Header Ads

ດາກຈຶງປະກາດແຕ່ງຕັ້ງຫົວໜ້າຄະນະຈັດຕັ້ງເມືອງ




ໃນຕອນແລງວັນທີ 25 ຕຸລາ 2017 ຜ່ານມານີ້ ທີ່ສະໂມສອນ ເມືອງດາກຈຶງ ແຂວງເຊກອງໄດ້ປະກາດແຕ່ງຕັ້ງຫົວໜ້າຄະນະຈັດຕັ້ງເມືອງຜູ້ໃໝ່ໂດຍການເປັນປະທານຂອງທ່ານ ໄລສວນ ມິດສຸວັນ ກຳມະການພັກແຂວງ ເລຂາພັກເມືອງ ເຈົ້າເມືອງດາກຈຶງ, ມີບັນດາຄະນະປະຈໍາພັກເມືອງ, ກຳມະການພັກເມືອງ, ຫົວໜ້າ ແລະ ຮອງຫ້ອງການພ້ອມດ້ວຍນາຍບ້ານອ້ອມຂ້າງເມືອງເຂົ້າຮ່ວມ.



ທ່ານ ລິນເຕີຍ ວາດສາໝານ ຮອງຫົວໜ້າຄະນະຈັດຕັ້ງເມືອງດາກຈຶງໄດ້ຮັບກຽດຂຶ້ນຜ່ານຂໍ້ຕົກລົງຂອງທ່ານເຈົ້າເມືອງສະບັບເລກທີ 643/ຈມ ດຈ, ລົງວັນທີ 24. 10. 2017, ວ່າດ້ວຍແຕ່ງຕັ້ງຫົວໜ້າໜ້າຄະນະຈັດຕັ້ງເມືອງ, ເຊິ່ງໄດ້ແຕ່ງຕັ້ງ ທ່ານ ສີນ້ອຍ ສອນຈະເລີນ ກຳມະການພັກເມືອງ ເປັນຫົວໜ້າຄະນະຈັດຕັ້ງເມືອງດາກຈຶງ.



ໃນພິທີ ທ່ານ ໄລສວນ ມິດສຸວັນ ກໍາມະການພັກແຂວງ ເລຂາພັກເມືອງ ເຈົ້າເມືອງດາກຈຶງໄດ້ຮຽກຮ້ອງມາຍັງບັນດາສະຫາຍທີ່ຖືກແຕ່ງຕັ້ງໃໝ່ຈົ່ງສືບຕໍ່ເອົາໃຈໃສ່ການຊີ້ນຳ-ນຳພາຕາມແນວທາງນະໂຍບາຍຂອງພັກ, ລະບຽບກົດ ໝາຍຂອງລັດ ແລະ ຈັດຕັ້ງປະຕິບັດຕາມພາລະບົດບາດຂອບເຂດສິດ ແລະ ໜ້າທີ່ຂອງຕົນເອງຮັບຜິດຊອບໃຫ້ໄດ້ຜົນສຳເລັດໂດຍດີ ແລະ ມີປະສິດທິພາບສູງຂຶ້ນເທື່ອລະກ້າວ.


ຂ່າວ: ນາງ ອັດມະລາ ເບິນຖິ່ນຈຶງ (ຂ່າວແຂວງເຊກອງ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.