Header Ads

ບໍລິຄຳໄຊ ມີລົດນຳເຂົ້າບໍ່ຖືກຕ້ອງ 600 ກວ່າຄັນ



ທ່ານ ຄຳໂກ້ ເກັ່ງວົງພັງ ຫົວໜ້າກອງກວດກາພາສີ ແຂວງບໍລິຄຳໄຊ ໃຫ້ສຳພາດຕໍ່ທິມຂ່າວການເງິນວ່າ: ສຳລັບການແກ້ໄຂບັນຫາການນໍາເຂົ້າລົດບໍ່ຖືກຕ້ອງຂອງແຂວງບໍລິຄຳໄຊ ເຊິ່ງພາຍຫລັງທີ່ໄດ້ຮັບແຈ້ງການຂອງຫ້ອງການສໍານັກງານາຍົກລັດຖະມົນຕີ ສະບັບເລກທີ 142/ຫສນຍ.ກລຂ ລົງວັນທີ 25 ມັງກອນ 2017 ວ່າດ້ວຍການແກ້ໄຂລົດນຳເຂົ້າບໍ່ຖືກຕ້ອງໃນຂອບເຂດທົ່ວປະເທດ.

ມາຮອດປັດຈຸບັນ ການແກ້ໄຂບັນຫາພາຫະນະນຳເຂົ້າບໍ່ຖືກຕ້ອງຕາມກົດໝາຍຢູ່ແຂວງບໍລິຄໍາໄຊ, ເຊິ່ງກອງກວດກາພາສີແຂວງຂຶ້ນບັນຊີໄວ້ທັງໝົດ 611 ຄັນ. ໃນນັ້ນ, ເປັນລົດໃຫຍ່ 174 ຄັນ, ລົດຈັກ 473 ຄັນ.

ມາຮອດປັດຈຸບັນການແກ້ໄຂຈໍານວນລົດດັ່ງກ່າວສໍາເລັດແລ້ວ 127 ຄັນ, ຍັງບໍ່ທັນແກ້ໄຂຈຳນວນ 484 ຄັນ, ແກ້ໄຂລົດໃຫຍ່ 18 ຄັນ, ຍັງບໍ່ໄດ້ແກ້ໄຂ 156 ຄັນ ແລະ ໄດ້ແກ້ໄຂລົດຈັກແລ້ວ 109 ຄັນ, ຍັງບໍ່ທັນແກ້ໄຂຈໍານວນ 328 ຄັນ, ສ່ວນການຈັດເກັບລາຍຮັບເຂົ້າງົບປະມານແຫ່ງລັດພຽງ 9 ເດືອນ, ສາມາດເກັບລາຍຮັບໄດ້ທັງໝົດ 10 ຕື້ກວ່າກີບ, ຖ້າທຽບໃສ່ແຜນການປີປະຕິບັດໄດ້ 143,48% ລື່ນແຜນການ 43,48%, ສົມທຽບໃສ່ໄລຍະດຽວກັນ 09 ເດືອນຂອງສົກປີຜ່ານມາປະຕິບັດໄດ້ 6 ຕື້ກວ່າກີບ.

ຂ່າວ-ພາບ: ກະຊວງການເງິນ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.