Header Ads

ປກສ ແຂວງຊຽງຂວາງ ຈັບກຸມກຸ່ມແກງທີ່ອ້າງຕົນເປັນໜໍດູ ສໍ້ໂກງເງິນໄດ້ຫລາຍສິບລ້ານກີບ



ນີ້ແມ່ນເຫດອຸທາຫອນ ແລະ ເປັນປະກົດການຫຍໍ້ທໍ້ໃນສັງຄົມທີ່ກຸ່ມຄົນບໍ່ດີນໍາໃຊ້ຈຸດອ່ອນຂອງຄົນໃນການຕົວະເຍົາະລອກຫຼວງເອົາຊັບຜ່ານຂະບວນການໜໍດູ ຫຼື ການທໍານາຍໂຊກຊາຕາວາດສະໜາ.  ສໍາລັບເຫດການແບບນີ້ບໍ່ແມ່ນວ່າບໍ່ເຄີຍເກີດໃນບ້ານເຮົາແຕ່ຫາກມີມາດົນແລ້ວ ແຕ່ຫຼາຍຄົນກໍຍັງເຊື່ອໃນເລື່ອງນີ້ ທັງໆທີ່ຕົນເອງນັບຖືສາສະໜາພຸດ ສາສະໜາພະພຸດທະເຈົ້າສອນໃຫ້ມີຄວາມອົດທົດ, ສອນໃຫ້ມານະ, ສອນໃຫ້ເຊື່ອໃນການກະທໍາ, ສອນໃຫ້ມີສະຕິ, ສອນໃຫ້ໄຈ້ແຍກຄວາມຈິງ, ສອນໃຫ້ຮູ້ຈັກຄິດ ແລະ ອີກຫຼາຍຄໍາສອນທີ່ເພີ່ນໄດ້ສັ່ງສອນໄວ້ ແຕ່ປັດຈຸບັດພວກເຮົາກະຍົງມາເຊື່ອເລື່ອງດວງ, ອ່ານເລື່ອງດວງຫຼອກໂຕເອງໄປວັນໆ, ແກ້ດວງ ແລະ ເສີມດວງ  ເຊິ່ງຄວາມຈິ່ງຄົນທີ່ຈະລໍ້າລວຍ ຫຼື ປະສົບຄວາມສໍາເລັດຕ້ອງລົງມືເຮັດເທົ່ານັ້ນ.



ສິ່ງທີ່ໜ້າເສົ້າໃຈທີ່ສຸດຄື ການເບິ່ງດວງລາຍວັນ ມັນເປັນໄປບໍ່ໄດ້ດອກທີ່ດວງມະນຸດຄົນໜຶ່ງຂະປ່ຽນຈາກບໍ່ດີມື້ວານນີ້ ມາເປັນດີມື້ນີ້ ຫຼຶ ພາຍໃນອາທິດນີ້ ເຖິງແມ່ນວ່າເລື່ອງ 12 ລາສີຂອງມະນຸດທຸກຄົນຈະມີຢູ່ຈິງແຕ່ມັນຈະປ່ຽນທຸກໆ 12 ປີເທົ່ານັ້ນ(ຄວາມເຊື່ອຄົນບູຮານ) ບໍ່ແມ່ນປ່ຽນທຸກມື້ , ທຸກອາທິດ ແລະ ທຸກເດືອນຢ່າງທີ່ຫຼາຍຄົນເຂົ້າໃຈ ແຕ່ການຊອກຫາສິ່ງຢືດໜ່ຽວຈິດໃຈນັ້ນບໍ່ແມ່ນເລື່ອງແປກ ແຕ່ສິ່ງທີ່ແປກຄືການຢຶດຕິດກັບສິ່ງຢືດໜ່ຽວຈິດໃຈ ຈົນບໍ່ເຮັດບໍ່ທໍາ, ບໍ່ສ້າງບໍ່ສາ, ບໍ່ພັດທະນາ ແລະ ບໍ່ຄິດລິເລີ່ມສິ່ງໃໝ່ ໂດຍຫວັງເພິ່ງແຕ່ດວງ  ເຊິ່ງດວງຈະບໍ່ຂື້ນແດ່ນອນ ແຕ່ຊີວິດເຈົ້າຈະຕົດລົງ ແລະ ເຈົ້າຈະຕາຍເພາະບໍ່ມີຫຍັງຊີກິນ, ບໍ່ມີເງິນໃຊ້, ບໍ່ມີສັງຄົມ (ເຂົ້າແຕ່ຫາສິ່ງງົມງວາຍ) ແລະ ບໍ່ມີອະນາຄົດໃນທີ່ສຸດ.



ຖ້າເຈົ້າມີຄໍາຖາມ ວ່າຄວາມສໍາເລັດໜ້າຕາເປັນແບບໃດ, ເສັ້ນທາງເດີນຍາກພຽງໃດ, ຕ້ອງໃຊ້ຫຍັງຊ່ວຍ ແລະ ເຮັດແນວໃດຈິ່ງຈະປະສົບຄວາມສໍາເລັດ ໃຫ້ໄປເບິ່ງປະຫວັດການກໍາເນີດຂອງພະພຸດທະເຈົ້າ ເຊິ່ງກ່ອນເພີ່ນຈະກາຍເປັນອົງສໍາມາສໍາພຸດທະເຈົ້ານັ້ນຍາດພຽງໃດ ແລະ ເພີ່ມຕ້ອງໃຊ້ 500 ຊາດເພື່ອມາເກີດເປັນພະພຸດທະເຈົ້າໃນກວ່າ 2500 ປີຜ່ານມາ.​ 

ຄໍາຖາມຕໍ່ມາ : ເປັນຫຍັງຕ້ອງໄປເບິ່ງ ປະຫວັດການກໍາເນີດຂອງພະພຸດທະເຈົ້າ  ເພາະປະຫວັດການກໍາເນີດອົງສໍາມາສໍາພະທະເຈົ້ານັ້ນປະກອບມີ:
  • ເລື່ອງແຮງບັນດາໃຈ, ມີກົດແຫ່ງການດືງດູດ, ກົດແຫ່ງພະລັງການຄິດບວກ ແລະ ມີເກືອບທຸກຢ່າງທີ່ ພວກເຮົາໄປເສຍເງິນເຂົ້າຫຼັກສູດແພງໆ ທີ່ສຸດທ້າຍ ສິ່ງທີ່ເຂົາສອນແມ່ນມາຈາກຄໍາສອນພະພຸດທະເຈົ້າ
  • ເລື່ອງການບໍລິການຄົນ
  • ເລື່ອງການຕະລາດ (ຕອນທີ່ເປັນເຜີດແຜຮສາສະໜາ ແລະ ສ້າງເຄື່ອຂ່າຍພຣະພິຂຸສົງ)
  • ເລື່ອງຄວາມເຊື່ອ, ຕວາມສັດທາ, ຄວາມດີ, ຄວາມຮູ້ ແລະ ອີກຫຼາຍລ້ານ "ຄວາມ" ທີ່ເປັນບົດຮຽນພຽງພໍສໍາລັບຊາດນີ້
  • ເລື່ອງການຄົ້ນພົບ (ເປົ້າໝາຍຊີວິດ)
  • ເລື່ອງການເປັນຜູ້ນໍາ
  • ເລື່ອງພະລັງຂອງການຄວາມຄິດ, ສະຕິ ແລະ ປັນຍາ
  • ເລື່ອງວາຈາ
  • ເລືອງດວງ 
  • ແລະ ອີກຫຼາຍເລື່ອງ




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.