Header Ads

ລັດຖະມົນຕີກະຊວງປ້ອງກັນປະເທດຕ້ອນຮັບຜູ້ບັນຊາການທະຫານນະຄອນຫຼວງຮ່າໂນ້ຍ ແລະ ພະນົມເປັນ




ໃນນຕອນບ່າຍຂອງວັນທີ 26 ຕຸລາ 2017 ນີ້, ຢູ່ຫ້ອງຮັບແຂກ ກະຊວງປ້ອງກັນປະເທດ, ທ່ານ ພົນໂທ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນ ປະເທດ ໄດ້ຕ້ອນຮັບການເຂົ້າຢ້ຽມຂໍ່ານັບຂອງທ່ານ ພົນຈັດຕະວາ ຫງວຽນ ຢວນ ແອງ ຜູ້ບັນຊາການທະຫານນະຄອນຫຼວງ ຮ່າໂນ້ຍ ສສ ຫວຽດນາມ ເນື່ອງໃນໂອກາດມາຢ້ຽມຢາມ ແລະ ເຂົ້າຮ່ວມກອງປະຊຸມຜູ້ບັນຊາ ການທະຫານ 3 ນະຄອນຫຼວງລາວ, ຫວຽດນາມ ແລະ ກຳປູເຈຍທີ່ຈັດຂຶ້ນເມື່ອວັນທີ 25 ຕຸ ລານີ້, ຢູ່ນະຄອນຫຼວງວຽງຈັນ.



ທ່ານ ພົນໂທ ຈັນສະໝອນ ຈັນ ຍາລາດ ໄດ້ສະແດງຄວາມຊົມ ເຊີຍ ແລະ ຍິນດີທີ່ທ່ານຜູ້ບັນຊາ ການທະຫານນະຄອນຫຼວງຮ່າ ໂນ້ຍໄດ້ມາຢ້ຽມຢາມ ແລະ ເຂົ້າ ຮ່ວມກອງປະຊຸມຜູ້ບັນຊາການ ທະຫານ 3 ນະຄອນຫຼວງໃນຄັ້ງ ນີ້, ໃນໂອກາດນີ້ທ່ານຜູ້ບັນຊາ ການທະຫານນະຄອນຫຼວງຮ່າ ໂນ້ຍໄດ້ສະແດງຄວາມຂອບໃຈ ຕໍ່ການຕ້ອນຮັບຢ່າງອົບອຸ່ນຂອງ ທ່ານລັດຖະມົນຕີກະຊວງປ້ອງ ກັນປະເທດ ສປປ ລາວ, ກ່າວສະ ແດງຄວາມດີໃຈທີ່ເຫັນສາຍພົວ ພັນມິດຕະພາບອັນດີງາມທີ່ເປັນ ມູນເຊື້ອມາເປັນເວລາຍາວນານ ຄວາມສາມັກຄີພິເສດ ແລະ ການ ຮ່ວມມືຮອບດ້ານລະຫວ່າງ ສອງຊາດ ລາວ-ຫວຽດນາມນັບ ມື້ແໜ້ນແຟ້ນ.

ໃນມື້ດຽວກັນນີ້, ທ່ານ ພົນຕີ ມົມໂສະພຽນ ຮອງຜູ້ບັນຊາການ ທະຫານນະຄອນຫຼວງພະນົມ ເປັນ ກໍໄດ້ເຂົ້າຢ້ຽມທ່ານລັດຖະ ມົນຕີກະຊວງປ້ອງກັນປະເທດ ເຮົາເຊັ່ນດຽວກັນ, ເຊິ່ງທ່ານພົນໂທ ຈັນສະໝອນ ຈັນຍາລາດ ກໍ ໄດ້ກ່າວຕ້ອນຮັບຢ່າງອົບອຸ່ນ, ສະແດງຄວາມຍິນດີທີ່ໄດ້ຕ້ອນ ຮັບທ່ານ ພົນຕີ ມົມໂສະ ພຽນໃນຄັ້ງນີ້, ເຊິ່ງທ່ານ ພົນຕີ ມົມ ໂສະພຽນ ກໍໄດ້ສະແດງຄວາມ ຂອບອົກຂອບໃຈຕໍ່ການຕ້ອນ ຮັບອັນອົບອຸ່ນຂອງທ່ານ ພົນໂທ ຈັນສະໝອນ ຈັນຍາລາດ, ທ່ານ ຮອງຜູ້ບັນຊາການທະຫານນະ ຄອນຫຼວງພະນົມເປັນ ໃຫ້ຄຳ ໝັ້ນສັນຍາວ່າ: ຈະສຸມຄວາມພະ ຍາຍາມເຮັດໃຫ້ການຮ່ວມມື ສອງຊາດ, ສອງກອງທັບ ກຳປູ ເຈຍ-ລາວ ໃຫ້ນັບມື້ນັບຂະຫຍາຍຂຶ້ນ, ໂດຍສະເພາະແມ່ນປະກອບ ສ່ວນເສີມສ້າງມິດຕະພາບລະ ຫວ່າງປະຊາຊົນທັງສອງຊາດ ກຳປູເຈຍ-ລາວ ໄດ້ໄປມາຫາສູ່ ສ້າງສາບ້ານເມືອງຂອງຕົນນັບ ມື້ນັບຈະເລີນຮຸ່ງເຮືອງໃນອະ ນາຄົດ.

ພາບ ແລະ ຂ່າວ: ກອງທັບປະຊາຊົນລາວ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.