ ​ຍາວ​ນານ​ ​ເປັນຕົ້ນ ​ແມ່ນທ່າ​ແຮງ​ດ້ານ​ການທ່ອງທ່ຽວ, ການ​ຜະລິດຕ່າງໆ​ ໃຫ້ຫລາ​ຍກາຍ​ເປັນ​ສິນຄ້າ, ສົ່ງ​ເສີມ​ທຸລະ​ກິດ​ການ​ລົງ ທຶນ​ຂະໜາດ​ນ້ອຍ ແລະ ກາງ ​ໃຫ້​ຫລາຍ​ຂຶ້ນ.



ພ້ອມ
​ກັນ​ນີ້, ທ່ານ ​ບຸນ​ຍັງ ວໍລະ​ຈິດ ​ຍັງ​ໄດ້ເນັ້ນ​​ໃຫ້ຄະນະ​ພັກ ​ຕ້ອງ​ເອົາ​ໃຈ​ໃສ່​ສຶກສາ​ອົບຮົມ ​ກາ​ນ​ເມືອງ​ແນວ​ຄິດ​ ບັນດາ​ພະນັກງານ​ຫລັກ​ແຫລ່ງ​ ໃຫ້​​​ມີ​ຄວາມ​ເຂັ້ມ​ແຂງ, ໜັກ​ແໜ້ນ, ​ເພີ່​ມທະວີ​ຄວາມ​ສາ​ມັກ​ຄີ​ ປອງ​ດອງ​ພາຍ​ໃນ​ພັກ, ກົມ​ກອງ ​ແລະ​ ສັງຄົມ​ຢ່າງ​ແໜ້ນ​ແຟ້ນ, ຄຽງ​ຄູ່​ກັບ​ການ​ສ້າງ​ພະນັກງານ ​ສືບທອດ​ປ່ຽນ​​ແທນ​ໃຫ້​ມີ​ຄຸນ​ນະພາ​ບ, ມີ​ຄວາມ​ຮັບຜິດຊອບ​ສູງ ​ຕໍ່ໜ້າ​ທີ່ວຽກ​ງານ ​ແລະ ​ເປັນ​ແບບຢ່າງ​ໃນ​ການ​ນຳພາ ​ຕ້ານ​ປະກົດ​ການ​ຫຍໍ້ທໍ້​ຕ່າງໆ​ທີ່​ເກີດ​ຂຶ້ນ; ​ເອົາ​ໃຈ​ໃສ່​​​ພັດທະນາ​ຄຸນ​ນະພາ​ບ ການ​ສຶກສາ​ໃຫ້​ເລິກ​ເຊິ່ງ, ສ້າງ​ຊັບພະຍາກອນ​ມະນຸດ ​ໃຫ້​ເປັນ​ຄົນ​ທີ່​ມີ​ຄວາມ​ຮູ້, ຄວາມ​ສາມາດ​ເປັນ​ກຸນ​ແຈ ​​ໃນ​ການ​ສ້າງສາ​ພັດທະນາ​ ປະ​ເທດ​ຊາດ​ ໃນ​ອະນາຄົດ ​ແລະ ​ສ້າງ​ຄົນ​ໃຫ້​ເ​ປັນ​ຄົນ​ດີ, ມີ​ຄວາມ​ຫ້າວຫັນ​ ໃນ​ການ​ສຶກສາ​ຄວາມ​ຮູ້​ ​ແລະ ​ມີ​ແນວ​ຄິດ​ປະ​ດິດສ້າງ ຈຶ່ງ​ຈະ​ນຳພາ​ປະ​ເທດ​ຊາດ ໄປ​ສູ່​ຄວາມ​ຮຸ່ງ​ເຮືອງ​ສີວິ​ໄລ​ຢ່າງ​ແທ້​ຈິງ, ຄຽງ​ຄູ່​ກັບ​ອະນຸລັກ​ຮັກສາ​ວັດທະນະທຳ​ ທີ່​ເປັນ​ເອກະລັກ, ​ເປັນ​ມູນ​ເຊື້ອ​ໃຫ້​ຄົງຢູ່​ຍາວ​ນານ ​ແລະ ​ເຜີຍ​ແຜ່​ໃຫ້​ກວ້າງ​ຂວາງ.

​ເຂົ້າ​ຮ່ວມ​​ການ​ຕ້ອນ​ຮັບ​ ທ່ານ​ປະທານ​ປະ​ເທດ ພ້ອມ​ຄະນະ​ໃນ​ຄັ້ງ​ນີ້, ມີທ່ານ ສີ​ສຸວັນ ວົງ​ຈອມ​ສີ ​ເຈົ້າ​ແຂວງ​ສາລະວັນ ພ້ອມ​ດ້ວຍ​ຄະນະ, ມີ​ເຈົ້າ​ເມືອງ 8 ຕົວ​ເມືອງ, ຫົວໜ້າ​ພະ​ແນ​ກການ, ອົງການ​ທຽບ​ເທົ່າອ້ອມ​ຂ້າງ​ແຂວງ ​ແລະ​ ພະນັກງານ​ກາ​ນນຳ​ຫລັກ​ແຫລ່ງ​​​ພາຍ​ໃນ​ແຂວງ.

ຂ່າວ
-ພາບ: ວິ​ໄລ​ວອນ ສິດທິ​ໄຊ (ຂປລ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.