Header Ads

ADB ປ່ອຍສິນເຊືອໃຫ້ ຊາວກະສິກອນເມືອງພູຄູນ 355 ລ້ານກີບ


ກອງທຶນພັດທະນາຊີວິດການເປັນຢູ່ຂອງຊາວກະສີກອນປະຈຳເມືອງພູຄູນ ( ADB ) ປ່ອຍເງິນສິນເຊືອໃຫ້ຊາວກະສີກອນຈຳນວນ 2 ບ້ານຂອງເມືອງພູຄູນ

ໃນວັນທີ 23 ຕຸລາ 2017 ນີ້ ຢູ່ທີສະໂມສອນໃຫ່ຍຂອງເມືອງພູຄູນ ກອງທຶນພັດທະນາຊີວິດການເປັນຢູ່ຂອງຊາວກະສີກອນ ( ADB ) ປະຈຳເມືອງພູຄູນ ໄດ້ຈັດພິທີປ່ອຍສິນເຊືອໃຫ້ແກ່ຊາວກະສີກອນບັນດາບ້ານພາຍໃນເມືອງ ໂດຍການເຂົ້າຮ່ວມຂອງທ່ານ ຄຳພັນ ພະນິນທອງ ຮອງເຈົ້າເມືອງພູຄູນ ປະທານຊີ້ນຳກອງທຶນຂັ້ນເມືອງ ມີຄະນະກຳມະການຄຸ້ມຄອງກອງທຶນ, ພະນັກງານກອງທຶນ ແລະ ຊາວກະສີກອນ2ບ້ານເຂົ້າຮ່ວມ.



ການປ່ອຍສິນເຊືອໃຫ້ແກ່ຊາວກະສີກອນໃນຄັ້ງນີ້ ແມ່ນປະຕິບັດຕາມແຜນການປອຍສິນເຊືອໃຫ້ແກ່ບ້ານເປົ້າໝາຍລ້ຽງສັດປະຈຳປີ 2017 ແລະ ເປັນການຈັດຕັ້ງປະຕິບັດແຜນພັດທະນາເສດຖະກິດສັງຄົມຄັ້ງທີ3ຂອງເມືອງ ສູ້ຊົນເຮັດໃຫ້ຊີວິດການເປັນຢູ່ຂອງພໍ່ແມ່ປະຊາຊົນດີຂື້ນເທືອລະກ້າວ  ການປ່ອຍສິນເຊືອຄັ້ງນີ້ມີວົງເງິນທັງໝົດ 355 ລ້ານກີບ ອັດຕາດອກເບ້ຍ 1-1,5%ຕໍ່ເດືອນ, ໄລຍະການກູ້ຢືມແມ່ນ1-3 ປີ ປ່ອຍກູ້ໃນ2ບ້ານຄື: ບ້ານພູຢ່າງ ແລະ ບ້ານສາມແຍກ ໂດຍມີ3ກຸ່ມຜະລິດ ມີສະມາຊິກທັງໝົດຈໍານວນ 15 ຄອບຄົວ, ໃນນີ້ບ້ານພູຢ່າງ ມີ 4 ຄອບຄົວ ແລະ ບ້ານສາມແຍກ 11 ຄອບຄົວ ໂອກາດດັ່ງກ່າວນີ້ ປະທານຊີ້ນຳກອງທຶນໄດ້ມີທິດຊີ້ນໍາຕໍ່ວຽກງານກອງທຶນມີການເຕີບໃຫ່ຍເຂັ້ມແຂງຂື້ນເລື້ອຍໆປະກອບສວນເຂົ້າການແກ້ໄຂຄວາມທຸກຍາກຂອງພໍ່ແມ່ປະຊາຊົນ, ສ້າງເສດຖະກິດຄອບຄົວໃຫ້ກ່າຍເປັນຄອບຄົວຕົວແບບໃນດ້ານການປູກ-ລ້ຽງຢ່າງແທ້ຈິງ ແລະ ຮຽກຮ້ອງມາຍັງປະຊາຊົນທີ່ໄດ້ຮັບເງິນກູ້ໃນຄັ້ງນີ້ ຈົງພ້ອມກັນປະຕິບັດຕາມກົດລະບຽບຂອງກອງທຶນຢ່າງເຂັມງວດ. 

ຂ່າວ: ວັນທຽນ ຄຳທະສິດ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.