Header Ads

ກະລຶມ ປຶກສາຫາລືເພື່ອກະກຽມເປັນເຈົ້າະພາບ ສະເຫຼີມສະຫຼອງວັນຢຸດຕິການໃຊ້ຄວາມຮຸນແຮງຕໍ່ແມ່ຍິງ



ແຊວງເຊກອງ : ທ້າຍເດືອນແລ້ວນີ້, ຢູ່ທີ່ ຫ້ອງປະຊຸມຊັ້ນ 2 ຫ້ອງວ່າການປົກຄອງເມືອງກະລຶມ ໄດ້ຈັດກອງປະຊຸມປຶກສາຫາລືເພື່ອກະກຽມເປັນເຈົ້າພາບຈັດງານສະເຫຼີມສະຫຼອງວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ ວັນທີ 25 ພະຈິກ ຊຶ່ງເມືອງກະລຶມໄດ້ຮັບກຽດເປັນເຈົ້າພາບ ໂດຍເຂົ້າຮ່ວມຂອງ ທ່ານ ອໍບົວລາ ອ່ອນມະໄລວົງ ຮອງເລຂາພັກເມືອງ, ຮອງເຈົ້າເມືອງກະລຶມ ພ້ອມດ້ວຍຂະແໜງການກ່ຽວຂ້ອງ ແລະ ບັນດາຄະນະກຳມະການຮັບພິຊອບຈັດງານດັງກ່າວເຂົ້າຮ່ວມ.

ທ່ານ ນາງ ແມມ ແກ້ວສົມສີ ກຳມະການພັກເມືອງ, ປະທານສະຫະພັນແມ່ຍິງເມືອງໄດ້ຂື້ນຜ່ານຂໍ້ຕົກລົງຂອງທ່ານເຈົ້າເມືອງກະລຶມສະບັບເລກທີ 456/ຈມ.ກລ, ລົງວັນທີ 29 ກັນຍາ 2017 ວ່າດ້ວຍແຕ່ງຕັ້ງຄະນະກຳມາທິການເພື່ອຄວາມກກ້າວໜ້າແມ່ຍິງ, ກຳມາທິການເພື່ອແມ່ ແລະ ເດັກນ້ອຍ ແລະ ຂໍຕົກລົງວ່າດ້ວຍແຕ່ງຕັ້ງອະນຸກຳມະການຮັບພິຊອບຈັດງານສະເຫຼີມສະຫຼອງວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ ທີ່ເມືອງກະລຶມໄດ້ຮັບກຽດເປັນເຈົ້າພາບ, ການປຶກສາຫາລືຄັ້ງນີ້ ຜູ້ເຂົ້າຮ່ວມກໍໄດ້ຜັດປ່ຽນກັນຂື້ນປະກອບຄຳຄິດຄຳເຫັນຢ່າງກົງໃປກົງມາ, ໄດ້ກໍານົດບັນດາທິດທາງແຜນການເຄື່ອນໄຫວ, ພ້ອມທັງສະຫຼຸບຜົນການການກຽມ ຜົນສໍາເລັດ; ຂໍ້ຄົງຄ້າງ ເພື່ອຈະໄດ້ປັບປຸງແກ້ໄຂ ໃຫ້ສຳເລັດ ສາມາດຈັດງານດັ່ງກ່າວຂື້ນໄດ້ຕາມແຜນການທີ່ກໍານົດໄວ້. 


ໂອກາດດັ່ງກ່າວ, ທ່ານ ອໍບົວລາ ອ່ອນມະໄລວົງ ຮອງເລຂາພັກເມືອງ, ຮອງເຈົ້າເມືອງກະລຶມ ໄດ້ເນັ້ນໜັກຕໍ່ບັນດາຄະນະກຳມະການຮັບພິຊອບທີ່ໄດ້ແຕ່ງຕັ້ງ ຈົ່ງເພີ່ມທະຄວາມຮັບຜິດຊອບ, ແຕ່ລະອານຸກໍາມະການຕ້ອງໄດ້ວາງແຜນວຽກ, ແຜນເງິນຢ່າງລະອຽດ, ພ້ອມນັ້ນ ກໍ່ຕ້ອງເອົາໃຈໃສ່ສ້າງກິລາ; ສີລະປະ-ວັນນະຄະດີ; ຂະບວນການອານາໄມປະດັບປະດາ ແລະ ສ້າງກິດຈະກຳຕ່າງໆໃຫ້ເປັນຂະບວນຟົດຟື້ນ, ກະກຽມເຮືອນພັກ, ຮ້ານອາຫານໃຫ້ພຽງພໍໄວ້ຮອງຮັບແຂກຈາກຕ່າງເມືອງ, ຕ່າງແຂວງ ແລະ ເອົາໃຈໃສ່ວຽກງານປ້ອງກັນຊາດ, ປ້ອງກັນຄວາມສະຫງົບຢ່າງເຂັມງວດ ເພື່ອເຮັດໃຫ້ງານສະເຫຼີມສະຫຼອງວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ ທົ່ວແຂວງເຊກອງ ທີ່ເມືອງກະລຶມເປັນເຈົ້າພາບໄດ້ຮັບຜົນສຳເລັດໂດຍດີ.


ຂ່າວ: ອັດສະວິນ ແສງສີຈັນ/ນັກຂ່າວ ເມືອງກະລຶມ  
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.