Header Ads

ບ້ານນາວາ 3 ເມືອງລະມາມຈັດພິທີມອບ-ຮັບບັດແດງໃຫ້ແກ່ສະມາຊິກພັກສົມບູນ




ແຂວງເຊກອງ: ພິທີມອບ-ຮັບບັດແດງໃຫ້ແກ່ສະມາຊິກພັກສົມບູນຂອງຄະນະພັກຮາກຖານບ້ານ ນາວາທີ 3 ໄດ້ຈັດຂຶ້ນໃນຕອນເຊົ້າຂອງວັນທີ 24 ຕຸລາ 2017 ທີ່ໂຮງຮຽນປະຖົມບ້ານດັ່ງກ່າວ ໃຫ້ກຽດເຂົ້າຮ່ວມຂອງສະຫາຍໄຊຍະຫວັດ ກ້ອນຄຳໝັ້ນ ຮອງເລຂາພັກເມືອງ ຜູ້ຊີ້ນຳວຽກງານພັກພະນັກງານຂັ້ນເມືອງ ມີຄະນະໜ່ວຍພັກ ແລະ ສະມາຊິກພັກສົມບູນສຳຮອງພາຍໃນໜ່ວຍເຂົ້າຮ່ວມ.

ພິທີຄັ້ງນີ້, ສະຫາຍ ໄຂ່ຄຳ ດອຍສີທົນ ຄະນະຈັດຕັ້ງເມືອງ ກໍໄດ້ຜ່ານມະຕິຕົກລົງຂອງຄະນະປະຈຳພັກແຂວງສະບັບເລກທີ 122/ຄຈພຂ, ລົງວັນທີ 04/04/2017 ວ່າດ້ວຍການອອກບັດ ແລະ ມອບບັດໃຫ້ແກ່ສະມາຊິກພັກສົມບູນຂອງໜ່ວຍພັກຮາກຖານບ້ານ ນາວາ 3 ທີ່ໄດ້ມາດຖານຄົບຕາມເງື່ອນໄຂຂອງສະມາຊິກພັກປະຊາຊົນປະຕິວັດລາວເຊິ່ງມີຈໍານວນທັງໝົດ 8 ສະຫາຍ.

ໃນຕອນທ້າຍຂອງພິທີ, ສະຫາຍ ໄຊຍະຫວັດ ກ້ອນຄໍາໝັ້ນ ຮອງເລຂາພັກເມືອງ ຮອງເຈົ້າເມືອງລະມາມ ກໍໄດ້ໃຫ້ກຽດໂອ້ລົມ ເຊິ່ງທ່ານໄດ້ເນັ້ນໜັກຫຼາຍບັນຫາ ໃຫ້ບັນດາສະມາຊິກພັກສົມບູນໄດ້ເຊື່ອມຊຶມກຳແໜ້ນຕໍ່ແນວທາງນະໂຍບາຍຂອງພັກໃຫ້ເລິກເຊິ່ງ, ເພີ່ມທະວີຄວາມສາມັກຄີພາຍໃນໃຫ້ໜັກແໜ້ນ, ມີການຕຳນິສົ່ງຂ່າວເຊິ່ງກັນ ແລະ ກັນເຮັດໜ້າທີ່ປ້ອງກັນຊາດ-ປ້ອງກັນຄວາມສະງົບທົ່ວສັງຄົມໃຫ້ມີຄວາມເຂັ້ມແຂງ ພ້ອມສະກັດກັ້ນປະກົດການຫຍໍ້ທໍ້ພາຍໃນບ້ານໃຫ້ມີຄວາມສະຫງົບໂດຍພື້ນຖານ.


ຂ່າວ-ພາບ: ອິນປອນ ອ່ອນພະຈັນ ນັກຂ່າວເມືອງລະມາມ (ຂ່າວແຂວງເຊກອງ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.