Header Ads

ພະແນກອຸດສະຫະກຳແລະການຄ້າ ເຜີຍແຜ່ຂໍ້ຕົກລົງວ່າດ້ວຍການຢັ້ງຢືນແຫຼ່ງກຳເນີດສິນຄ້າທີ່ຈະສົ່ງອອກຕ່າງປະເທດ



ພະແນກອຸດສະຫະກຳແລະການຄ້າແຂວງຈຳປາສັກ ໄດ້ຈັດການເຜີຍແຜ່ຂໍ້ຕົກລົງຂອງກະຊວງອຸດສະຫະກຳ ແລະການຄ້າວ່າດ້ວຍການຢັ້ງຢືນແຫຼ່ງກຳເນີດສິນຄ້າຂອງລາວທີ່ຈະສົ່ງອອກໄປຍັງຕ່າງປະເທດ.ເມື່ອບໍ່ດົນມານີ້,ຢູ່ທີ່ສະມາຄົມກະເຟລາວ ໂດຍການເປັນປະທານຂອງ ທ່ານ ຄຳໝັ້ນ ພັນທະລາ ຮອງຫົວໜ້າພະແນກອຸດສະຫະກຳ ແລະ ການຄ້າແຂວງ,ມີຕາງໜ້າກະຊວງອຸດສະຫະກຳ ແລະ ການຄ້າ, ຮອງປະທານສະມາຄົມກະເຟລາວ,ບັນດາຫົວໜ່ວຍທຸລະກິດທີ່ສົ່ງອອກສິນຄ້າເຂົ້າຮ່ວມ.



ຈຸດປະສົງການເຜີຍແຜ່ແນໃສ່ໃຫ້ຫົວໜ່ວຍທຸລະກິດປະກອບການສົ່ງອອກຮັບຮູ້ເຂົ້າໃຈ ແລະພ້ອມກັນຈັດຕັ້ງປະຕິບັດຂໍ້ຕົກລົງຂອງກະຊວງອຸດສະຫະກຳ ແລະ ການຄ້າວ່າດ້ວຍການຢັ້ງຢືນແຫຼ່ງກຳເນີດສິນຄ້າດ້ວຍຕົນເອງພາຍໃຕ້ໂຄງການທົດລອງຂອງສະຫະພາບເອີຣົບ ໃຫ້ໄດ້ຮັບຜົນດີ.ເຊິ່ງເນື້ອໃນຂໍ້ຕົກລົງ ນັບແຕ່ວັນທີ 1 ມັງກອນ 2018 ເປັນຕົ້ນໄປບັນດາຫົວໜ່ວຍທຸລະກິດທີ່ສົ່ງອອກສິນຄ້າໄປຍັງສະຫະພາບເອີຣົບ,ສະວິດ ແລະນອກແວ ແມ່ນຈະເປັນຜູ້ອອກໃບຢັ້ງຢືນແຫຼ່ງກຳເນີດສິນຄ້າດ້ວຍຕົນເອງ, ສ່ວນພາກລັດທີເຄີຍອອກໃບຢັ້ງຢືນໃຫ້ຄືຜ່ານມາແມ່ນໃຫ້ຢຸດເຊົາພາຍໃນວັນທີ 31 ທັນວາ ປີນີ້. ທັງນີ້ກໍເພື່ອອຳນວຍຄວາມສະດວກໃຫ້ແກ່ຜູ້ດຳເນີນການສົ່ງອອກສິນຄ້າທີ່ໄດ້ຮັບສິດທິພິເສດທາງດ້າການຄ້າບໍ່ມີຫຼາຍຂັ້ນຕອນ ແລະ ແນໃສ່ເຮັດໃຫ້ການຈັດຕັ້ງປະຕິບັດຖືກຕ້ອງສອດຄ່ອງກັບກົດໝາຍ ແລະລະບຽບການຂອງ ສປປລາວ ແລະ ສາກົນ.




ຂໍ້ຕົກລົງວ່າດ້ວຍການອອກໃບຢັ້ງຢືນແຫຼ່ງກຳເນີດສິນຄ້າມີທັງໝົດ VIl ໝວດ 18 ມາດຕາ,ຊຶ່ງໄດ້ກຳນົດຫຼັກການ,ລະບຽບການ ແລະມາດຕາການກ່ຽວກັບການຈັດຕັ້ງປະຕິບັດຢ່າງເຂັ້ມງວດ.




ທີ່ມາ: ວິທະຍຸກະຈາຍສຽວຈໍາປາສັກ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.