Header Ads

ເຈົ້າແມ່ມັງກອນ (ທະຫານແຂວງສາລະວັນ) ຮັກສາແຊັມໄດ້ອີກຫນຶ່ງສະໄໝ ທ່ານໍ້າເມືອງຄົງເຊໂດນ


ແຂວງສາລະວັນ : ຜ່ານການຝຶກຊ້ອມ, ຝຶກແອບຂອງຄະນະສີພາຍຈາກຫລາຍແຫ່ງ ທີ່ໃຊ້ເວລາຫລາຍສົມຄວນ ເພື່ອມາປະຊັນກັນແຂ່ງຂັນຊ່ວງເຮືອທີ່ທ່ານໍ້າເມືອງຄົງເຊໂດນ ໃນງານບຸນປະວໍລະນາ ອອກພັນສານີ້ ໃນວັນທີ 6 ຕຸລານີ້. ເປັນໄປຕາມຄາດທີ່ຫລາຍຄົນພັນທົງວ່າ ທະຫານແຂວງ ຈະເອົາລາງວັນຊະນະເລີດໄປຄອງ.










ພາຍຫລັງເປີດພິທີແລ້ວເວລາ 8 ໂມງເຊົ້າ ຫນ້ານ້ຳໄດ້ເຫນັງຕິງຢ່າງຄະນຶກນອງ ໂດຍການແຂ່ງຂັນຂອງສີພາຍແຕ່ລະຄະນະ ຈົນເຖີງເວລາ 15:40 ນາທີ ທ່າມກາງສຽງເຊີຍ, ໂຮ່ຮ້ອງໃຫ້ກຳລັງໃຈສີພາຍຂອງກອງເຊຍແຕ່ລະບ້ານ, ແຕ່ລະເມືອງ ແລະຜ່ານການວັດກຳລັງແຮງສີພາຍ ຜົນປະກົດວ່າ: ປະເພດເຮືອຊາຍໃຫຍ່ ລາງວັນຊະນະເລີດທະຫານແຂວງ ຍາດໄປຄອບຄອງແບບສະບາຍ, ຂະນະທີ່ເຮືອຍິງໃຫຍ່ ແມ່ນເຮືອບ້ານໝື່ນປູ່ ເຂົ້າເສັ້ນໄຊກ່ອນເອົາລາງວັນ ຊະນະເລີດໄປຄອງ, ສ່ວນເຮືອປະເພດຊາຍກາງ ໄດ້ແກ່ເຮືອບ້ານຕານສຸມ ແລະເຮືອຍິງກາງ ໄດ້ແກ່ເຮືອບ້ານຕາປ່ຽວ.







ການແຂ່ງຂັນປີນີ້ມີເຮືອເຂົ້າແຂ່ງຂັນ 20 ລຳ, ມີ 29 ຄະນະ ແລະມີບາງຄະນະໄດ້ຕາມຄາດ ແລະ ບາງຄະນະກໍ່ບໍ່ໄດ້ຕາມຫວັງ ແຕ່ບັນຍາກາດການສົ່ງແຮງໃຈໃຫ້ສີພາຍແຕ່ລະຄະນະກໍດັງກ້ອງທົ່ວຝັ່ງເຊ ເຖີງຈະຕົກຮອບກໍຕາມ.





ໂດຍ: ປາກກາຫ້ຽນ/ໜັງສືພິມ ສາລະວັນ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.