Header Ads

ບ້ານໂພນຈັດພິທີມອບ~ຮັບບັດແດງໃຫ້ແກ່ສະມາຊິກພັກສົມບູນ



ແຂວງເຊກອງ : ພິທີມອບຮັບບັດແດງໃຫ້ແກ່ສະມາຊິກພັກສົມບູນຂອງຄະນະພັກຮາກຖານບ້ານໂພນ ໄດ້ຈັດຂຶ້ນໃນຕອນເຊົ້າຂອງວັນທີ 24 ຕຸລາ 2017 ນີ້, ທີ່ສະໂມສອນຫ້ອງການບ້ານດັ່ງກ່າວ ໃຫ້ກຽດເຂົ້າຮ່ວມຂອງສະຫາຍ ໄຊຍະຫັວດ ກ້ອນຄຳໝັ້ນ ຮອງເລຂາພັກເມືອງ ຮອງເຈົ້າເມືອງລະມາມ ຜູ້ຊີ້ນຳວຽກງານພັກພະນັກງານຂັ້ນເມືອງ, ມີທ່ານ ຄຳຜອງ ເຜົ່າລະວີ ຄະນະຈັດຕັ້ງເມືອງ ພ້ອມດ້ວຍຄະນະໜ່ວຍພັກ ແລະ ສະມາຊິກພັກສົມບູນ, ສຳຮອງພາຍໃນໜ່ວຍເຂົ້າຮ່ວມ.




ໃນພິທີຄັ້ງນີ້, ສະຫາຍ ປານີ ສິນຄານ ຮອງໜ່ວຍງານປ້ອງກັນພັກກໍໄດ້ຜ່ານມະຕິຕົກລົງຂອງຄະນະປະຈຳພັກແຂວງ ສະບັບເລກທີ 120/ຄຈພຂ, ລົງວັນທີ 03/04/2017 ວ່າດ້ວຍການອອກບັດ ແລະ ມອບບັດໃຫ້ແກ່ສະມາຊິກພັກສົມບູນຂອງໜ່ວຍພັກຮາກຖານບ້ານໂພນ ທີ່ໄດ້ມາດຖານຄົບຕາມເງື່ອນໄຂຂອງສະມາຊິກພັກປະຊາຊົນປະຕິວັດລາວເຊິ່ງມີຈຳນວນທັງໝົດ 12 ສະຫາຍ, ຍິງ 2 ສະຫາຍ.



ໃນຕອນທ້າຍຂອງພິທີ, ສະຫາຍ ໄຊຍະຫວັດ ກ້ອນຄຳໝັ້ນ ຮອງເລຂາພັກເມືອງ ກໍໄດ້ໃຫ້ກຽດໂອ້ລົມ ເຊິ່ງທ່ານໄດ້ເນັ້ນຫຼາຍບັນຫາໃຫ້ບັນດາສະມາຊິກພັກສົມບູນໄດ້ເຊື່ອມຊຶມກຳແໜ້ນຕໍ່ແນວທາງນະໂຍບາຍຂອງພັກໃຫ້ເລິກເຊິງ, ເພີ່ມທະວີຄວາມສາມັກຄີພາຍໃນພັກໃຫ້ໜັກແໜ້ນ, ມີການຕໍານິສົ່ງຂ່າວເຊິງກັນ ແລະ ກັນ, ເຮັດໜ້າທີ່ວຽກງານປ້ອງກັນຊາດ-ປ້ອງກັນຄວາມສະຫງົບທົ່ວສັງຄົມໃຫ້ມີຄວາມເຂັ້ມແຂງ ພ້ອມສະກັດກັ້ນປະກົດການຫຍໍ້ທໍ້ພາຍໃນບ້ານໃຫ້ມີຄວາມສະຫງົບໂດຍພື້ນຖານ.



ຂ່າວ-ພາບ: ດາວສະວັນ ໄຊລາສອນ (ແຂວງເຊກອງ)

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.