Header Ads

ສູນຝຶກອົບຮົມຖະແຫຼງຂ່າວ, ວັດທະນະທຳ ແລະ ທ່ອງ ທ່ຽວແຂວງຫຼວງນໍ້າທາຈັດຊຸດຝືກອົບຮົມໃຫ້ພະນັກງານນໍາທ່ຽວ




ເພື່ອເປັນການສົ່ງເສີມການອານຸລັກຮັກສາສະຖານທີ່ແຫຼ່ງທ່ອງທ່ຽວທາງວັດທະນະທຳ, ຮີດຄອງປະເພນີ, ທໍາມະຊາດ ແລະ ພັດທະນາວຽກງານການທ່ອງທ່ຽວໃຫ້ນັບມື້ມີປະສິດຕິພາບສູງໃນດ້ານການບໍລິການການອຳນວຍຄວາມສະດວກ, ສ້າງຄວາມປະທັບໃຈໃຫ້ແກ່ນັກທ່ອງທ່ຽວທີ່ເຂົ້າມາທ່ຽວຊົມ ສ ປ ປ ລາວ ເວົ້າລວມ, ເວົ້າສະເພາະກໍ່ຄືແຂວງຫຼວງ
ນໍ້າທາໃຫ້ນັບມື້ມີຈຳນວນເພີ້ມຂື້ນ ແລະທັງເປັນການພັດທະນາວຽກງານທ່ອງທ່ຽວໃຫ້ມີຄວາມພ້ອມໃນການບໍລິການນັກທ່ອງທ່ຽວທີ່ຈະເຂົ້າມາທ່ຽວຊົມ, ສະເຫຼີມສະຫຼອງ ປີທ່ອງທ່ຽວລາວໃນປີ 2018 ທີ່ຈະມາເຖິງນີ້. 




ມາໃນຕອນເຊົ້າຂອງວັນທີ 25 ຕຸລາ 2017 ນີ້ຢູ່ທີ່ສູນຝຶກອົບຮົມຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຫຼວງນໍ້າທາ, ເຊີ່ງທາງສູນໄດ້ຈັດຊຸດຝືກອົບຮົມໃຫ້ພະນັກງານນໍາທ່ຽວຢູ່ພາຍໃນເມືອງຫຼວງນ້ຳທາໂດຍການເຂົ້າຮ່ວມກ່າວເປີດຂອງທ່ານ ສີວິໄລ ປັນແກ້ວ ກຳມະການພັກແຂວງ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຫຼວງນໍ້າທາ, ມີທ່ານ ນ ສົມມາລາ ຫຸມວິໄຊ ຫົວໜ້າສູນຝຶກອົບຮົມຖະແຫຼງຂ່າວ, ວັດທະນະທຳ ແລະ ທ່ອງທ່ຽວ
ແຂວງ, ມີຄູຝືກ , ສຳມະນາກອນມາຈາກ 6 ບໍລິສັດນຳທ່ຽວ ແລະ ໜ່ວຍບໍລິການນຳທ່ຽວພາຍໃນເມືອງຫຼວງນ້ຳທາເຂົ້າຮ່ວມ. 



ໃນໄລຍະຂອງການຝຶກອົບຮົມເປັນເວລາ 4 ວັນ ( ວັນທີ່ 25 – 28 ຕຸລາ 2017 )ສຳມະນາກອນຈຳນວນ 24 ຄົນ, ຈະໄດ້ຮຽນຮູ້ກ່ຽວກັບ ນະໂຍບາຍຂອງພັກທັດສະນະຂອງລັດຕໍ່ການພັດທະນາການທ່ອງທ່ຽວ, ເຕັກນິກການນຳທ່ຽວໂດຍລົງເລິກແນວຄວາມຄິດເບື້ອງຕົ້ນ ກ່ຽວກັບພະນັກງານນຳທ່ຽວ, ຄຸນສົມບັດ, ມາລະຍາດ, ຈັນຍາບັນ ແລະ ການວາງຕົວຂອງພະນັກງານນຳທ່ຽວ, ບົດບາດ ແລະ ໜ້າທີ່ຂອງພະນັກງານນຳທ່ຽວ, ການວາງແຜນ ແລະ ແກ້ໄຂບັນຫາ, ພຶດຕິກຳຂອງນັກທ່ອງທ່ຽວ, ການນຳທ່ຽວພະຈົນໄພທາງເຮືອ ແລະ ນອກຈາກນີ້ ບັນດາສຳມະນາກອນ ແລະຄູຝຶກຍັງຈະໄດ້ຮ່ວມກັນ
ລົງພາກປະຕິບັດຕົວຈີງໃນການລ່ອງເຮືອພະຈົນໄພທາງເຮືອ ຢູ່ໃນສາຍນໍ້າທາ ແລະ ສາຍນ້ຳຫ້າເຂດປ່າສະຫງວນແຫ່ງຊາດນໍ້າຫ້າຕື່ມອີກ.
 

ຊຸດອົບຮົມຄັ້ງນີ້ໄດ້ຮັບທືນສະໜັບສະໜູນໂດຍໂຄງການສະໜັບໜູນກິດຈະກຳການທ່ອງທ່ຽວຈາກປະເທດນິວຊີແລນໃນມູນຄ່າ 2, 200 ໂດລາສະຫະລັດ. 

ຂ່າວ-ພາບ ສົມພອນ ຂຸນດາວົງ (Media Laos)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.