Header Ads

ຈໍາປາສັກ ແລະ ຫຼວງພະບາງ ແລກປ່ຽນຖອດຖອນບົດຮຽນວຽກງານສື່ມວນຊົນ



ຄະນະຜູ້ແທນພະແນກ ຖວທ ແຂວງຈຳປາສັກ ໄດ້ຕ້ອນຮັບ ແລະ ແລກປ່ຽນບົດຮຽນດ້ານວິຊາການສື່ມວນຊົນ ກັບຄະນະຜູ້ແທນພະແນກ ຖວທ ແຂວງຫຼວງພະບາງ ໃນວັນທີ 16 ຕຸລາ 2017 ນີ້, ທີ່ສະຖານີວິທະຍຸກະຈ່າຍສຽງແຂວງຈຳປາສັກ.ຝ່າຍແຂວງຈຳປາສັກນຳໂດຍ ທ່ານ ບົວທອງ ສຸວັນນະສານ ຫົວໜ້າພະແນກ ຖວທ ,ຝ່າຍແຂວງຫຼວງພະບາງ ນຳໂດຍ ທ່ານ ສຸລະທິບ ໜໍ່ຄູນຜົນ ຫົວໜ້າພະແນກ ຖວທ. ຈາກນັ້ນກໍ່ມີຄະນະສື່ມວນຊົນ ວິທະຍຸກະຈາຍສຽງ,ໂທລະພາບ ແລະ ໜັງສືພິມລວມທັງພາກສ່ວນທີ່ກ່ຽວຂ້ອງທັງສອງແຂວງເຂົ້າຮ່ວມ.



ໃນການພົບປະແລກປ່ຽນບົດຮຽນໃນຄັ້ງນີ້:ທັງສອງຝ່າຍໄດ້ລາຍງານສະພາບການຈັດຕັ້ງປະຕິບັດວຽກງານຂົງເຂດສື່ມວນຊົນເຊັ່ນ:ວຽກງານວິທະຍຸກະຈ່າຍສຽງ,ໂທລະພາບ ແລະ ໜັງສືພີມເຊີ່ງກັນ ແລະ ກັນ ນັບແຕ່ວິຊາການ ຕະຫຼອດການບໍລິຫານ ໂດຍສະເພາະການຫັນສື່ດັ່ງກ່າວເປັນກຸ້ມຕົນເອງເທື່ອລະກ້າວ. ຈາກນີ້ກໍ່ໄດ້ຍົກໃຫ້ເຫັນຂໍ້ສະດວກ,ຂໍ້ຫຸ້ຍງຍາກຂອງແຕ່ລະແຂວງເພື່ອພ້ອມກັນຫາວິທີປັບປຸງແກ້ໄຂໃນຕໍ່ໜ້າ ແນໃສ່ພ້ອມກັນພັດທະນາວົງການສື່ມວນຊົນໃຫ້ມີປະສິດທິພາບສູງ ເຮັດແນວໃດນຳເອົາບັນດາຂໍ້ມູນຂ່າວສານ,ແນວທາງນະໂຍບາຍຂອງພັກ,ລະບຽບກົດໝາຍຂອງລັດ,ສາລະຄວາມຮູ້ ແລະ ຄວມບັນເທີງຕ່າງໆ ລົງສູ່ພື້ນຖານປະຊາຊົນ ເພື່ອກະຕຸກຊຸກຍູ້ທົ່ວສັງຄົມປະກອບສ່ວນຢ່າງຕັ້ງໜ້າເຂົ້າໃນພາລະກິດປົກປັກຮັກສາ ແລະ ສ້າງສາປະເທດຊາດ ກໍ່ຄືສອງທ້ອງຖິ່ນແຂວງ ຈຳປາສັກ ແລະ ຫຼວງພະບາງໃຫ້ກ້າວໜ້າຂະຫຍາຍຕົວຢ່າງບໍ່ຢຸດຢັ້ງ. 




ໃນໂອກາດພົບປະແລກປ່ຽນບົດຮຽນເຊີ່ງກັນ ແລະກັນຄະນະນຳຜູ້ແທນປະແພກ ຖວທ ແຂວງຈຳປາສັກ ແລະ ພະແນກ ຖວທ ແຂວງຫຼວງພະບາງ ຍັງໄດ້ມອບເຄືອງທີ່ລະນືກເຊີ່ງກັນແລະກັນ ພ້ອມນີ້ ຄະນະຜູ້ແທນ ຖວທແຂວງຫຼວງພະບາງ ກໍໄດ້ຢ້ຽມຊົມສະຖານີວິທະຍຸກະຈາຍສຽງແຂວງຈໍາປາສັກແຫ່ງໃໝ່ ແລະສະຖານທີ່ແຫຼ່ງທ່ອງທ່ຽວທີ່ສວຍສົດງົດງາມຂອງແຂວງຈຳປາສັກອິກດ້ວຍ.


ພາບ ແລະ ຂ່າວ: ວິທະຍຸກະຈາຍສຽງແຂວງຈໍາປາສັກ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.