Header Ads

ເສັ້ນທາງລົດໄຟລາວ-ຈີນ ຄືໝາກຜົນຂໍ້ລິເລີ່ມ ໜຶ່ງແລວທາງ ໜຶ່ງເສັ້ນທາງຂອງ ສປ ຈີນ




ໂຄງການສ້າງເສັ້ນທາງລົດໄຟລາວ-ຈີນກໍ່ແມ່ນໝາກຜົນອັນໜຶ່ງຂອງການຈັດຕັ້ງປະຕິບັດຂໍ້ລິເລີ່ມໜຶ່ງແລວທາງ ໜຶ່ງເສັ້ນທາງ “Belt and Road Initiative” ໃນໄລຍະຫ້າປີຜ່ານມາ.

ໃນການຖະແຫລງຂ່າວເນື່ອງໃນໂອກາດຈັດກອງປະຊຸມໃຫຍ່ຄັ້ງທີ 19 ຂອງພັກຄອມມູນິດຈີນ ຕໍ່ນັກຂ່າວຈີນ ແລະ ຕ່າງປະເທດ ເມື່ອວັນທີ 23 ຕຸລາ 2017 ທີ່ນະຄອນຫລວງ ປັກກິ່ງ ສປ ຈີນ, ທ່ານ ເຫີ ລີເຝິງ ປະທານ ຄະນະກຳມະການ ພັດທະນາ ແລະ ປະຕິຮູບ ແຫ່ງຊາດ ຈີນ ໃຫ້ຮູ້ວ່າ ປະຈຸບັນມີຫລາຍກວ່າ 100 ປະເທດໃນທົ່ວໂລກໄດ້ໃຫ້ການຮ່ວມມື, ສະໜັບສະໜູນ ແລະ ເຂົ້າມີສ່ວນຮ່ວມໃນພັດທະນາຂໍ້ລິເລີມ ໜຶ່ງແລວທາງ ໜຶ່ງເສັ້ນທາງຂອງສປ.ຈີນ ນອກຈາກນີ້ ລັດຖະບານ ຈີນຍັງໄດ້ເຊັນສັນຍາ 90 ກວ່າສະບັບ ກັບ 70 ກວ່າປະເທດທີ່ຢູ່ຕາມແລວທາງ-ເສັ້ນທາງດັ່ງກ່າວ ແລະ ກັບບັນດາອົງການຈັດຕັ້ງສາກົນຕ່າງ.

ຂໍ້ລິເລີ່ມໜຶ່ງແລວທາງ ໜຶ່ງເສັ້ນທາງແມ່ນນັບມື້ຂະຫຍາຍຕົວຢ່າງຕໍ່ເນື່ອງໂດຍໄດ້ຮັບການຮ່ວມມືຈາກບັນດາປະເທດ ເພື່ອນມິດທັງໃນພາກພື້ນ ແລະ ສາກົນ ເຊິ່ງຈຸດປະສົງກໍເພື່ອສ້າງຂອບ ຮ່ວມມືເຊິ່ງປະກອບດ້ວຍ ຫົກແລວທາງ, ຫົກວິທີທາງຂອງການຕິດຕໍ່ພົວພັນ-ຄົມມະນາຄົມ ແລະ ປະກອບດ້ວຍຫລາຍປະເທດ ແລະ ຫລາຍທາງເຮືອ.


ໂຄງການທີ່ກຳລັງມີຄວາມຄືບໜ້າໄປຢ່າງດີ ກໍຄື ໂຄງການສ້າງເສັ້ນທາງລົດໄຟລາວ-ຈີນ, ໂຄງການສ້າງທາງລົດໄຟຄວາມໄວສູງ ຈາກາຕາ-ບັງດູ, ໂຄງການສ້າງເສັ້ນທາງລົດໄຟໄທ-ຈີນ ແລະ ໂຄງການສ້າງທາງລົດໄຟ ຮົງກາຣີ-ແຊັກບີ ແລະ ອີກຫລາຍໆໂຄງການທີ່ໄດ້ຮັບຜົນຕອບຮັບໃນທາງບວກ.


ພາຍໃຕ້ຂໍ້ລິເລີ່ມດັ່ງກ່າວ ສປ.ຈີນ ຍັງໄດ້ເຊັນສັນຍາການຄ້າສອງຝ່າຍກັບ 11 ປະເທດທີ່ນອນຢູ່ໃນເສັ້ນທາງສາຍໄໝ ແລະ ສ້າງຕັ້ງທະນາຄານພັດທະນາພື້ນຖານໂຄງລ່າງອາຊີ AIIB ແລະ ກອງທຶນເສັ້ນທາງສາຍໄໝອີກດ້ວຍ.


ພາບ-ຂ່າວ ສຸກທະວີ/ຂປລ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.