Header Ads

ໄອຍະການເຊກອງ ຄັດເລືອກພະນັກງານນຳພາ-ຄຸ້ມຄອງ



ແຂວງເຊກອງ  : ໃນລະຫວ່າງວັນທີ 16-17 ຕຸລາ 2017 ນີ້ ອົງການໄອຍະການປະຊາຊົນແຂວງເຊກອງ ໄດ້ຈັດກອງປະຊຸມຂຶ້ນແຜນກຳນົດພະນັກງານນຳພາ-ຄຸ້ມຄອງຂຶ້ນ ທັງນີ້ ກໍເພື່ອແນໃສ່ໃນການຄັດເລືອກ ແລະ ກຳນົດເອົາພະນັກງານນຳພາ-ຄຸ້ມຄອງທີ່ມີມາດຖານເງື່ອນໄຂຄົບຖ້ວນ ແລະ ມີຄວາມຮູ້ຄວາມສາມາດ ເພື່ອສືບຕໍ່ຊີ້ນຳໆພາວຽກງານໃນຂົງເຂດອົງການໄອຍະການແຂວງເຊກອງໃຫ້ໄດ້ຮັບການພັດທະນາດີຂຶ້ນເທື່ອລະກ້າວ.



ເປັນກຽດເຂົ້າຮ່ວມກອງປະຊຸມຄັ້ງນີ້ ມີທ່ານ ສົມບູນ ລາດຊະບົວສີ ຫົວໜ້າກົມຈັດຕັ້ງ-ພະນັກງານ ອົງການໄອຍະການປະຊາຊົນສູງສຸດ, ທ່ານ ສົມນິດ ສີລິບຸນລຽງ ຫົວໜ້າອົງການໄອຍະການປະຊາຊົນແຂວງເຊກອງ, ທ່ານ ແກ້ວມະນີ ແກ້ວບຸນຮັກ ຮອງຫົວໜ້າຄະນະຈັດຕັ້ງແຂວງ, ພ້ອມນີ້ ກໍມີຄະນະກວດກາແຂວງ, ພະແນກພາຍໃນແຂວງ, ຮອງຫົວໜ້າ ພ້ອມດ້ວຍພະນັກງານ-ລັດຖະກອນຂອງອົງການໄອຍະການປະຊາຊົນແຂວງເຊກອງເຂົ້າຮ່ວມ. 



ໂອກາດນີ້ ທ່ານ ສົມບູນ ລາດຊະບົວສີ ກໍໄດ້ເຜີຍແຜ່ຄຳສັ່ງເລກທີ 08 ຂອງກົມການເມືອງສູນກາງພັກ, ບົດແນະນຳເລກທີ 198 ຂອງຄະນະຈັດຕັ້ງສູນກາງພັກ, ພ້ອມທັງໄດ້ຜ່ານມາດຖານເງື່ອນໄຂ ແລະ ແນະນຳການທາມທາບ ວິທີດຳເນີນການປ່ອນບັດທາມທາບໃນຮອບທີ I, ຮອບທີ II ແລະ ຮອບທີ III ທັງນີ້ ກໍເພື່ອແນໃສ່ໃນການຄັດເລືອກ ແລະ ກຳນົດເອົາພະນັກງານນຳພາ-ຄຸ້ມຄອງໃຫ້ໄດ້ຜູ້ທີ່ມີມາດຖານເງື່ອນໄຂຄົບຖ້ວນ ແລະ ມີຄວາມຮູ້ຄວາມສາມາດ ເພື່ອສືບຕໍ່ຊີ້ນຳໆພາວຽກງານໃນຂົງເຂດອົງການໄອຍະການແຂວງເຊກອງໃຫ້ໄດ້ຮັບການພັດທະນາດີຂຶ້ນຢ່າງບໍ່ຢຸດຢັ້ງ.




ຂ່າວ : ສັນຍາ ແກ້ວໄຊຍະວົງ/ຂ່າວແຂວງເຊກອງ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.