Header Ads

ເມືອງຄົງເຊໂດນ ແຂວງສາລະວັນ ຂຸ້ນຂ້ຽວ ເກັບກ່ຽວເຂົ້ານາປີ ໄດ້ແລ້ວ 9 ພັນກ່ວາເຮັກ ຂອງເນື້ອທີ່ທັງໝົດ 17 ພັນກ່ວາເຮັກຕາ




ແຂວງສາລະວັນ : ອີງຕາມການລາຍງານຂອງພະນັກງານຫ້ອງການກະສິກໍາ-ປ່າໄມ້ ເມືອງຄົງເຊໂດນ ແຂວງສາລະວັນ, ໃນວັນທີ 18 ຕຸລາ 2017 ວ່າ: ມາຮອດທ້າຍເດືອນ ກັນຍາ 2017 ຊາວກະສິກອນ ທົ່ວເມືອງຄົງເຊໂດນ ໄດ້ຂຸ້ນຂ້ຽວເກັບກ່ຽວມ້ຽນມັດເຂົ້ານາປີຢ່າງເປັນຂະບວນຟົດຟື້ນ, ສໍາເລັດແລ້ວ 9.200 ກ່ວາເຮັກຕາ ເທົ່າກັບ 51% ຂອງເນື້ອທີ່ທັງໝົດ 17.900 ກວ່າເຮັກຕາ ສະເລ່ຍສະມັດຕະພາບ 4 ໂຕນຕໍ່ເຮັກຕາ, ໃນນີ້ ເຂດທີ່ພົ້ນເດັ່ນ ໃນການເກັບກ່ຽວໄດ້ຫຼາຍກ່ວາໝູ່ ແມ່ນ ເຂດກຸ່ມຄົງ, ກຸ່ມຄໍາທອງ ແລະກຸ່ມນາປົ່ງ, ຄາດວ່າກາງເດືອນພະຈິກນີ້ຈະສໍາເລັດ 100%, ຄຽງຄູ່ກັນນີ້ ຊາວກະສິກອນ ຍັງເອົາໃຈໃສຕໍ່ການເກັບກ່ຽວມ້ຽນມັດຜົນລະປູກຕ່າງໆ ປັດຈຸບັນເກັບກູ້ໄດ້ 1.630 ກວ່າເຮັກຕາ ເທົ່າກັບ 37% ຂອງແຜນການປູກ 4.400 ກວ່າເຮັກຕາ ໃນນີ້ມີພືດປະເພດ: ໜາກເຜັດ, ໜາກຖົ່ວດິນ, ໜາກແຕງ, ສາລີ, ກ້ວຍ, ຝ້າຍ, ມັນດ້າງ, ຢາສູບ ແລະພຶດຜັກຕ່າງໆ ໄດ້ສຳເລັດໃນບາງເນື້ອນທີ່. 



 ພ້ອມກັນນີ້ເມືອງຄົງເຊໂດນ ມີແຜນສູ້ຊົນຜະລິດເຂົ້ານາແຊງໃຫ້ໄດ້ເຖີງ 2.390 ເຮັກຕາ ໃນປີ 2017ນີ້, ເນື່ອງຈາກມີເງື່ອນໄຂໃນການສ້າງຊົນລະປະທານ 20 ໂຄງການ, ໃນນີ້ໂຄງການສ້າງຝາຍນໍ້າລົ້ນ 3 ໂຄງການ ປັດຈຸບັນນີ້ທາງຫ້ອງການກະສິກໍາ ແລະ ປ່າໄມ້ເມືອງ ໄດ້ຈັດສົ່ງພະນັກງານວິຊາການລົງສົມທົບກັບອໍານາດການປົກຄອງ ແລະພໍ່ແມ່ປະຊາຊົນບ່ອນທີ່ມີເງື່ນໄຂ ເພື່ອກະກຽມຄວາມພ້ອມທຸກດ້ານໃນການຜະລິດເຂົ້ານາແຊງປີໃຫ້ທັນກັບລະດູການ. 


 ຂ່າວ: ຄຳໃບ ເຂັມທອງ (ຂ່າວແຂວງສາລະວັນ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.