Header Ads

ໜ່ວຍພັກຮາກຖານ ສະພາປະຊາຊົນແຂວງຮັບສະມາຊິກພັກສົມບູນ



ວັນທີ 10 ຕຸລາ 2017 ນີ້ ໜ່ວຍພັກຮາກຖານສະພາປະຊາຊົນ ແຂວງເຊກອງ ໄດ້ຈັດພິທີຮັບເອົາສະມາຊິກພັກ ສະ ໄໝສຳຮອງ 5 ສະຫາຍ, ຍິງ 3 ສະຫາຍ ເຂົ້າເປັນສະມາຊິກພັກສົມບູນ ເຊິ່ງພິທີໄດ້ຈັດຂຶ້ນທີ່ສະໂມສອນສະພາປະຊາຊົນແຂວງ ໂດຍການເປັນປະທານຂອງທ່ານ ພອນເພັດ ຄິວລະວົງ ຮອງເລຂາພັກແຂວງ ປະທານສະພາປະຊາຊົນແຂວງເຊກອງ, ມີທ່ານ ອ້ວນຄຳ ທຸງໄຊ ກຳມະການພັກແຂວງ ຫົວໜ້າຄະນະຈັດຕັ້ງແຂວງ, ມີບັນດາສະຫາຍຄະນະໜ່ວຍພັກສະພາປະຊາຊົນ, ມີຕາງໜ້າໜ່ວຍພັກສານປະຊາຊົນແຂວງ, ອົງການຈັດຕັ້ງມະຫາຊົນ ພ້ອມດ້ວຍແຂກຖືກເຊີນ ແລະ ສະມາຊິກພັກສົມບູນ-ສຳຮອງເຂົ້າຮ່ວມ.






ການຮັບສະມາຊິກພັກສະໄໝສຳຮອງເຂົ້າເປັນສະມາຊິກພັກສົມບູນໃນຄັ້ງນີ້ແມ່ນປະຕິບັດຕາມກົດລະບຽບຂອງພັກປະຊາຊົນປະຕິວັດລາວ, ໃນນີ້ຄະນະປະຈຳພັກແຂວງອອກມະຕິຕົກລົງຮັບເອົາສະຫາຍ ສຸກສາຄອນ ກົມມະດຳ ອາຍຸ 28 ປີ, ສະຫາຍ ນວນ ແກ້ວບົວສີ ອາຍຸ 35 ປີ, ສະຫາຍ ນາງ ອ່ອນພາ ຊະນະນິຄົມ ອາຍຸ 36 ປີ, ສະຫາຍນາງ ແກ້ວໄພລິນ ດາລາລັດສະໝີ ອາຍຸ 29 ປີ ແລະ ສະຫາຍນາງ ອາລຸນນີ ແກ້ວຫົງສາ ອາຍຸ 27 ປີ ສະມາຊິກພັກປະຊາຊົນປະຕິວັດລາວສະໄໝສຳຮອງ ສັງກັດຢູ່ໜ່ວຍພັກຖານສະພາປະຊາຊົນແຂວງເຊກອງ, ເຊິ່ງຜ່ານມາ ທັງ 5 ສະຫາຍແມ່ນໄດ້ເອົາໃຈໃສ່ປະຕິບັດກົດລະບຽບຂອງພັກ, ປະຕິບັດກົດໝາຍລັດຖະກອນ ຢ່າງເຂັ້ມງວດ, ມີຄວາມຫ້າວຫັນໃນການປະຕິບັດໜ້າທີ່ວຽກງານທີ່ພັກ-ລັດມອບໝາຍໃຫ້ຢ່າງມີຜົນສຳເລັດ, ເຂົ້າຮ່ວມທຸກຂະບວນການທີ່ອົງການຈັດຕັ້ງພັກ-ລັດຈັດຂຶ້ນ, ນອກນີ້ ສະຫາຍຍັງມີຄວາມເຂົ້າໃຈແຈ້ງຕໍ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ ແລະ ກຳ ແໜ້ນ 5 ຫຼັກການ 3 ທິດນຳຂອງພັກວາງອອກໄດ້ເປັນຢ່າງດີ.




ໂອກາດດັ່ງກ່າວ ທ່ານ ພອນເພັດ ຄິວລະວົງ ຮອງເລຂາພັກແຂວງ ປະທານສະພາປະຊາຊົນແຂວງເຊກອງ ກໍໄດ້ສະແດງຄວາມຍ້ອງຍໍຊົມເຊີຍມາຍັງສະມາຊິກພັກສົມບູນໃໝ່ທີ່ໄດ້ເອົາໃຈໃສ່ຝຶກຝົນຫລໍ່ຫຼອມຕົນເອງຈົນໄດ້ເຂົ້າສັງກັດອົງການຈັດຕັ້ງສູງສຸດຂອງພັກ ພ້ອມທັງໄດ້ເນັ້ນໃຫ້ສະມາຊິກພັກສົມບູນໃໝ່ ເອົາໃຈໃສ່ສືບຕໍ່ສຶກສາອົບຮົມວຽກງານການເມືອງແນວຄິດໃຫ້ໜັກແໜ້ນ, ປະຕິບັດກົດລະບຽບຂອງພັກຢ່າງເຂັ້ມງວດ, ກຳແໜ້ນແນວທາງນະໂຍບາຍຂອງພັກວາງອອກໃນແຕ່ລະໄລຍະ ແລະ ສຶບຕໍ່ຝຶກຝົນຫລໍ່ຫຼອມຕົນເອງໃຫ້ກາຍເປັນສະມາຊິກພັກທີ່ດີເດັ່ນໃນຕໍ່ໜ້າ.




ຂ່າວ-ພາບ: ປີຊາ ສິງສັກສິດ/ຂ່າວແຂງເຊກອງ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.